មានផ្ទៃពោះជាអំឡុងពេលដ៏អស្ចារ្យមួយ តែក៏លំបាកវេទនាចំពោះស្ត្រីដែលចាញ់ក្នុងអំឡុង ៣ខែដំបូង ។ ប៉ុន្តែ តាមពួកអ្នកស្រាវជ្រាវបានឱ្យដឹងថា ចាញ់កូនជាសញ្ញាបង្ហាញថា កូនកើតមកនឹងមានប្រាជ្ញាឈ្លាសវៃ ។
ការស្រាវជ្រាវត្រូវបានប្រកាសលើទស្សនាវដ្តីផ្នែកកុមារកាលពីពេលកន្លងទៅបានឲ្យដឹងថា អារម្មណ៍ចង់ក្អួតកើតឡើង ក្នុងពេលមានផ្ទៃពោះជាសញ្ញាដ៏ល្អប្រសើរមួយ អំពីទារកដែលកើតមកនឹងមាន IQ ខ្ពស។ ក្រៅពីនេះ កម្រិតចង់ក្អួតកាន់តែខ្ពស់ នោះប្រាជ្ញាព្យាករណ៍របស់ក្មេងនឹងកាន់តែខ្ពស់ផងដែរ ។
ការស្រាវជ្រាវមួយផ្សេងទៀត ក៏បង្ហាញថា ចាញ់កូនពេលមានផ្ទៃពោះជាសញ្ញាល្អមួយ ព្រោះអ្នកចាញ់នឹងមានអត្រារលូតកូនទាបជាង ។ អាការៈចាញ់កូននៅមានមុខងារការពារ មានន័យថា កម្រិតអ័រម៉ូនខ្ពស់គ្រប់គ្រាន់ ដើម្បីរក្សាកូនក្នុងផ្ទៃ ។
ការស្រាវជ្រាវជាច្រើនឆ្នាំ បានបង្ហាញថា កូនរបស់ស្ត្រីដែលចាញ់អំឡុងមានផ្ទៃពោះ សម្រេចបានពិន្ទុខ្ពស់ ក្នុងលំហាត់ត្រួតពិនិត្យ IQ ប្រៀបនឹងកូនរបស់ស្ត្រីមិនចាញ់ ។
ការស្រាវជ្រាវនេះជំរុញការលើកទឹកចិត្ត ចំពោះស្ត្រីដែលចាញ់ឲ្យកម្លាំងទ្រាំទ្រ ទទួលយកដោយក្តីសោមនស្សរីករាយ ដើម្បីការរីកចម្រើនខួរក្បាលរបស់កូន ៕