Join with Health.com.kh on Telegram

ការស្រាវជ្រាវ​ថ្មី​មួយ​បាន​ប្រមាណ​ថា អ្នក​ដែល​រស់រាន​មានជីវិត​ពី​ប្រភេទ​មួយ​នៃ​ជំងឺ​ដាច់​សរសៃឈាម​ខួរក្បាល​ដែល​ត្រូវបាន​គេ​ស្គាល់​ថា ការ​ហូរ​ឈាម​នៅ​ក្នុង​ស្រោម​ខួរក្បាល (subarachnoid hemorrhage) នៅតែ​មាន​ហានិភ័យ​ខ្ពស់​នៃ​ការស្លាប់ ជា​ពិសេស​ប្រសិនបើ​ពួកគេ​បន្ត​ជក់បារី និង​មិន​រក្សា​សម្ពាធ​ឈាម​អោយ​ថេរ និង​កម្រិត​កូ​ឡេ​ស្តេ​រ៉ុល​អោយទាប​ទេនោះ​។​

​ការ​ហូរ​ឈាម​នៅ​ក្នុង​ស្រោមខួរ​ក្បាល​កើតមានឡើង​នៅពេល​ដែល​សរសៃឈាម​ដែល​នៅ​ពី​ក្រៅ​ខួរក្បាល​បាន​ដាច់ ហើយ​តំបន់​ដែល​នៅ​ចន្លោះ​ខួរក្បាល និង​លលា​ក្បាល​ដ៍ព​ពោរ​ទៅ​ដោយ​ឈាម​។​
​ការស្រាវជ្រាវ​បាន​រាប់បញ្ចូល​មនុស្ស​២៣៣​នាក់​នៅក្នុង​ប្រទេស​ហ្វាំង​ឡ​ង់​ដែល​នៅ​រស់​បាន​មួយ​ឆ្នាំ​ក្រោយ​ទទួលរង​នឹង​ការ​ហូរឈាម​នៅក្នុង​ស្រោម​ខួរក្បាល​នេះ​។ ពួកគេ​ត្រូវ​បាន​តាមដាន​ជា​មធ្យម​អស់​រយៈពេល​ជិត​៩​ឆ្នាំ​។ អំឡុងពេល​នោះ​, ៨៨​នាក់ (​ប្រហែល​៣៨%) នៃ​អ្នក​ទាំងនោះ​បាន​ស្លាប់​។ អត្រា​នៃ​ការស្លាប់​ចំពោះ​អ្នកជំងឺ​ហូរឈាម​នៅក្នុង​ស្រោម​ខួរក្បាល​នោះ​គឺ​មាន​ប្រហែលជា​ពីរ​ដង​នៃ​ចំនួន​ប្រជាជន​សរុប​។​

​ការកើនឡើង​ហានិភ័យ​នៃ​ការស្លាប់​ក្នុងចំនោម​អ្នកជំងឺ​ហូរ​ឈាម​នៅ​ក្នុង​ស្រោមខួរ​ក្បាល​ត្រូវ​បាន​បង្កឡើង​ដោយ​បញ្ហា​នៃ​ចរន្តឈាម​នៅ​ក្នុង​ខួរក្បាល ដូច​ជា​ការ​ដាច់​សរសៃ​ឈាម​ខួរក្បាល ឬ​ការ​ហូរឈាម​នៅ​ក្នុង​ខួរក្បាល​ជាដើម​។ ហានិភ័យ​នៃ​ការស្លាប់​គឺ​ខ្ពស់​ក្នុង​ចំនោម​អ្នក​ដែល​ជក់បារី និង​អ្នក​ដែល​មាន​សម្ពាធ​ឈាម និង​កម្រិត​កូ​ឡេ​ស្តេ​រ៉ុល​ខ្ពស់​មុន​នឹង​ហូរឈាម​នៅក្នុង​ស្រោម​ខួរក្បាល​នោះ​។​

​មី​ក​កា កូចា (Miikka Korja) បាន​និយាយថា ប្រសិនបើ​២០​នាក់​ក្នុងចំនោម​អ្នក​មិន​ជក់បារី​១០០​នាក់​ដែល​មាន​សម្ពាធ​ឈាម និង​កម្រិត​កូ​ឡេ​ស្តេ​រ៉ុល​ទាប​នោះ នឹង​ស្លាប់​ក្នុង​រយៈពេល​១០​ឆ្នាំ​ខាង​មុខ​។​
​កូចា​បាន​សរុបថា ការស្រាវជ្រាវ​បាន​បង្ហាញថា វា​គឺជា​រឿង​មួយ​សំខាន់​ចំពោះ​អ្នក​ដែល​រស់រាន​មានជីវិត​ពី​ការ​ហូរឈាម​នៅក្នុង​ស្រោម​ខួរក្បាល​នេះ​ដើម្បី​បញ្ឈប់​ការជក់បារី និង​យកចិត្តទុកដាក់​ទៅលើ​សម្ពាធ​ឈាម និង​កម្រិត​កូ​ឡេ​ស្តេ​រ៉ុល​, ដោយឡែក​ពី​អាយុ​វិញ​, មាន​កត្តា​ជាច្រើន​ដែល​នៅ​ពីក្រោយ​នៃ​ការកើនឡើង​ហានិភ័យ​នៃ​ការស្លាប់​នេះ​។​

​ការស្រាវជ្រាវ​ត្រូវ​បាន​ចេញផ្សាយ​នៅក្នុង​កាសែត Neurology៕