​រដ្ឋាភិបាល​ថៃ បាន​រាយការណ៍​ពី​ការស្លាប់​ដោយ Covid-19 ចំនួន ២ ករណី និង​ឆ្លង​ថ្មី​ចំនួន ១៤៣ ករណី​នៅ​ថ្ងៃ​ចន្ទ​នេះ​។ ការស្លាប់​ទាំងពីរ​ករណី គឺជា​បុរស​ថៃ​វ័យ​ចំណាស់​ដែលមាន​ជំងឺ​រ៉ាំរ៉ៃ​។

​ជំនួយការ​អ្នកនាំពាក្យ​មជ្ឈមណ្ឌល​គ្រប់គ្រង​ស្ថានភាព Covid-19 (CCSA) បាន​និយាយថា អ្នកស្លាប់​ម្នាក់​ក្នុងចំណោម​អ្នកស្លាប់​ថ្មី​ពីរ​នាក់ គឺជា​អ្នកលក់​បន្លែ​អាយុ ៦២ ឆ្នាំ​នៅ​ខេត្ត Ubon Ratchathani ។

​បុរស​ដែល​ទទួលរង​ពី​ជំងឺ​ទឹកនោមផ្អែម ជំងឺ​តំរងនោម និង​ជំងឺលើសឈាម បានចាប់ផ្តើម​ក្អក​នៅ​ថ្ងៃទី​៥ ខែមករា​។ ស្ថានភាព​របស់គាត់​កាន់តែ​យ៉ាប់យ៉ឺន​នៅ​ថ្ងៃទី​៨ ខែមករា ហើយ​នៅ​ថ្ងៃទី​៩ ខែមករា​គាត់​បាន​រលា​ក​សួត​ធ្ងន់ធ្ងរ ហើយ​បានធ្វើ​តេស្ត​វិជ្ជមាន Covid-19 ។ ស្ថានភាព​របស់គាត់​កាន់តែ​ធ្ងន់ធ្ងរ ក្នុង​រយៈពេល​បួន​ថ្ងៃ​ទៀត ហើយ​គាត់​បាន​ស្លាប់​នៅ​ព្រឹក​ថ្ងៃអាទិត្យ​។

​ការស្លាប់​មួយ​ផ្សេងទៀត គឺជា​របស់​បុរស​អាយុ ៧៨ ឆ្នាំ​។ អ្នកនាំពាក្យ​បាន​និយាយថា កូនស្រី​របស់គាត់​ដែល​ត្រូវបានធ្វើ​រោគវិនិច្ឆ័យ​ថា​មាន Covid-19 បាន​ទៅលេង​គាត់​នៅផ្ទះ​នៅ​ថ្ងៃទី ១៦ និង ១៧ ខែមករា ហើយ​នៅ​ថ្ងៃទី ១៩-២០ គាត់​បាន​ក្អក និង​ឈឺបំពង់ក​។​

​នៅ​ថ្ងៃទី​២២ ខែមករា គាត់​ត្រូវបាន​គេ​ធ្វើ​រោគវិនិច្ឆ័យ​ថា​មានការ​រលាក​សួត​ធ្ងន់ធ្ងរ ហើយ​ត្រូវបាន​គេ​ធ្វើតេស្ត៍​វិជ្ជមាន Covid-19 ។ បុរស​នោះ​មាន​ជម្ងឺ​ជាច្រើន​ហើយ​បាន​ឆ្លង​ជំងឺ​ឈាម​កាលពី​ថ្ងៃទី​៣០ ខែមករា និង​ខ្សោយ​តំរងនោម​នៅ​ថ្ងៃទី ៧ ខែកុម្ភៈ​។ គាត់​បាន​ស្លាប់​នៅ​ល្ងាច​ថ្ងៃ​សៅរ៍ ៕​