​តាម​ការស្រាវជ្រាវ​រប​ស់​ពួក​អ្នកវិទ្យាសាស្ត្រ​នៅ​សកល​វិទ្យាល័យ​វេជ្ជសាស្ត្រ​ហា​វ៉ាដ (​អាមេរិក​) កន្លងមក​បានឱ្យដឹង​ថា ប្រើ​ទឹក​ខ្ពុរមាត់​២​ដង​ក្នុង​១​ថ្ងៃ នឹងធ្វើ​ឲ្យ​ហានិភ័យ​កើត​ជំងឺ​ទឹកនោមផ្អែម​ប្រភេទ​២ ឡើងដល់ ៥៥% ក្នុង​រង្វង់ ៥ ឆ្នាំ ។​

​អត្រា​កើត​ជំងឺ​ទឹកនោមផ្អែម​កាន់តែ​ខ្ពស់ ពេល​ប្រើប្រាស់​ទឹក​ខ្ពុរមាត់​ច្រើនដង​ក្នុង​១​ថ្ងៃ ហើយ​ពិសេស​ចំពោះ​មនុស្ស​ធាត់ ជា​មុខសញ្ញា​មាន​ហានិភ័យ​កើត​ជំងឺ​ទឹកនោម​ផ្អេ​ម​ប្រភេទ​២ ។​

​សាស្ត្រាចារ្យ​មួយរូប​ដែល​អ្នកដឹកនាំ​ក្រុម​ស្រាវជ្រាវ​ឲ្យ​ដឹងថា ពពួក​បាក់តេរី​មាន​ប្រយោជន៍​ក្នុង​មាត់​ជួយ​សរីរាង្គ​បង្កើត​អុកស៊ីត​នី​ទ្រី​ក ជា​សារជាតិ​មាន​ប្រសិទ្ធភាព​សម្រួល​បរិមាណ​អាំង​ស៊ុយ​លីន​ក្នុង​សរីរាង្គ ជួយ​បង្ការ​ជំងឺ​ទឹកនោមផ្អែម​ប្រភេទ​២ ។ ដោយសារ​ក្នុង​សមាស​ធាតុទឹក​ខ្ពុរមាត់​តែងមាន​ផ្ទុក​សារជាតិ​កម្ចាត់​បាក់តេរី​ខ្លាំង​ដូចជា Chlorhexidine, hexidine… មាន​ឥទ្ធិពល​សម្លាប់​បាក់តេរី​មិន​រើសមុខ​, ពុំ​ត្រឹមតែ​កំទេច​បាក់តេរី​មាន​គ្រោះថ្នាក់ តែ​នៅ​សម្លាប់​ទាំង​បាក់តេរី​មាន​ប្រយោជន៍​ក្នុង​មាត់ ។ ដូច្នេះហើយ បរិមាណ​អុកស៊ីត​នី​ទ្រី​ក​បង្កើត​ចេញ​នឹងត្រូវ​ថយចុះ​។ នេះ​ជា​មូលហេតុ​ចំបង​ធ្វើ​ឲ្យ​កើន​ហានិភ័យ​កើត​ជំងឺ​ទឹកនោមផ្អែម​ប្រភេទ​២ ចំពោះ​អ្នក​ប្រើ​ទឹក​ខ្ពុរមាត់​ជាប្រចាំ ។​

​ពី​លទ្ធផល​ស្រាវជ្រាវ​នេះ ពួក​អ្នកវិទ្យាសាស្ត្រ​បាន​ទូន្មាន​ថា ការប្រើ​ទឹក​ខ្ពុរមាត់​ជាប្រចាំ​ច្រើនដង​ក្នុង​១​ថ្ងៃ នឹង​បង្ក​គ្រោះថ្នាក់​ច្រើន​សម្រាប់​សរីរាង្គ​ជាង​ផ្តល់​ប្ត​ល់​ប្រយោជន៍​។ ហេតុនេះ ចៀសវាង​ប្រើ​ជាប្រចាំ និង​ល្អ​បំផុត គួរប្រើ​តែម្តង​ក្នុង​១​ថ្ងៃ​៕​