កើនទម្ងន់ក្រោយអាយុ៤០ឆ្នាំ ជាបញ្ហាតែងជួបប្រទះ និងពុំសូវមាននរណាបញ្ចៀសបាន ដោយសារមូលហេតុធម្មជាតិ។ ជាមួយភាពយឺតមកវិញរបស់ដំណើរការបំប្លែងសារជាតិពេលអាយុច្រើន មនុស្សងាយឡើងទម្ងន់ ហើយបន្ទាប់ពីនោះគឺពិបាកដើម្បីបញ្ចុះមកវិញ ។
ខាងក្រោមនេះ ជាវិធីបញ្ចុះទម្ងន់២យ៉ាងដ៏មានប្រសិទ្ធភាព សម្រាប់មនុស្សអាយុក្រោយ៤០ឆ្នាំ៖
១- ទទួលទានទឹកដោះគោច្រើន
ពួកអ្នកវិទ្យាសាស្ត្រជឿថា ការខ្វះកាល់ស្យូមធ្វើឲ្យថយចុះដង់ស៊ីតេរបស់សាច់ដុំ និងសរសៃ ដោយហេតុនោះ ធ្វើឲ្យយឺតដំណើរការបំប្លែងសារជាតិ ។ ក្រៅពីនេះ កាល់ស្យូមជាសារជាតិរំញោចខ្លាំងក្លាមួយ ជំរុញដុតបំផ្លាញជាតិខ្លាញ់ ។
ទឹកដោះគោ យ៉ាអួ និងបណ្តាផលិតផលពីទឹកដោះគោផ្សេងៗ ត្រូវបានទូន្មានឲ្យប្រើដូចជាអាហារសម្រន់មួយ ប្រសិនបើអ្នកចង់បញ្ចុះទម្ងន់នៅគ្រប់វ័យ ។
ប៉ុន្តែ នៅអាយុក្រោយ ៤០ឆ្នាំ តួនាទីរបស់បណ្តាផលិតផលនេះនៅធំជាង និងសំខាន់ជាង ។
២- តាមដានកម្រិតវីតាមីន D
សារជាតិកាតាលីករ បំប្លែងខ្លាំងក្លាមួយផ្សេង គឺវីតាមីន D រលាយក្នុងជាតិខ្លាញ់ ។ ខ្វះវីតាមីន D ធ្វើឲ្យសរីរាង្គស្តុកកាឡូរី និងជាតិខ្លាញ់នៅពេលក្រោយ ។ ដូច្នេះ វីតាមីន D ដើរតួនាទីសំខាន់ក្នុងការបញ្ចុះទម្ងន់ ។
វិធីស្រូបយកវីតាមីន D ល្អបំផុត គឺការអាំងថ្ងៃ។ ប៉ុន្តែ អ្នកក៏អាចបំពេញដោយពពួកអាហារសម្បូរវីតាមីន D ពិសេស គឺត្រី និងគ្រឿងសមុទ្រ ៕