អ្នកប្រាកដណាស់ថាពីយប់បានគេង ប៉ុន្តែហេតុអ្វីនៅពេលក្រោយឡើងបែរជាអស់កម្លាំងដូចមិនបានសម្រាកសោះ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យពីមូលហេតុដែលអ្នកតែងតែក្រោយមកអស់កម្លាំង ៖
១. អ្នកអនឡាញមុនពេលចូលគេង
ទម្លាប់នៃការលេងទូរសព្ទមុនពេលចូលគេងអាចបណ្ដាលឱ្យអ្នកក្រោកមកមានអារម្មណ៍អស់កម្លាំងហាក់ដូចជាគេងមិនគ្រប់ជាប្រចាំ។ អ្នកជំនាញជាច្រើនបានឱ្យដឹងថា ពន្លឺពណ៌ខៀវដែលជះចេញពីអេក្រង់ទូរសព្ទអាចជះផលប៉ះពាល់ដល់ការសំយោគអ័រម៉ូនមេឡាតូនីនដែលគ្រប់គ្រងវដ្តនៃការគេងនិងភ្ញាក់ដឹងខ្លួនរបស់រាងកាយ។ ជំនួសឱ្យការប្រើប្រាស់ទូរសព្ទដើម្បីជួយឱ្យគេងលក់ ចូរព្យាយាមធ្វើសកម្មភាពណាដែលមិនប៉ះផ្ទាល់ទៅនឹងពន្លឺពណ៌ខៀវចេញពីឧបករណ៍អេឡិចត្រូនិចណាមួយវិញទើបប្រសើរ។ ឧទាហរណ៍ការស្ដាប់ចម្រៀង និងការអានសៀវភៅជាដើម។
២. អ្នកក្រោកដឹងខ្លួនច្រើនដងនៅពេលយប់
មួយក្នុងចំណោមមូលហេតុទូទៅបំផុតដែលបណ្ដាលឱ្យអ្នកមានអារម្មណ៍គេងមិនឆ្អែតនោះ គឺដឹងខ្លួនភ្ញាក់ឡើងច្រើងដងនៅពេលយប់។ ពេលខ្លះអ្នកអាចដឹងខ្លួនញឹកដោយសារការឈឺនោម ឬរមួលសាច់ដុំ។ ជួនកាលអាចបណ្ដាលមកពីបញ្ហាសុខភាពណាមួយដែលត្រូវទទួលការពិនិត្យវិនិច្ឆ័យនិងព្យាបាលពីសំណាក់គ្រូពេទ្យជំនាញ។
៣. អ្នកប្រើប្រាស់គ្រឿងស្រវឹងជួយឱ្យគេងលក់
ប្រសិនបើអ្នកគិតថាការទទួលទានគ្រឿងស្រវឹងអាចជួយឱ្យអ្នកឆាប់គេងលក់និងគេងបានស្កប់នោះ ចូរគិតម្ដងទៀត! ជាក់ស្ដែងគ្រឿងស្រវឹងបែរជាអាចបណ្ដាលឱ្យអ្នកក្រោកមកមានអារម្មណ៍អស់កម្លាំងទៅវិញទេ។ ដើម្បីជាការប្រសើរជំនួសឱ្យការទទួលទានគ្រឿងស្រវឹង ចូរជ្រើសរើសតែផ្កា chamomile មួយពែង ឬទឹកដោះគោក្ដៅឧណ្ហៗ ១ពែងវិញ។
៤. អ្នកទទួលទានអាហារខុស
អាហារដែលមានផ្ទុកជាតិអាស៊ីដ ហឹរ ឬមានហ្គាសមិនល្អសម្រាប់ទទួលទានមុនពេលចូលគេងឡើង ខណៈដែលអាហារប្រភេទនេះងាយបង្កអាការៈច្រាលទឹកអាស៊ីតក្រពះដែលជាអ្វីមួយនាំឱ្យពិបានគេងបានស្កប់។
៥. អ្នកអាចមានជំងឺពាក់ព័ន្ធនឹងការគេង
មួយក្នុងចំណោមមូលហេតុផ្សេងទៀតដែលបណ្ដាលឱ្យអ្នកមានអារម្មណ៍អស់កម្លាំងនៅពេលព្រឹកសូម្បីតែបានគេងច្រើនពីយប់អាចបណ្ដាលមកពីជំងឺពាក់ព័ន្ធនឹងការគេង។ មួយក្នុងចំណោមជំងឺពាក់ព័ន្ធនឹងការគេងនោះ គឺជំងឺគេងមិនដកដង្ហើម (sleep apnea)៕