ដើម្បីឲ្យគ្រប់គ្នាបានដឹងច្បាស់លាស់អំពីកម្រិតរឹងមាំរបស់សុខភាពដោយខ្លួនឯង ចូរពិនិត្យមើលថា តើអ្នកមានចំណុចពិសេស ៦ យ៉ាងនេះ ឬ អត់? ប្រសិនបើមានគ្រប់នោះ បញ្ជាក់ថាអ្នកមានសុខភាពល្អ ប៉ុន្តែប្រសិនបើអ្នកពុំទាន់សម្រេចបានគ្រប់ចំណុចទេ នោះចូររកវិធីកែលំអឡើង ។
១-មុខរបួសឆាប់សះ
ប្រសិនមុខរបួសរបស់អ្នកសះយ៉ាងលឿន នោះបញ្ជាក់ថា សមត្ថភាពសម្លាប់បាក់តេរីរបស់ឈាមស និងកម្រិតរឹងមាំរបស់សរសៃឈាមល្អ។ ប្រសិន គ្រាន់តែរបួសស្រាល រលាកស្រាល តែមុខរបួសត្រូវការពេលវេលាវែងទើបសះ ឬ ប៉ះទង្គិចតិចតួច តែលេចឡើងស្នាមជាំពិបាកបកស្រាយ នោះអ្នកគួរទៅជួបវេជ្ជបណ្ឌិត ។
២-ក្រចកដៃមានពណ៌ក្រហមផ្កាឈូក មិនបាក់ មិនលឿង
ប្រសិនក្រចកដៃអ្នកពណ៌ក្រហម ផ្កាឈូក មិនបែកប្រេះ នោះគឺឈាមខ្លាំង មិនខ្វះកាល់ស្យូម ក៏មានន័យថា អ័រម៉ូនធម្មតា។ ព្រោះក្រចកដៃពាក់ព័ន្ធផ្ទាល់ទៅនឹងសរសៃប្រសាទផ្សារភ្ជាប់រវាងសរីរាង្គ និងគ្រឿងក្នុង។
ក្រចកដៃពេញលេញ ឆ្លុះបញ្ចាំងច្បាស់លាស់ការប្រែប្រួលសុខភាព ឧទាហរណ៍ដូចជាបរិមាណផ្គត់ផ្គង់វីតាមីន លទ្ធភាពកម្ចាត់ជាតិពុលរបស់រាងកាយ… ។
៣-បន្ទោរបង់ត្រូវម៉ោងរាល់ថ្ងៃ
ការបន្ទោរបង់ទៀតទាត់ពេលវេលារាល់ថ្ងៃ លាមកមិនរឹងពេក ឬ ជ្រាយពេក នោះបញ្ហាក់ថា ប្រព័ន្ធរំលាយអាហាររបស់អ្នកល្អ លក្ខណៈរំញោចរបស់ក្រពះមានស្ថេរភាព ជីវជាតិស្រូបយកបានល្អ។
៤-ទឹកនោមច្រើន និងមានពណ៌ស្រាល
ទឹកនោមថ្លាច្រើន មិនល្អក់ ពណ៌លឿងស្រាល សុទ្ធតែបញ្ជាក់ថា សរីរាង្គអ្នករឹងមាំ ថ្លើម តម្រងនោមល្អ ។ ប្រសិនអ្នកទទួលទានទឹកច្រើនពេក ហើយទឹកនោមកាន់តែថ្លា និងគ្មានក្លិន នោះគួរបន្ថយទទួលទានមកវិញ ដើម្បីបញ្ចៀសកុំឲ្យថ្លើម តម្រងនោមធ្វើការហួសកម្លាំង។
៥-ទម្ងន់មានស្ថេរភាព
ប្រសិនទម្ងន់ខ្លួន ស្រាប់តែប្រែប្រួលលឿនពេក បញ្ជាក់ថា សុខភាពយើងមានបញ្ហា ។
៦-គេងលក់ស្រួល មិនសូវភ្ញាក់ពេលយប់
ពេលយប់មិនសូវភ្ញាក់ បញ្ជាក់ថា អ្នកមានដំណេកស្កប់ស្កល់ នោះការស្តារឡើងវិញរបស់សរីរាង្គនឹងរហ័សជាង និងជួយអ្នកបំបាត់ភាពនឿយហត់ពេញមួយថ្ងៃ៕