វិធីល្អបំផុត ដើម្បីទប់ទល់នឹងជំងឺមហារីក គឺត្រូវទប់ស្កាត់វាតាំងពីដំបូង។ ប្រការនោះ មានន័យថា រក្សាសុខភាពឲ្យបានល្អតាមរយៈវិធីធម្មជាតិជាច្រើន ដូចជាហាត់ប្រាណជាប្រចាំ ។
ហាត់ប្រាណជាប្រចាំត្រូវបានបញ្ជាក់ថា អាចបន្ថយ ៤៤% លទ្ធភាពស្លាប់ពាក់ព័ន្ធនឹងមហារីក។ វាក៏អាចទប់ស្កាត់មួយក្នុង៣ករណី នៃការរើឡើងវិញរបស់ជំងឺមហារីក ក្នុងសរីរាង្គរបស់អ្នកជំងឺ។
ប្រសិនអ្នកជំងឺមហារីកត្រូវឆ្លងកាត់ការព្យាបាលធម្មតា វិធីហាត់ប្រាណអាចបន្ថយឥទ្ធិពលបន្ទាប់បន្សំនៃគ្រោះថ្នាក់របស់សារជាតិគីមី និងកាំរស្មី ។
ហាត់ប្រាណអាចមានប្រយោជន៍សម្រាប់អ្នកជំងឺមហារីកគ្រប់ប្រភេទ ជាពិសេសចំពោះអ្នកជំងឺមហារីកសុដន់ ។ ការស្រាវជ្រាវបង្ហាញថា អ្នកជំងឺមហារីកសុដន់ ចូលរួមតាមកម្មវិធីហាត់ប្រាណមានឱកាសនៅរស់ល្អជាង ដោយពុំមានហានិភ័យលាប់ជំងឺឡើងវិញ ក្រោយពេលព្យាបាល ។
ការស្រាវជ្រាវឲ្យដឹងថា ហាត់ប្រាណជាប្រចាំ អាចការពារសុដន់ ពោះវៀន ស្បូន បំពង់អាហារ តម្រងនោម ថ្លើម ជាលិកាខួរឆ្អឹង និងក្រពះ ឱ្យចៀសផុតពីមហារីក ។ ពួកអ្នកស្រាវជ្រាវទូន្មានមនុស្សធំគួរហាត់ប្រាណតិចបំផុត ១៥០ នាទី ក្នុង១សប្តាហ៍ ។ វិធីដ៏ងាយស្រួលមួយ ដើម្បីសម្រេចបានគោលនេះគឺដើរ ៣០នាទី ហើយ៥ថ្ងៃ ក្នុង១សប្តាហ៍៕
