សរុបមក, ភាគច្រើននៃការវះកាត់ប្តូរសន្លាក់ត្រគាកគឺទទួលបានជោគជ័យ, ប៉ុន្តែដោយយោងតាមការស្រាវជ្រាវថ្មីៗបានបង្ហាញថា ស្ត្រីគឺមានហានិភ័យខ្ពស់ជាងបុរសចំពោះបរាជ័យនៃការប្តូរសន្លាក់នេះក្រោយការវះកាត់។អ្នកស្រាវជ្រាវបានសម្គាល់ថា នេះគឺជាការពិតក្រោយពីបានមើលពីកត្តាហានិភ័យនៃបុគ្គលម្នាក់ៗរួចមក។ ពួកគេនិយាយថា ការស្រាវជ្រាវនេះអាចជួយគ្រូពេទ្យអោយមានការរៀបចំប្រសើរឡើងពីភាពខុសប្លែកគ្នានៃកាយវិភាគវិទ្យារវាងបុរស និងស្ត្រី។
មុខងារនៃភេទចំពោះទំនាក់ទំនាក់ក្នុងការបរាជ័យនៃការប្តូរសន្លាក់ត្រគាកនេះគឺជារឿងសំខាន់ចំពោះការគ្រប់គ្រងអ្នកជំងឺ និងការកែច្នៃនៃឧបករណ៍។ការស្រាវជ្រាវនេះត្រូវបានចេញផ្សាយនៅក្នុងកាសែត JAMA Internal Medicine។
វេជ្ជបណ្ឌិត ម៉ារៀ អ៊ីណាស្យូ (Maria Inacio) បានពិនិត្យលើការប្តូរសន្លាក់ជាង៣៥.០០០នាក់ដែលត្រូវបានធ្វើនៅក្នុងមន្ទីរពេទ្យផ្សេងៗគ្នាដោយមានការតាមដានជាមធ្យមក្នុងរយៈពេល៣ឆ្នាំ។ ចំពោះអ្នកជំងឺដែលត្រូវបានតាមដានទាំងនោះ, ៥៧%គឺជាស្ត្រីដែលមានអាយុជាមធ្យមគឺ៦៦ឆ្នាំ។ក្រោយ៥ឆ្នាំ, ការស្រាវជ្រាវបានរកឃើញថា ៩៧%នៃការប្តូរសន្លាក់គឺនៅរស់។ ទោះជាយ៉ាងណាក៏ដោយ, អ្នកស្រាវជ្រាវបានចង្អុលបង្ហាញថា ឧបករណ៍ចំពោះបុរសចាត់ទុកថាល្អជាងឧបករណ៍របស់ស្ត្រី។
ដោយឆ្លើយតបទៅនឹងការស្រាវជ្រាវ, វេជ្ជបណ្ឌិត ឌីយ៉ាណា ហ្សូកឃឺរម៉េន (Diana Zuckerman) ដែលមកពីមជ្ឈមណ្ឌលស្រាវជ្រាវជាតិបានណែនាំថា ការវិភាគជាក់លាក់ទៅលើភេទគឺជារឿងសំខាន់ចំពោះការវះកាត់ឆ្អឹងដោយសារតែភាពខុសប្លែកគ្នានៃភេទដែលទាក់ទងទៅនឹងសារធាតុនៃកាយវិភាគសាស្ត្រ។
ហ្សូកឃឺរម៉េនបានបន្ថែមថា ការស្រាវជ្រាវផ្តល់នូវជំហ៊ានដំបូងយ៉ាងសំខាន់ចំពោះការយល់នូហានិភ័យខ្ពស់នៃការបរាជ័យនៃការប្តូរសន្លាក់ត្រគាកចំពោះស្ត្រី ប៉ុន្តែការតាមដានរយៈពេលយូរគឺជារឿងចំពោះដើម្បីបន្ថយការវះកាត់សារជាថ្មី។អ្វីដែលជារឿងចាំបាច់គឺការស្រាវជ្រាវនៃប្រសិទ្ធភាពនៃការប្រៀបធៀប ហើយបង្ហាញថាតើឧបករណ៍ណាមួយដែលងាយនឹងបរាជ័យចំពោះស្ត្រី និងចំពោះបុរស។
ការស្រាវជ្រាវនេះគឺអាចអោយអ្នកជំងឺ និងគ្រូពេទ្យជ្រើសរើសយើងឧបករណ៍ និងបច្ចេកទេសនៃការវះកាត់ណាមួយដែលអាចអោយបានជោគជ័យក្នុងរយៈពេលយូរ៕