ឈឺក្រពះជាជំងឺទូទៅបំផុតមួយ នាពេលបច្ចុប្បន្ននេះ ។ ដើម្បីព្យាបាលជំងឺក្រពះ មនុស្សជាច្រើនបានប្រើវិធានការផ្សេងៗគ្នាជាច្រើន ដូចជាប្រើថ្នាំពេទ្យ ឬ ថ្នាំបុរាណ ។ តាមវេជ្ជសាស្ត្របុរាណ មានវិធីព្យាបាលជំងឺក្រពះមួយ ដែលងាយស្រួល និងប្រសិទ្ធភាព នោះគឺប្រើផ្លែពពាយ ។
តាមអ្នកជំនាញការជីវជាតិ ពពាយគឺជាប្រភពរ៉ែធម្មជាតិមួយ ដើម្បីផ្គត់ផ្គង់ពពួកវីតាមីន ពិសេសគឺវីតាមីន A និង C ។ ទន្ទឹមនឹងនោះ វាដោយផ្ទុកជាតិដែកយ៉ាងច្រើន ដែលជួយបង្ការប្រឆាំងជំងឺខ្វះឈាម បង្កើនអង់ហ្ស៊ីម រំលាយអាហារធម្មជាតិយ៉ាងល្អ សម្រាប់សុខភាព។ ក្រៅពីនេះ វាសម្បូរទៅដោយប្រូតេអ៊ីន ដោយអាចជំនួសប្រូតេអ៊ីនពីសាច់យ៉ាងល្អ សម្រាប់អ្នកហូបបួស ពិសេស បង្ការបានជំងឺខ្វះជីវជាតិ ។
ជាមួយនឹងបរិមាណកាល់ស្យូមខ្ពស់បំផុត ក្នុងពពួកសណ្តែកទាំងអស់ ពពាយមានប្រយោជន៍សម្រាប់ឆ្អឹង ពិសេសក្នុងការបង្ការជំងឺពុកឆ្អឹងផងដែរ ។
វិធីព្យាបាលជំងឺក្រពះ ដោយផ្លែពពាយ គឺសាមញ្ញបំផុតនោះ គឺប្រើគ្រាប់ពពាយ ។ អ្នកគ្រាន់តែយកគ្រាប់ពពាយចាស់លីង ជាមួយអំបិលឲ្យឡើងឈ្ងុយ។ អ្នកជំងឺគួរទំពារវារៀងរាល់ព្រឹកពេលពោះទទេរ ប្រមាណ ១០ ទៅ ១២ គ្រាប់ ឫអាចយកទៅកិនឲ្យម៉ដ្ឋ និងទទួលទានម្សៅពពាយ១ស្លាបព្រាកាហ្វេ ដោយការទំពារប្រមាណ ២០ ដង ទើបលេបសន្សឹមៗ ។
ដោយគ្រាន់តែព្យាយាមអនុវត្តវិធីនេះ ជាប់ក្នុងរង្វង់២សប្តាហ៍ គឺជំងឺនឹងជាសះស្បើយ ។ ប៉ុន្តែ ចំពោះអ្នកជំងឺធ្ងន់នោះ ត្រូវប្រើពេលយូរជាងនេះ ៕