ការប្រែប្រួល​ស្បែក​ដែល​រួមមាន ការឡើង​កន្ទួល​ក្រហម​, ការលូតលាស់​ស្បែក​ថ្មី​, ការ​មិន​មាន​ពណ៌​លើ​ស្បែក និង​ការប្រែប្រួល​ដទៃទៀត អាច​ជា​រោគសញ្ញា​ដំបូង​ក្នុង​ចំនោម​រោគសញ្ញា​ដែល​ចង្អុលបង្ហាញ​ពី​បញ្ហា​សុខភាព​។​

​វេជ្ជបណ្ឌិត ស៊ី​ឌី អូ​វេន (Cindy Owen) ដែល​មកពី​សាកលវិទ្យាល័យ Louisville បាន​ពណ៌នា​ពី​ការប្រែប្រួល​ស្បែក​ដែល​អាច​បង្ហាញ​នៃ​បញ្ហា​សុខភាព​ដទៃទៀត​។​
​អ្នកស្រាវជ្រាវ​បាន​សម្គាល់​ឃើញថា ការប្រែប្រួល​ស្បែក​ជាក់លាក់​ចង្អុលបង្ហាញ​ជា​ទូទៅ​ពី​ជំងឺ​។ នេះ​រួមមាន ការឡើង​កន្ទួល​ក្រហម​ថ្មី​ដែល​អាច​ជា​សញ្ញា​នៃ​ការឆ្លង​មេរោគ​រលាក​ថ្លើម​ប្រភេទ C ឬ​អាចជា​រោគសញ្ញា​នៃ​DRESS Syndrome ដែល​អាច​កើតមានឡើង​ក្រោយ​ពី​ចាប់ផ្តើម​ប្រើ​ថ្នាំ​ថ្មី​ណាមួយ​។ ជំងឺ​រលាយ​ស្បែក និង​សាច់ដុំ​មាន​ការប្រែប្រួល​ស្បែក​ដែល​គួរអោយ​កត់សម្គាល់ និង​ត្រូវបាន​ផ្សារភ្ជាប់​ជាមួយនឹង​ជំងឺមហារីក​ដទៃទៀត​ដែល​លើស​ពី​២០%​នៃ​ករណី​។ ការរីកលូតលាស់​កោសិកា​ថ្មី​អាច​ជំងឺមហារីក​ស្បែក ឬ​បង្ហាញថា​ជាការ​រាលដាល​ពី​ជំងឺមហារីក​ដទៃ ឬ​អាច​ជា​សញ្ញា​នៃ​ជំងឺ​ដទៃ​ទៀត​ដូចជា ជំងឺ​ដែល​មាន​កម្រិត​ទ្រី​គ្លី​សេរីត​ខ្ពស់ (eruptive xanthomas)​។ ការប្រែប្រួល​ពណ៌​ស្បែក​អាច​បង្ហាញ​ពី​ជំងឺ​ថ្លើម ឬ​ជំងឺ​នៃ​ក្រពេញ​លើ​តម្រងនោម ឬ​ជា​ផលប៉ះពាល់​នៃ​មេ​តា​ប៉ូលីស​ជាតិ​ដែក​។ ការប្រែប្រួល​លើ​ស្បែក​មួយចំនួន​ទៀត​អាចជា​រោគសញ្ញា​នៃ​ជំងឺ​ក្រិន​គ្រប់កន្លែង (systemic sclerosis) ជាដើម​។​

​អូ​វេន​បាន​និយាយថា គ្រូពេទ្យ​ឯកទេស​ជំងឺ​ស្បែក​បាន​ប្រាប់អោយដឹង​ថា រោគសញ្ញា​លើ​ស្បែក​គឺ​ច្រើន​ជាង​បញ្ហា​លើ​ស្បែក​ដែល​នេះ​ជា​ហេតុផល​ដែល​ត្រូវ​ជួប​នឹង​គ្រូពេទ្យ​ឯកទេស​ប្រសិនបើ​អ្នក​សម្គាល់​ឃើញថា​មាន​ការប្រែប្រួល​លើ​ស្បែក​នានា​៕