ខាងក្រោមនេះ យើងខ្ញុំនឹងបង្ហាញអ្នកពីវិធីក្នុងការអនុវត្តក្រោយពេលដែលទារកត្រូវបានមូសខាំ។ តើមានអ្វីខ្លះទៅ?

  1. អ្នកអាចយកត្រសក់មកចិតជាបន្ទះ ឬកិនឲ្យម៉ត់ រួចលាបលើកន្លែងដែលត្រូវបានមូសខាំនោះ ព្រោះក្នុងត្រសក់មានសារធាតុដែលអាចជួយបំបាត់អាការៈហើម ឈឺ និងបំបាត់រមាស់ ថែមទាំងអាចសម្លាប់មេរោគទៀតផង។
  1. អ្នកក៏អាចប្រើថ្នាំបន្តក់ភ្នែក មកលាបលើកន្លែងដែលកូនត្រូវបានមូសខាំដែរ ព្រោះវាអាចបំបាត់អាការៈឈឺចុកចាប់ ថែមទាំងសម្លាប់មេរោគផងដែរ។
  1. នៅពេលដែលត្រូវមូសខាំឡើងហើម ហើយរមាស់ អ្នកអាចចិតប្រទាលកន្ទុយក្រពើមួយបន្ទះតូច រួចយកទៅលាងឲ្យស្អាត ហើយចិតជាពីរ មកលាបលើកន្លែងដែលមូសខាំនោះ។ ក្រោយពេលដែលលាបរួច នឹងអាចបាត់ហើម ហើយបាត់រមាស់។
  1. នៅពេលដែលបបរឆ្អិន អ្នកអាចទុកមួយសន្ទុះ ដើម្បីឲ្យឡើងមួយបន្ទះស្តើង ហើយយកមកលាបលើកន្លែងមូសខាំ នោះក៏អាចបំបាត់អាការៈរមាស់ផងដែរ។
  1. អ្នកក៏អាចយកសំបកឪឡឹកមកជូតចុះឡើងលើកន្លែងដែលកូនត្រូវបានមូសខាំផងដែរ នោះកូននឹងអាចបាត់រមាស់ភ្លាមតែម្តង។ ដូចនេះ អ្នកអាចប្រើវិធីទាំងនេះ នៅពេលដែលកូនត្រូវបានមូសខាំ៕