មិនពិបាកឡើយ! ចង់កម្ចាត់និងបន្ថយស្នាមសំលាកលើផ្ទៃមុខ កុំរំលងអត្ថបទនេះ

គ្មាននរណាចង់មានស្នាមសំលាកលើរាងកាយឡើយ ពិសេសនោះគឺផ្ទៃមុខ។  (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ភាគច្រើនស្នាមលើផ្ទៃមុខលេចឡើងក្រោយពេលកើតរោគមុន ឬរបួសណាមួយដែលយើងមិនបានយកចិត្តទុកដាក់ភ្លាមៗ។ ទោះជាយ៉ាងណាកុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗបែបធម្មជាតិ ប៉ុន្តែមានប្រសិទ្ធិភាពខ្ពស់ជួយកម្ចាត់ស្នាមមុន ឬស្នាមសំលាកផ្សេងៗបានយ៉ាងឆាប់រហ័ស ៖

១. ប្រទាលកន្ទុយក្រពើ

អ្វីដែលអ្នកត្រូវធ្វើ គឺគ្រាន់តែកិនជែលប្រទាលកន្ទុយក្រពើឱ្យក្លាយជាល្បាយម៉ដ្ឋខាប់។ ក្រោយពេលលាងសម្អាតមុខរួចរាល់ ចូរលាបល្បាយជែលប្រទាលកន្ទុយក្រពើស្រស់លើតំបន់ស្បែកដែលមានបញ្ហា។ រងចាំរហូតដល់ស្បែកស្រូបយកជាតិជែលពីប្រទាលកន្ទុយក្រពើ។ ចុងក្រោយលាងសម្អាតចេញជាមួយទឹកធម្មតាជាការស្រេច។

២. ប្រេងដូង

អ្វីដែលអ្នកត្រូវធ្វើ គឺលាបប្រេងម៉ាស្សាប្រេងដូងបន្តិចលើតំបន់ស្បែកដែលមានបញ្ហា។ ទុកចោលសម្រាប់រយៈពេល ៥នាទី សឹមលាងសម្អាតចេញ។

៣. ម្សៅ Baking soda

អ្វីដែលអ្នកត្រូវធ្វើ គឺគ្រាន់តែលាយម្សៅ Baking Soda ២ស្លាបព្រាបាយ ជាមួយទឹកធម្មតា ១ ស្លាបព្រាបាយ ឱ្យក្លាយជាល្បាយខាប់ៗ។ លាបម៉ាស្សាល្បាយលើតំបន់ស្បែកដែលមានបញ្ហាសម្រាប់រយៈពេលពី ២ ទៅ ៣ នាទី និងរងចាំសម្រាប់រយៈពេល ៥ នាទីទៀត។ បន្ទាប់មកលាងសម្អាតចេញជាមួយទឹកធម្មតាតាមក្រោយ។

៤. ទឹកក្រូចឆ្មារស្រស់

អ្វីដែលអ្នកត្រូវធ្វើ គឺគ្រាន់តែលាបទឹកក្រូចឆ្មារស្រស់លើស្នាមមុនក្រោយលាងសម្អាតមុខរួច។ ទុកចោលរយៈពេលប្រហែល ១០ នាទីសឹមលាងសម្អាតទឹកក្រូចឆ្មារ​ចេញពីមុខជាមួយទឹកក្ដៅឧណ្ហៗ។ អនុវត្តឱ្យបានពី ៣ ទៅ ៤ ដងក្នុងមួយថ្ងៃ។ ទោះជាយ៉ាងណាត្រូវប្រាកដថាស្បែកមុខមិនត្រូវកម្ដៅថ្ងៃពេលលាបទឹកក្រូចឆ្មារ

៥. រមៀត

លាយម្សៅរមៀតកន្លះស្លាបព្រាបាយជាមួយជែលប្រទាលកន្ទុយក្រពើ ២ ស្លាបព្រាកាហ្វេ។ កូរឱ្យសព្វរហូតក្លាយជាល្បាយខាប់ៗ។ លាបល្បាយលើស្បែកដែលទទួលរងផលប៉ះពាល់ និងទុកចោលសម្រាប់រយៈពេល ៣០ នាទីសឹមលាងសម្អាតចេញ។ អនុត្តឱ្យបានពី ២ ទៅ ៣ ដងក្នុងមួយសប្តាហ៍ដើម្បីទទួលបានលទ្ធផលកាន់តែប្រសើរ។

៦. ចេកទុំ

អ្វីដែលអ្នកត្រូវធ្វើ គឺគ្រាន់តែកិនសាច់ចេកទុំឱ្យម៉ដ្ឋ រួចលាបម៉ាស្សាថ្នមៗលើស្នាមសំលាកសម្រាប់រយៈពេល ១០ នាទី និងទុកចោលពេញមួយយប់ជាការស្រេច។ អនុវត្តជាប្រចាំរហូតទទួលបានលទ្ធផលគាប់ចិត្ត៕