ការស្រាវជ្រាវថ្មីមួយបានបង្ហាញថា ថ្នាំប្រឆាំងនឹងជំងឺមហារីក Sutent (sunitinib) មិនបណ្តាលអោយដុំសាច់រីកលូតលាស់លឿនក្រោយពីការព្យាបាលបញ្ចប់នោះទេ។ការស្រាវជ្រាវពីមុនចំពោះសត្វបានបង្ហាញថា ការលូតលាស់ដុំសាច់អាចកើនឡើងក្រោយអ្នកជំងឺបានឈប់ប្រើថ្នាំ Sutent។ ប៉ុន្តែការស្រាវជ្រាវថ្មីពីការស្រាវជ្រាវនៃអ្នកជំងឺមហារីកតម្រងនោមបានចង្អុលបង្ហាញថា ថ្នាំនេះមិនជម្រុញអោយកើនឡើងហានិភ័យលើមនុស្សនោះទេ។
អ្នកស្រាវជ្រាវបានវិភាគលើការស្រាវជ្រាវលើថ្នាំ Sutent នេះក្រោយអនុម័តអោយប្រើប្រាស់។ ពួកគេបានរាប់បញ្ចូលដោយមិនមើលទៅលើថាតើអ្នកជំងឺបានប្រើថ្នាំនេះយ៉ាងប៉ុណ្ណានោះទេ, ថ្នាំនេះមិនពន្លឿនការលូតលាស់របស់ដុំសាច់ និងអ្នករស់រានមានជីវិតនឹងរស់នៅបានយូរក្រោយការព្យាបាលបានបញ្ចប់។ នេះដោយយោងតាមការស្រាវជ្រាវដែលត្រូវបានចេញផ្សាយនៅក្នុងកាសែត Cell Reports។
អ្នកស្រាវជ្រាវបាននិយាយថា អំឡុងពេលនៃការព្យាបាល, ថ្នាំ Sutent បានពន្យឺតការលូតលាស់របស់ដុំសាច់ និងពន្យារការរស់នៅរបស់អ្នកជំងឺ។
ថ្នាំ Sutent ដែលត្រូវបានអនុម័តអោយប្រើប្រាស់សម្រាប់ព្យាបាលជំងឺមហារីកទូទៅនោះ គឺមានឥទ្ធិពលទៅលើប្រូតេអ៊ីនដែលមាននៅលើសរសៃឈាមដែលចិញ្ចឹមដុំសាច់។អ្នកស្រាវជ្រាវបាននិយាយថា ការស្រាវជ្រាវថ្មីគួរតែធានាម្តងទៀតដល់អ្នកជំងឺ។
វេជ្ជបណ្ឌិត គ្រាសស្តាន ប្លាហ្គូវ (Krastan Blagoev) បាននិយាយថា យើងសង្ឃឹមថា ការស្រាវជ្រាវទាំងនេះអាចត្រូវបានសរុបទៅនឹងថ្នាំស្រដៀងគ្នា ប៉ុន្តែត្រូវដឹងថា ការស្រាវជ្រាវថ្ងៃក្រោយនឹងជារឿងចាំបាច់។ ទោះជាយ៉ាងណាក៏ដោយ, ថ្នាំដទៃទៀតក៏បានអនុម័តលើពិភពលោកសម្រាប់ជំងឺមហារីកផងដែរដូចជាថ្នាំ sorafenib, pazopanib និងaxitinib នោះក៏ស្រដៀងទៅនឹងថ្នាំ sunitinib ផងដែរ ហើយនេះនឹងផ្តល់នូវការធានាថ្មី៕