ការស្រាវជ្រាវថ្មីមួយបានបង្ហាញថា ការប្រើប្រាស់ថ្នាំលើសឈាមដែលត្រូវបានគេស្គាល់ថា beta blockers, អាចបន្ថយហានិភ័យនៃការប្រើប្រាស់ខួរក្បាលដែលអាចនាំអោយមានជំងឺអាល់ហ្សៃមឺរ (Alzheimer’s disease) និងជំងឺវង្វេងដទៃទៀត។
វេជ្ជបណ្ឌិត លន វាយ (Lon White) ជាអ្នកស្រាវជ្រាវនៅវិទ្យាស្ថាននៃការស្រាវជ្រាវ និងចំណេះដឹងសុខភាពប៉ាស៊ីហ្វិបាននិយាយថា កម្រិតនៃរបួសនៃជំងឺអាល់ហ្សៃមឺរគឺមានប្រហែលតិចជាងពាក់កណ្តាលចំពោះអ្នកដែលទទួលការព្យាបាលដោយថ្នាំ beta blockers, នេះបើធៀបទៅនឹងអ្នកដែលជំងឺលើសឈាមរបស់ពួកគេមិនត្រូវបានព្យាបាល។
គាត់បានបន្ថែមថា វាមិនទាន់មានការណែនាំច្បាស់នៅឡើយនោះទេចំពោះការព្យាបាលនោះដែលសំណូមពរអោយពួកគេប្រើប្រាស់តែថ្នាំ beta blockers តែមួយមុខនោះ។ថ្នាំ beta blockers រួមមាន Inderal (propranolol)ç Tenormin (atenolol) និងLopressor (metoprolol) ។
វាយបាននិយាយថា ការស្រាវជ្រាវរបស់យើងនឹងចាំបាច់ត្រូវបានពិនិត្យនៅក្នុងការស្រាវជ្រាវដទៃទៀតមុននឹងការណែនាំនេះអាចនឹងត្រូវបានបង្កើតឡើង។គាត់បាននិយាយថា ការស្រាវជ្រាវបានគាំទ្រគំនិតនេះថា ការព្យាបាលដោយថ្នាំលើសឈាមនៅពាក់កណ្តាលជីវិត គឺជាមធ្យោបាយមួយដើម្បីការពារពីការប៉ះពាល់ពីការយល់ដឹង និងជំងឺវង្វេងទៅថ្ងៃក្រោយ។
នៅក្នុងការស្រាវជ្រាវ, វាយ និងមិត្តរួមការងាររបស់គាត់បានធ្វើការពិនិត្យទៅលើសាកសព្វបុរសចំនួន៧៧៤នាក់ដែលមានអាយុនៅចន្លោះពី៧១ឆ្នាំ ទៅ៩៣ឆ្នាំ។បុរសដែលត្រូវបានធ្វើការវះកាត់សាកសព្វ, ៦១០នាក់មានជំងឺលើសឈាម ឬត្រូវបានព្យាបាលដោយថ្នាំលើសឈាម។ ពួកគេបានប្រើប្រាស់ប្រភេទថ្នាំលើសឈាម៥ប្រភេទ។ វាយក៏បានមើលទៅលើក្រុមតូចៗដែលប្រើប្រាស់ថ្នាំលើសពី២បញ្ចូលគ្នា, ដែលជាការអនុវត្តទូទៅចំពោះការបន្ថយសម្ពាធឈាម។
ក្រោយពីបានមើលពីកត្តាមួយចំនួនដូចជា អាយុ, កម្រិតនៃជំងឺលើសឈាមរបស់ពួកគេ, តេស្ត និងកត្តាដទៃទៀតនោះ, វាយបានរកឃើញថា អ្នកដែលប្រើប្រាស់ថ្នាំ beta blockers ដែលជាថ្នាំមួយមុខគត់ក្នុងការបន្ថយសម្ពាធឈាមនោះ មានភាពមិនធម្មតានៃការយល់ដឹងតិចជាងអ្នកដែលមិនប្រើថ្នាំលើសឈាម ឬប្រើថ្នាំលើសឈាមប្រភេទដទៃទៀត។
អ្នកដែលប្រើប្រាស់ថ្នាំ beta blockers បញ្ចូលជាមួយនឹងថ្នាំលើសឈាមដទៃទៀតក៏មានភាពមិនធម្មតានៃការយល់ដឹងតិចផងដែរ ប៉ុន្តែប្រសិទ្ធភាពមិនល្អដូចជាការប្រើប្រាស់ថ្នាំ beta blockers តែឯងនោះទេ។វាមិនអាចពន្យល់បាននៅឡើយទេ ថាហេតុអ្វីបានជាថ្នាំ beta blockers ហាក់ដូចជាមានប្រសិទ្ធភាពការពារនោះទេ៕