ការស្រាវជ្រាវថ្មីមួយបានរកឃើញថា ទឹកដោះម្តាយផ្សំពីប្រភេទនៃបាក់តេរីជាង៧០០ប្រភេទ។ដោយយោងតាមអ្នកស្រាវជ្រាវជនជាតិអេស្ប៉ាញបានបង្ហាញថា ទោះជាយ៉ាងណាក៏ដោយ, ទឹកដោះដែលបានមកពីម្តាយលើសទម្ងន់ ឬអ្នកដែលមានទម្ងន់លើសពីអ្វីដែលបានណែនាំអំឡុងពេលមានផ្ទៃពោះ ក៏មានប្រភេទនៃបាក់តេរីមួយចំនួនផងដែរ។
ពួកគេក៏បានរកឃើញថា ម្តាយដែលមានគម្រោងក្នុងការសម្រាលកូនដោយការវះកាត់ មានប្រភេទនៃបាក់តេរីនៅក្នុងទឹកដោះតិចជាងអ្នកដែលចង់សម្រាលកូនតាមធម្មជាតិ។រ៉ាអ៊ូល កាប្រឺរ៉ា រ៉ុយប៊ីអូ (Raul Cabrera-Rubio) បាននិយាយថា ការស្រាវជ្រាវនេះបានបង្ហាញថា សភាពអរម៉ូនរបស់ម្តាយអំឡុងពេលមានផ្ទៃពោះអាចប៉ះពាល់ដល់ការខុសប្លែកគ្នានៃប្រភេទនៃបាក់តេរីនៅក្នុងទឹកដោះរបស់ពួកគេ។
ការស្រាវជ្រាវត្រូវបានចេញផ្សាយនៅក្នុងកាសែត American Journal of Clinical Nutrition។
ទឹកដោះម្តាយដើរតួសំខាន់នៅក្នុងការកំណត់ពីសមាសធាតុផ្សំនៃប្រភេទបាក់តេរីនៅក្នុងប្រព័ន្ធរំលាយអាហាររបស់កូន។
អ្នកស្រាវជ្រាវកំពុងតែព្យាយាមដើម្បីកំណត់មើលថាតើបាក់តេរីនៅក្នុងទឹកដោះម្តាយជួយទារកក្នុងការរំលាយសារធាតុនៅក្នុងទឹកដោះ ឬថាតើពួកវាដើរតួនៅក្នុងការរីកលូតលាស់ប្រព័ន្ធភាពស៊ាំឬយ៉ាងណា។ អ្នកស្រាវជ្រាវក៏បាននិយាយថា ការស្រាវជ្រាវរបស់ពួកគេអានាំអោយមានភាពប្រសើរឡើងដល់សារធាតុចិញ្ចឹមរបស់ទារក។
ពួកគេបាននិយាយថា ប្រសិនបើបាក់តេរីនៅក្នុងទឹកដោះម្តាយដែលត្រូវបានរកឃើញនៅក្នុងការស្រាវជ្រាវនេះ គឺដើរតួសំខាន់សម្រាប់ការវិវត្តនៃប្រព័ន្ធភាពស៊ាំ, ហើយបន្ថែមពីលើនេះវាអាចបន្ថយហានិភ័យនៃការមានអាឡែហ្សី, ជំងឺហឺត និងជំងឺអូតូអ៊ុយម៊ីនទៀតផង៕