ការស្រាវជ្រាវដ៏ធំមួយពីប្រទេសណរវ៉េស បានបង្ហាញថា ការគេងមិនលក់អាចបង្កើនហានិភ័យដល់ទៅ៣ដងក្នុងការវិវត្តទៅជាជំងឺខ្សោយបេះដូង។វេជ្ជបណ្ឌិត ឡាស ឡូសេន (Lars Laugsand) បាននិយាយថា បញ្ហាបេះដូងនាំអោយមានបញ្ហានៃការគេង ប៉ុន្តែការស្រាវជ្រាវរបស់ក្រុមគាត់បានព្យាយាមកំណត់ថាតើភាពបញ្ច្រាសវិញនៃបញ្ហានេះអាចជាការពិតដែរឬយ៉ាងណា។
ឡូសេនបាននិយាយថា ការគេងមិនលក់គឺកើតមានជារឿយៗ និងត្រូវបានស្គាល់យ៉ាងស្រួល, អាចគ្រប់គ្រង និងព្យាបាលបាន។ឡូសេនបានបន្ថែមថា អ្នកស្រាវជ្រាវបានរកឃើញពីការផ្សារភ្ជាប់គ្នារវាងការគេងមិនលក់ និងជំងឺខ្សោយបេះដូង, មិនមែនរកឃើញថា ការគេងមិនលក់បណ្តាលអោយមានជំងឺខ្សោយបេះដូងនោះទេ។គាត់បាននិយិាយថា យើងនៅតែមិនដឹងថាតើជំងឺខ្សោយបេះដូងត្រូវបានបង្កឡើងដោយការគេងមិនលក់ឬយ៉ាងណានោះទេ ហើយវានៅតែមិនច្បាស់ថាហេតុអ្វីបានជាការគេងមិនលក់ត្រូវបានផ្សារភ្ជាប់ខ្ពស់ទៅនឹងហានិភ័យនៃជំងឺខ្សោយបេះដូងនោះ។
ជំងឺខ្សោយបេះដូងគឺជាជំងឺរ៉ាំរ៉ៃមួយដែលបេះដូងមិនអាចច្របាច់ឈាមគ្រប់គ្រាន់ទៅកាន់ខ្លួនប្រាណដែលត្រូវការ។ឡូសេនបាននិយាយថា វាមានការចង្អុលបង្ហាញថា មូលហេតុជីវសាស្ត្រអាចពន្យល់ពីទំនាក់ទំនងរវាងជំងឺខ្សោយបេះដូង និងការគេងមិនលក់។ គាត់បានពន្យល់ថា ចលនការមួយដែលអាចទៅរួចនោះអាចថា ការគេងមិនលក់ភ្ញោចអោយមានការឆ្លើយតបនៃស្ត្រេសនៅក្នុងខ្លួនដែលអាចប៉ះពាល់អវិជ្ជមានដល់មុខងាររបស់បេះដូង។ឡូសេនបានបន្ថែមថា ប្រសិនបើលទ្ធផលរបស់យើងត្រូវបានបញ្ជាក់ដោយការស្រាវជ្រាវដទៃទៀត ហើយមានការផ្សារភ្ជាប់មូលហេតុនេះយ៉ាងពិតប្រាកដនោះ, ការពិនិត្យនៃរោគសញ្ញានៃការគេងមិនលក់អាចមានផលវិបាកចំពោះការការពារបញ្ហាសរសៃឈាមបេះដូង។
ការស្រាវជ្រាវត្រូវបានចេញផ្សាយនៅក្នុងកាសែត European Heart Journal។ដើម្បីវាស់ពីឥទ្ធិពលនៃការគេងមិនលក់លើហានិភ័យនៃជំងឺខ្សោយបេះដូងនោះ, ក្រុមរបស់ឡូសេនបានធ្វើការស្រាវជ្រាវលើបុរស និងស្ត្រីជាង៥៤.០០០នាក់។ អ្នកចូលរួមមិនមានជំងឺខ្សោយបេះដូងនោះទេនៅពេលចាប់ផ្តើមធ្វើការស្រាវជ្រាវ។នៃផ្នែកនៃការស្រាវជ្រាវ, អ្នកស្រាវជ្រាវបានសួរអំពីគុណភាពនៃការគេងរបស់អ្នកចូលរួម និងថាតើពួកគេមានភាពលំបាកនឹងការគេង និងការគេងលក់ឬយ៉ាងណា។
ក្រុមរបស់គាត់បានរកឃើញថា ក្រោយពីធ្វើការតាមដានអស់រយៈពេល១១ឆ្នាំ, អ្នកចូលរួមជាង១.៤០០នាក់បានវិវត្តទៅជាជំងឺខ្សោយបេះដូង។ អ្នកដែលមានរោគសញ្ញាច្រើននៃការគេងមិនលក់ មានការកើនឡើងហានិភ័យក្នុងការវិវត្តទៅជាជំងឺខ្សោយបេះដូង៣ដងបើធៀបទៅនឹងអ្នកដែលគេងលក់ស្រួលនោះ។ នៅពេលដែលជំងឺធ្លាក់ទឹកចិត្ត និងជំងឺថប់បារម្ភត្រូវបានគេរាប់បញ្ចូលនោះ, ហានិភ័យបានឡើងដល់ទៅ៤ដង។
ជាពិសេស, ភាពលំបាកក្នុងការគេង និងការគេងលក់គឺកើតមានសឹងតែរាល់យប់ ហើយអារម្មណ៍អស់កម្លាំងនៅពេលព្រឹកមានច្រើនជាងម្តងក្នុងមួយសប្តាហ៍នោះ, ត្រូវបានផ្សារភ្ជាប់ទៅនឹងការកើនឡើងហានិភ័យនៃជំងឺខ្សោយបេះដូងបើធៀបទៅនឹងអ្នកមិនដែល ឬកម្រទៅនឹងមានរោគសញ្ញាទាំងនេះនោះ។ការស្រាវជ្រាវនៅតែធ្វើក្រោយពីអ្នកស្រាវជ្រាវបានមើលទៅលើអាយុ, ភេទ, ស្ថានភាពគ្រួសារ, ចំណេះដឹង, ការផ្លាស់ប្តូរវេនធ្វើការ, សម្ពាធឈាម, កូឡេស្តេរ៉ុល, ជំងឺទឹកនោមផ្អែម, ទម្ងន់, ការធ្វើលំហាត់ប្រាណ, ការជក់បារី, ការផឹកស្រា និងការធ្លាប់មានការគាំងបេះដូងពីមុននោះ។
វេជ្ជបណ្ឌិត ហ្គ្រេក ហ្វូណារ៉ូវ (Gregg Fonarow) ជាសាស្ត្រាចារ្យខាងផ្នែកជំងឺបេះដូងនៅសាកលវិទ្យាល័យកាលីហ្វញ៉ា បាននិយាយថា ជំងឺខ្សោយបេះដូងផ្តល់លទ្ធផលជាជំងឺ, ការស្លាប់ និងបញ្ហានៃការថែទាំបញ្ហាបេះដូង។គាត់បានសម្គាល់ថា ការគេងមិនលក់ត្រូវបានផ្សារភ្ជាប់ជាមួយនឹងការកើនឡើងហានិភ័យនៃបញ្ហាសរៃឈាមបេះដូង និងស្លាប់ ហើយការស្រាវជ្រាវពីមុន២បានបង្ហាញថា ការគេងមិនលក់ក៏អាចត្រូវបានផ្សារភ្ជាប់ជាមួយនឹងហានិភ័យនៃការខ្សោយបេះដូងផងដែរ។
ហ្វូណារ៉ូវបានបន្ថែមថា ការគេងមិនលក់អាចបង្កើនការឆ្លើយតបនៃការរលាក និងស្ត្រេសនៅក្នុងខ្លួន។គាត់បាននិយាយថា ការភ្ញោចប្រព័ន្ធទាំងនេះអាចផ្សារភ្ជាប់ការគេងមិនលក់ទៅនឹងការកើនឡើងហានិភ័យនៃការវិវត្តទៅជាជំងឺខ្សោយបេះដូង និងជំងឺសរសៃឈាមបេះដូងដទៃទៀត។ ទោះជាយ៉ាងណាក៏ដោយ, ថាតើការការពារ ឬការព្យាបាលការគេងមិនលក់នឹងបន្ថយហានិភ័យនៃការវិវត្តទៅជាជំងឺខ្សោយបេះដូងយ៉ាងណានោះគឺត្រូវការការស្រាវជ្រាវបន្ថែម៕
