ការស្រាវជ្រាវថ្មីមួយបានរកឃើញថា ប្រហែល១/៤នៃស្ត្រីដែលបានធ្វើការវះកាត់ជំងឺមហារីកសុដន់ មានការឈឺចាប់សុដន់ជាប្រចាំក្នុងរយៈពេល៦ខែក្រោយធ្វើការវះកាត់។
ស្ត្រីដែលមានការឈឺចាប់សុដន់មុនការវះកាត់ហាក់ដូចជាមានការឈឺចាប់យូរជាងក្រោយធ្វើការវះកាត់, នេះដោយយោងតាមការស្រាវជ្រាវដែលត្រូវបានចេញផ្សាយនៅក្នុងកាសែត Journal of Pain។
អ្នកស្រាវជ្រាវបានតាមដានលើស្ត្រី៤០០នាក់ក្រោយពីធ្វើការវះកាត់ជំងឺមហារីកសុដន់ ហើយបានរកឃើញថា ប្រហែល១២%បានប្រាប់ថាមានការឈឺចាប់សុដន់ធ្ងន់ធ្ងរ, ១៣%មានការឈឺចាប់មធ្យម និង៤៣%មានការឈឺចាប់តិចដែលមានរយៈពេល៦ខែ។ ហើយ៣២%ផ្សេងទៀតមិនមានការឈឺចាប់សុដន់នោះទេ។
លក្ខណៈ៤របស់អ្នកជំងឺត្រូវបានផ្សារភ្ជាប់ជាមួយនឹងការឈឺចាប់ធ្ងន់ធ្ងររួមមានៈ អាយុក្មេងពេក, មិនមានចំណេះដឹង, ប្រាក់ចំណូលតិច និងមិនជាជនជាតិស្បែក។ អ្នកស្រាវជ្រាវដែលមកពីសាកលវិទ្យាល័យកាលីហ្វញ៉ាបាននិយាយថា អាយុក្មេងក៏ត្រូវបានផ្សារភ្ជាប់ជាមួយនឹងការឈឺចាប់កម្រិតមធ្យម ឬស្រាលផងដែរ។
កត្តាមួយចំនួនទៀតដែលត្រូវបានផ្សារភ្ជាប់ជាមួយនឹងការឈឺចាប់ធ្ងន់ធ្ងររួមមានៈ ឈឺសុដន់មុនការវះកាត់, ប្រែប្រួលចំពោះអារម្មណ៍នូវការឈឺសុដន់, ភាពធ្ងន់ធ្ងរក្រោយការវះកាត់, ចំនួននៃការវះកាត់កូនកណ្តុរចេញ។
ការស្រាវជ្រាវបានបង្ហាញថា ភាពប្រសើរឡើងចំពោះការគ្រប់គ្រងនៃការឈឺក្រោយការវះកាត់ជំងឺមហារីកសុដន់ចាំបាច់ដើម្បីបន្ថយហានិភ័យនៃការឈឺចាប់សុដន់៕