ទោះបីជាស្គាល់និងឧស្សាហ៍ញ៊ាំប៉ុណ្ណាក៏ដោយ ក៏ភាគច្រើននៃពួកយើងប្រហែលជាមិនធ្លាប់ដឹងទេថា ស្លឹកជីអង្កាមអាចយកមកប្រើប្រាស់ដោះស្រាយបញ្ហាសម្រស់ផ្សេងៗ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)  ត្រូវយកមកធ្វើបែបណាទៅ? ខាងក្រោមវេបសាយសុខភាព Health.com.kh នឹងបង្ហាញឱ្យពីគន្លឹះងាយៗប្រើប្រាស់ស្លឹកជីអង្កាមថែរក្សាសម្រស់ ៖

១. ជីអង្កាមនិងផ្លែចេក

រូបមន្តនេះសាកសមសម្រាប់កម្ចាត់មុន, បង្កើនការផលិតកូឡាជេន និងការពារស្បែកពីពន្លឺព្រះអាទិត្យ។ អ្វីដែលអ្នកត្រូវធ្វើ គឺគ្រាន់តែកិនស្លឹកជីអង្កាមប្រមាណពី ១០ ទៅ ១២ ស្លឹកជាមួយចេកទុំម៉ដ្ឋ ២ ស្លាបព្រាបាយ ឱ្យសព្វចូលគ្នា។ បន្ទាប់មកលាបម៉ាស្សាល្បាយលើស្បែកមុខ និងរងចាំសម្រាប់រយៈពេលពី ១៥ ទៅ ៣០ នាទី សឹមលាងសម្អាតចេញជាមួយទឹកត្រជាក់។ អនុវត្តសារឡើងវិញឱ្យបានម្ដង ឬ២ដងក្នុងមួយសប្តាហ៍។

២. រូបមន្តសម្រាប់ស្បែកខ្លាញ់

លាយម្សៅជីអង្កាមក្នុងបរិមាណស្មើគ្នាជាមួយម្សៅក្រាមនិងទឹកក្រូចឆ្មារស្រស់ឱ្យក្លាយជាល្បាយខាប់ៗ។ លាបម៉ាស្សាល្បាយលើស្បែក និងរងចាំសម្រាប់រយៈពេល ២០ នាទី ទៅ ៣០នាទី។ លាងសម្អាតចេញជាមួយទឹកធម្មតា។

៣. ជីអង្កាមនិងត្រសក់

លាយម្សៅធញ្ញជាតិ ១ស្លាបព្រាបាយជាមួយទឹកឃ្មុំ ១ស្លាបព្រាកាហ្វេ បន្ទះត្រសក់ប្រហែល ១ សង់ទីម៉ែត្រ ស្លឹកជីអង្កាមពី ១០ ទៅ ១២ ស្លឹក និងទឹកដោះគោស្រស់ ២ស្លាបព្រាកាហ្វេ។ ចាប់ផ្ដើមដំបូងដោយកិនត្រសក់និងស្លឹកជីអង្កាមចូលគ្នា។ បន្ទាប់មកសឹមបន្ថែមគ្រឿងផ្សំទាំងអស់ចូល។ កូរឱ្យសព្វ និងលាបម៉ាស្សាល្បាយលើស្បែកដោយរងចាំសម្រាប់រយៈពេល ៧ នាទី សឹមលាងសម្អាតចេញជាមួយទឹកត្រជាក់។ អនុវត្តសារឡើងវិញពី ២ ទៅ ៣ដងក្នុងមួយសប្តាហ៍៕