លើសទម្ងន់ ធាត់ កំពុងក្លាយជាក្តីកង្វល់ភ័យខ្លាចរបស់មនុស្សជាច្រើន ។ មូលហេតុត្រូវបានចាត់ទុកថា ដោយសាររបបអាហារមានជាតិខ្លាញ់ច្រើន, បរិមាណកាឡូរីខ្ពស់, ទម្លាប់បរិភោគលឿន និងច្រើន តែបែរជាមិនសូវធ្វើចលនា… ។
តាំងពីយូរមកហើយ គ្រប់គ្នាតែងយល់ឃើញថា បាយក៏ជាដើមចមមួយធ្វើឱ្យធាត់ ប៉ុន្តែ ពួកអ្នកវិទ្យាសាស្ត្រជប៉ុន ថ្មីៗនេះបានប្រកាសថា អង្ករអាចជួយមនុស្សទប់ស្កាត់ជំងឺធាត់ទៅវិញ ។
អ្នកជំនាញការមួយរូបនៅសកលវិទ្យាល័យសិល្បៈសេរីភាព Doshisha ប្រទេសជប៉ុន បានឲ្យដឹងថា លោកបានដំណើរការស្រាវជ្រាវលើសរីរាង្គមនុស្ស។ តាមរយៈនោះ អ្នកប្រើប្រាស់អង្ករជាប្រចាំ មានអត្រាកើតជំងឺធាត់ទាបជាង។ លោក ក៏ធ្វើការស្រាវជ្រាវនៅ ១៣៦ប្រទេស ហើយលទ្ធផលពិតជាភ្ញាក់ផ្អើល, ប្រទេសប្រើបាយធ្វើជាស្បៀងអាហារប្រចាំ មានអត្រាធាត់ទាបជាងគេ។ តាមសាស្ត្រាចារ្យរូបនេះ ប្រសិនប្រជាជនលើពិភពលោក បរិភោគបាយ ប្រមាណ 50g ក្នុង១ថ្ងៃ នោះអត្រាធាត់លើសកលលោកនឹងថយចុះ១%។
ក្នុងអង្ករមានផ្ទុកជាតិខ្លាញ់តិច ដែលភាគច្រើនជាជាតិម្សៅ។ ជាងនេះទៀត ជាតិសរសៃរួមនឹងសារជាតិជីវជាតិផ្សេងៗក្នុងអង្ករមានលទ្ធភាពធ្វើឲ្យកើនអារម្មណ៍ឆ្អែត និងទប់ស្កាត់ភាពឃ្លាន ។ អាស្រ័យហេតុនោះ អង្ករអាចទប់ស្កាត់ស្ថានភាពបរិភោគជាតិខ្លាញ់ច្រើន និងបរិភោគអាហារញឹកញាប់៕