អ្នក​ស្រាវជ្រាវ​នៅ​ក្នុង​ប្រទេស​ហ្វាំង​ឡ​ង់​បាន​និយាយថា ការរៀប​ការ​បាន​បង្ហាញ​ពី​ការថយចុះ​ហានិភ័យ​នៃ​ការ​គាំងបេះដូង​បាន​ទាំង​បុរស និង​ស្ត្រី​។​​ការស្រាវជ្រាវ​ដទៃទៀត​បានបង្ហាញ​ថា អ្នក​នៅ​លីវ ឬ​អ្នក​រស់នៅ​ម្នាក់ឯង​បាន​កើនឡើង​ហានិភ័យ​នៃ​ការវិវត្ត នឹង​ការស្លាប់​ដោយសារ​ជំងឺ​បេះដូង​។ អ្នកស្រាវជ្រាវ​បាន​និយាយថា ទោះជា​យ៉ាងណា​ក៏ដោយ​, ការស្រាវជ្រាវ​ជា​ច្រើន​ទាំងនោះ​គឺ​ធ្វើ​ក្នុង​ចំនោម​បុរស​តែប៉ុណ្ណោះ ខណៈពេល​ដែល​ការស្រាវជ្រាវ​មួយ​នេះ​គឺ​រាប់បញ្ចូល​មនុស្ស​ទាំង​ពី​រ​ភេទ​តែម្តង​។​

​វេជ្ជបណ្ឌិត អាយណូ ឡា​មី​s​ន​តូ​ស្តា (Aino Lammintausta) ដែល​មកពី​សាកលវិទ្យាល័យ​មន្ទីរពេទ្យ Turku បាន​និយាយថា ការស្រាវជ្រាវ​របស់​យើង​បង្ហាញថា ការរៀប​ការបន្ថយ​ហានិភ័យ​នៃ​បញ្ហា​សរសៃឈាម​បេះដូង​ស​សៃឈាម​ស្រួចស្រាវ និង​ការស្លាប់​ដែល​បង្ក​ឡើងោ​យ​បញ្ហា​សរសៃឈាម​បេះដូង​កូរ៉ូ​ណែ​រនេះ​ចំពោះ​ទាំង​បុរស និង​ស្ត្រី​គ្រប់​វ័យ​ទាំងអស់​។​

​គាត់​បាន​និយាយថា លើសពីនេះទៅទៀត​, ជាពិសេស​ក្នុង​ចំនោម​បុរស និង​ស្ត្រី​ដែល​នៅ​វ័យ​កណ្តាល​, ការ​រៀបការ និង​ការរស់នៅ​ជាមួយ​គ្នា​ត្រូវ​បាន​ផ្សារភ្ជាប់​ទៅ​នឹង​ការព្យាករណ៍​ល្អ​នៃ​ការកើតមាន​នៃ​បញ្ហា​សរសៃឈាម​បេះដូង​កូរ៉ូ​ណែរ​មុន​មក​ស្នាក់​នៅ​មន្ទីរពេទ្យ និង​ក្រោយ​ការ​មក​ដល់​មន្ទីរពេទ្យ​។​

​ការស្រាវជ្រាវ​ត្រូវ​បាន​ចេញផ្សាយ​នៅក្នុង​កាសែត European Journal of Preventive Cardiology​។​

​ចំពោះ​ការស្រាវជ្រាវ​, អ្នកស្រាវជ្រាវ​បាន​មើល​ទៅលើ​មនុស្ស​ជាង​១៥.៣០០​នាក់​ដែល​ទទួលរង​នឹង​ការ​គាំងបេះដូង​។ ក្នុងចំនោម​អ្នកជំងឺ​ទាំងនោះ​, ប្រហែល​៧.៧០០​នាក់​បាន​ស្លាប់​អំឡុងពេល​២៨​ថ្ងៃ​នៃ​ការ​គាំងបេះដូង​នោះ​។​​ក្រលេក​មើល​លើ​មុខងារ​នៃ​រៀបការ​អាច​ដើរតួ​ចំពោះ​ការ​គាំងបេះដូង​នេះ​, អ្នកស្រាវជ្រាវ​បាន​រកឃើញថា បុរស​មិន​ទាន់​រៀបការ​គឺមាន​ពី​៥៨% ទៅ​៦៦%​ហាក់ដូចជា​មាន​ការ​គាំង​បេះដូង​នៅពេលដែល​៦០% ទៅ​៦៥%​គឺជា​ស្ត្រី បើ​ធៀប​ទៅ​នឹង​ស្ត្រី និង​បុរស​ដែល​រៀបការ​រួច​នោះ​។​

​អ្នកស្រាវជ្រាវ​បាន​និយាយថា គំលាត​ចំពោះ​ហានិភ័យ​នៃ​ការស្លាប់​ពី​ការ​គាំងបេះដូង​គឺ​ខ្ពស់​ចំពោះ​បុរស និង​ស្ត្រី​នៅ​លីវ​។ ចំពោះ​បុរស​នៅ​លីវ​, ហានិភ័យ​នៃ​ការស្លាប់​អំឡុងពេល​២៨​ថ្ងៃ​នៃ​ការ​គាំងបេះដូង​នោះ​គឺ​មាន​ពី​៦០% ទៅ​១៦៨%​ខ្ពស់​ជាង​បុរស​ដែល​បាន​រៀបការ​រួច​។ ចំពោះ​ស្ត្រី​នៅ​លីវ​វិញ​, ហានិភ័យ​នៃ​ការស្លាប់​ដោយសារ​ការ​គាំងបេះដូង​គឺ​ពិ​៧១% ទៅ​១៧៥%​ខ្ពស់​ជាង​ស្ត្រី​ដែល​បាន​រៀបការ​រួច​។​
​អ្នកស្រាវជ្រាវ​បាន​សម្គាល់​ឃើញថា ឱកាស​នៃ​ការស្លាប់​ពី​ការ​គាំងបេះដូង​ត្រូវបាន​កើន​ឡើង​ចំពោះ​បុរស និង​ស្ត្រី​ដែល​មិន​ទាន់​រៀបការ​បើ​មិន​មើល​ពី​អាយុ​, នេះ​បើ​ធៀប​ទៅនឹង​គូស្នេហ៍​ដែល​បាន​រៀបការ​រួច​ដែលមាន​អាយុ​ប្រហាក់ប្រហែលគ្នា​នោះ​។​

​មូលហេតុ​ដែល​ការរៀប​ការ​មាន​ឥទ្ធិពល​លើ​បញ្ហា​នេះ​នោះ​មិន​ត្រូវបាន​គេ​ដឹង​នោះ​ទេ​។ ទោះជា​យ៉ាងណា​ក៏ដោយ​, អ្នកស្រាវជ្រាវ​បាន​បង្ហាញ​ពី​ហេតុផល​សាកស​ម​ជា​ច្រើន​។​​ពួកគេ​បាន​និយាយថា មនុស្ស​នៅ​លីវ​អាច​ហាក់ដូចជា​មាន​សុខភាព​ខ្សោយ​។ មនុស្ស​ដែល​រៀបការ​រួច​អាច​មាន​សុខ​ភាព​នៃ​ការរស់នៅ​ល្អ​, បញ្ហា​ហិរញ្ញវត្ថុ​ល្អ​, មាន​មិត្ត​ច្រើន និង​មាន​ការគាំទ្រ​ពី​សង្គម​ច្រើន ដែល​ទាំងអស់​នោះ​សុទ្ធសឹងតែ​ផ្តល់​ផល​ល្អ​ដល់​សុខភាព​។ អ្នកស្រាវជ្រាវ​បាន​និយាយថា អ្នក​ដែល​រៀបការ​រួច​ក៏​អាច​ហៅ​ឡាន​សង្គ្រោះបន្ទាន់​លឿន​ជាង​អ្នក​ដែល​លីវ​ផង​ដែរ​។​

​អ្នកស្រាវជ្រាវ​បាន​សម្គាល់​ឃើញថា បន្ថែម​ពីលើ​នេះ​, គូស្នេហ៍​ដែល​រៀបការ​រួច​ទទួលបាន​ការព្យាបាល​ល្អ​ជាង ទោះ​នៅក្នុង​មន្ទីរពេទ្យ និង​ក្រោយ​ចេញ​ពី​មន្ទីរពេទ្យ​ក៏ដោយ​។​
​ដោយឡែក​អ្នកស្រាវជ្រាវ​បានបង្ហាញ​ថា មនុស្ស​នៅ​លីវ​អាច​មិនសូវ​ជា​តាមដាន​សុខភាព​ដែល​អាច​ជួយ​ការពារ​ការ​គាំងបេះដូង​បាន​ដូច​ជា ការប្រើប្រាស់​ថ្នាំ​អាស្ពីរីន​, ការប្រើប្រាស់​ថ្នាំ statins ដើម្បី​បន្ថយ​ជា​តិកូឡេ​ស្តេ​រ៉ុល និង​ថ្នាំ​សម្រាប់​គ្រប់គ្រង​សម្ពាធ​ឈាម​។​

​វេជ្ជបណ្ឌិត ហ្គ្រេ​ក ហ្វូ​ណារ៉ូវ (Gregg Fonarow) ជា​សាស្ត្រាចារ្យ​ខាង​ផ្នែក​ជំងឺ​បេះដូង​នៅ​សាកលវិទ្យាល័យ​កាលីហ្វ​ញ៉ាបា​ននិយាយថា ចំពោះ​ភាព​ល្អ ឬ​ភាពអាក្រក់​, ការ​រៀបការ​ត្រូវបាន​ផ្សារភ្ជាប់​ជាមួយនឹង​សុខភាព​សរសៃឈាម​បេះដូង​យ៉ាង​ល្អប្រសើរ និង​បន្ថយ​ហានិភ័យ​នៃ​ការស្លាប់​ដែល​បង្កឡើង​ដោយ​បញ្ហា​សរសៃឈាម​បេះដូង​កូរ៉ូ​ណែរ​ស្រួចស្រាល​ផងដែរ​។​

​គាត់​បាន​បន្ថែមថា ហេតុផល​នៃ​ការរៀប​ការ​រួច ឬ​ការរស់នៅ​ជាមួយគ្នា​អាច​ការពារ​មនុស្ស​ពី​ការ​គាំងបេះដូង​នោះ​តម្រូវអោយ​មាន​ការស្រាវជ្រាវ​បន្ថែម​។ ការស្រាវជ្រាវ​នៅ​ថ្ងៃក្រោយ​ក៏​ចាំបាច់​ដើម្បី​អោយដឹងពី​ទំនាក់ទំនង​រវាង​ស្ថានភាព​រៀបការ និង​ការ​កើត​មាន​ការ​គាំងបេះដូង និង​ការរស់រានមានជីវិត​ផងដែរ​៕