Join with Health.com.kh on Telegram

តើ​ការ​អង្គុយ​លើ​សា​ឡុង និង​កៅអី​អាច​ផ្តល់​ផល​អាក្រក់​ដល់​សុខភាព​របស់​អ្នក​មែនឬ​? ការស្រាវជ្រាវ​ថ្មី​បានបង្ហាញ​ថា នៅពេលដែល​ការចំណាយ​ពេល​អង្គុយ​កើនឡើង​, ដូចនេះ​វា​ក៏​បង្កើន​ហានិភ័យ​នៃ​ជំងឺ​ទឹកនោម​ផ្អែម​ប្រភេទ​ទី​២​ផងដែរ​។​

​អ្នកស្រាវជ្រាវ​ជនជាតិ​អង់គ្លេស​បាន​និយាយថា ការ​ប្រាប់​មនុស្ស​អោយ​ជៀសវាង​ពី​ការ​អង្គុយ​អាចមាន​ប្រសិទ្ធភាព​ក្នុង​ការបន្ថយ​ជំងឺ​ទឹកនោម​ផ្អែម​ជាជាង​ប្រាប់​ពួកគេ​អោយ​ធ្វើ​លំ​ហាត់ប្រាណ​បន្ថែម​។​
​អ្នកជំងឺ​ត្រូវបាន​គេ​ផ្តល់​ដំបូន្មាន​អោយធ្វើ​លំ​ហាត់ប្រាណ​កម្រិត​មធ្យម ទៅ​កម្រិតធ្ងន់​ក្នុង​រយៈពេល​យ៉ាង​ហោច​ណាស់​១៥០​នាទី​ក្នុង​មួយ​សប្តាហ៍​ដើម្បីអោយ​កាយសម្បទា​រឹងមាំ និង​ជៀសវាង​ពី​ការ​ធា​ត់ និង​ជំងឺ​ទឹកនោម​ផ្អែម​។ ប៉ុន្តែ​ការស្រាវជ្រាវ​២​បានបង្ហាញ​ថា ការបន្ថយ​រយៈពេល​នៃ​ការ​អង្គុយ​៩០​នាទី​ក្នុង​មួយ​ថ្ងៃ​អាច​ផ្តល់អោយ​មាន​សុខភាព​ល្អ​ផងដែរ​។​​ការស្រាវជ្រាវ​ត្រូវ​បាន​ចេញផ្សាយ​នៅក្នុង​កាសែត Diabetologia​។​

​ជូ​សេ​ហ្វ ហ៊េ​ន​សាន់ (Joseph Henson) ដែល​មកពី​សាកលវិទ្យាល័យ Leicester បាន​និយាយថា  ម៉ោង​ដែល​មនុស្ស​ចំណាយ​ពេល​អង្គុយ​នៅ​ផ្ទះ​ក៏​ដូច​នៅ​កន្លែងធ្វើការ​នោះ​គឺជា​យុទ្ធសាស្ត្រ​មួយ​ដែល​មាន​ប្រយោជន៍​ក្នុង​ការប្រយុទ្ធប្រឆាំង​នឹង​ជំងឺ​ទឹកនោម​ផ្អែម​។ ហ៊េ​ន​សាន់​បាន​បន្ថែមថា លើសពីនេះទៅទៀត​, ពេល​ដែល​មិន​ធ្វើការ​អ្វី​ទាំងអស់​គឺ​ដើរតួរ​នៅក្នុង​ការងារ​ប្រចាំថ្ងៃ​ផងដែរ​។​
​អ្នកស្រាវជ្រាវ​បាន​ធ្វើ​ការស្រាវជ្រាវ​២​លើ​មនុស្ស​ពេញវ័យ​១៥៣​នាក់​។ មួយ​ពាក់ព័ន្ធ​នឹង​មនុស្សពេញវ័យ​ដែល​មាន​អាយុ​ជា​មធ្យម​៣៣​ឆ្នាំ ខណៈពេល​ដែល​ការស្រាវជ្រាវ​មួយទៀត​ពាក់ព័ន្ធ​ទៅនឹង​មនុស្ស​វ័យ​ចំណាស់​ដែល​មាន​អាយុ​ជា​មធ្យម​៦៥​ឆ្នាំ​។ ក្នុង​ការស្រាវជ្រាវ​នីមួយៗ​, អ្នកស្រាវជ្រាវ​បាន​ប្រៀបធៀប​ពេលដែល​ចំណាយ​ពេល​អង្គុយ ក៏ដូចជា​ចំនួន​ពេល​នូវពេល​ធ្វើ​លំ​ហាត់ប្រាណ​ពី​កម្រិត​មធ្យម​ទៅ​កម្រិតធ្ងន់ ប្រឆាំង​ទៅ​នឹង​កត្តា​ហានិភ័យ​នៃ​ជំងឺ​ទឹកនោម​ផ្អែម​។​

​អ្នកស្រាវជ្រាវ​បាន​រកឃើញថា ការចំណាយ​ពេល​អង្គុយ​ត្រូវបាន​ផ្សារភ្ជាប់​ទៅ​នឹង​ការកើនឡើង​កម្រិត​ជាតិ​ស្ករ​នៅក្នុង​ឈាម និង​កម្រិត​កូ​ឡេ​ស្តេ​រ៉ុល ហើយ​កត្តា​ហានិភ័យ​នៃ​ជំងឺ​បេះដូង និង​ជំងឺ​ទឹកនោម​ផ្អែម​ទៀត​ផង​ដែរ​ក្រោយពី​បាន​បង្គ្រប់​វិញ​ដោយ​ការធ្វើ​លំ​ហាត់ប្រាណ​នោះ​។​

​ហ៊េ​ន​សាន់​បាន​និយាយថា កម្ម​វិធី​ការពារ​ជំងឺ​ទឹកនោម​ផ្អែម និង​ជំងឺ​សរសៃឈាម​បេះដូង​អាច​មើល​ទៅលើ​តំបន់​ដែល​មាន​ហានិភ័យ​ខ្ពស់​នៃ​ជំងឺ​បេះដូង និង​ជំងឺ​មេ​តា​ប៉ូលីស​។ គាត់​បាន​បន្ថែមថា ការ​សួរ​អំពី​ការធ្វើ​លំ​ហាត់ប្រាណ​អាច​ជួយ​បាន ប៉ុន្តែ​ការធ្វើ​អន្តរាគមន៍​អាច​រឹតតែ​មាន​ប្រសិទ្ធភាព​ប្រសិនបើ​បុគ្គល​ត្រូវបាន​ជម្រុញ​អោយ​អង្គុយ​តិច និង​ដើរ​ច្រើន​៕​