ការស្រាវជ្រាវថ្មីមួយបានបង្ហាញថា ផ្លេកបន្ទោរត្រូវបានផ្សារភ្ជាប់ជាមួយនឹងការកើនឡើងហានិភ័យនៃការឈឺក្បាល និងការឈឺក្បាលប្រកាំង។អ្នកស្រាវជ្រាវដែលមកពីសាកលវិទ្យាល័យ Cincinnati បាននិយាយថា ការស្រាវជ្រាវនេះអាចជួយអ្នករងគ្រោះរ៉ាំរ៉ៃអោយមានភាពប្រសើរឡើងនៃការឈឺក្បាល ឬឈឺក្បាលប្រកាំង ហើយចាប់ផ្តើមធ្វើការព្យាបាលដើម្បីការពារ។
ការស្រាវជ្រាវបានរកឃើញថា អ្នករងគ្រោះរ៉ាំរ៉ៃមានហានិភ័យនៃការឈឺក្បាលប្រហែល៣១% ហើយកើនឡើងនៃហានិភ័យនៃការឈឺក្បាលប្រកាំង ២៨%នៅពេលដែលផ្លេកបន្ទោរកើតមានឡើងក្នុងចម្ងាយ៤០,២គីឡូម៉ែត្រ។
ការចាប់ផ្តើមនៃការឈឺក្បាលបានកើនឡើង២៤% និងការឈឺក្បាលប្រកាំងបានកើនឡើង២៣%ចំពោះអ្នកជំងឺនៅពេលដែលវាកំពុងមានផ្លេកបន្ទោរ។ការស្រាវជ្រាវត្រូវបានចេញផ្សាយនៅក្នុងកាសែត Cephalagia។
ហ្គេអូហ្វ្រៃ ម៉ាទីន (Geoffrey Martin) បាននិយាយថា ការស្រាវជ្រាវជាច្រើនបានបង្ហាញពីជម្លោះពីថាតើអាកាសធាតុប៉ះពាល់ដល់ការចាប់ផ្តើមនៃការឈឺក្បាលឬយ៉ាងណា។ ទោះជាយ៉ាងណាក៏ដោយ, ការស្រាវជ្រាវនេះបានបង្ហាញយ៉ាងច្បាស់ពីទំនាក់ទំនងរវាង ផ្លេកបន្ទោរ និងការឈឺក្បាល។
វេជ្ជបណ្ឌិត វិនស៊ិន ម៉ាទីន (Vincent Martin បាននិយាយថា មានមធ្យោបាយជាច្រើនដែលថាតើផ្លេកបន្ទោរណាមួយអាចប៉ះពាល់ដល់ការឈឺក្បាលនោះ។ រលកអេឡិចត្រូម៉ាញ៉េទិចដែលត្រូវបានបញ្ចេញពីផ្លេកបន្ទោរអាចធ្វើអោយឈឺក្បាល។ បន្ថែមពីនេះ, ផ្លេកបន្ទោរបង្កើតនូវការកើនឡើងចំពោះខ្យល់ពុលដូចជា អូហ្សូន ហើយអាចបណ្តាលអោយបញ្ចេញនូវពងនៃមេរោគផ្សិតដែលអាចនាំអោយឈឺក្បាលប្រកាំងបាន។
ម៉ាទីនបាននិយាយថា ការស្រាវជ្រាវនេះផ្តល់នូវការយល់ដឹងមួយចំនួនរវាងការឈឺក្បាល ឬឈឺក្បាលប្រកាំង ទៅនឹងផ្លេកបន្ទោរ និងកត្តានៃអាកាសវិជ្ជាដទៃទៀត។ ទោះជាយ៉ាងណាក៏ដោយ, ចលនការជាក់ច្បាស់ដែលផ្លេកបន្ទារ និងកត្តាអាកាសវិជ្ជាដទៃទៀតនោះធ្វើអោយឈឺក្បាលមិនទាន់ត្រូវបានគេដឹងនៅឡើយ។ យ៉ាងណាមិញ, ឥទ្ធិពលនៃអាកាសធាតុលើការឈឺក្បាលគឺមានភាពស៊ាំញ៉ាំ ហើយការស្រាវជ្រាវទៅថ្ងៃក្រោយនឹងចាំបាច់កំណត់ពីមុខងារនៃផ្លេកបន្ទោរ និងផ្គរលាន់លើការឈឺក្បាលនេះ៕