ការស្រាវជ្រាវថ្មីមួយបានរកឃើញថា មនុស្សពេញវ័យដែលមានជំងឺហឺតក៏មានជំងឺអាឡែស៊ីផងដែរ។អ្នកស្រាវជ្រាវបានពិនិត្យលើមនុស្សជិត ២.៦០០នាក់ និងបានរកឃើញថា ៧៥%នៃមនុស្សពេញវ័យដែលមានអាយុចន្លោះពី២០ឆ្នាំ ទៅ៤០ឆ្នាំដែលមានជំងឺហឺត និង៦៥%នៃអ្នកដែលមានអាយុលើសពី៥៥ឆ្នាំដែលមានបញ្ហានេះនោះ, មានយ៉ាងហោចណាស់នូវបញ្ហាអាឡែស៊ីម្តង។
ការស្រាវជ្រាវត្រូវបានចេញផ្សាយនៅក្នុងកាសែត Annals of Allergy, Asthma & Immunology។
វេជ្ជបណ្ឌិត ផូឡា ប៊ូស (Paula Busse) បាននិយាយថា គ្រូពេទ្យឯកទេសខាងជំងឺអាឡែស៊ីបានដឹងពីអត្រាកើតមាននៃបញ្ហាអាឡែស៊ីក្នុងចំនោមកុមារដែលមានបញ្ហាអាឡែស៊ីនោះ គឺខ្ពស់ដែលនៅចន្លោះពី៦០% ទៅ៨០% ប៉ុន្តែវាត្រូវបានគេគិតថា អាឡែស៊ីមិនដូចទៅនឹងបញ្ហាអាឡែស៊ីលើមនុស្សពេញវ័យនោះទេ។ ការស្រាវជ្រាវនេះគឺជារឿងសំខាន់ ហើយអាចជួយនាំអោយរកឃើញពីរោគវិនិច្ឆ័យ និងការព្យាបាលទៀតផង។
ទោះបីជាជំងឺហឺតគឺកើតមានជាទូទៅចំពោះកុមារក៏ដោយ, ប៉ុន្តែវាក៏ប៉ះពាល់លើមនុស្សធំដែលមានអាយុលើសពី៦០ឆ្នាំ ពី៣% ទៅ៧%ផងដែរ។ ទិដ្ឋភាពនេះហាក់ដូចជាខ្ពស់ដោយសារតែជំងឺហឺតជារឿយៗត្រូវបានគេធ្វើរោគវិនិច្ឆ័យយឺតចំពោះមនុស្សពេញវ័យ។ថ្មីៗនេះ, ជនជាតិអាមេរិក២៦លាននាក់ត្រូវបានគេធ្វើរោគវិនិច្ឆ័យឃើញថាមានជំងឺហឺត ហើយចំនួននេះបានកើនឡើងជារៀងរាល់ឆ្នាំ។ ជនជាតិអាមេរិកជាង៥០លាននាក់មានបញ្ហាអាឡែស៊ី និងចំនួនេះក៏កើនឡើងផងដែរ។
វេជ្ជបណ្ឌិត រីឆាដ វឺប៊ឺរ (Richard Weber) បាននិយាយថា ទាំងជំងឺហឺត និងអាឡែស៊ីអាចប៉ះពាល់ដល់មនុស្សគ្រប់វ័យ។ វឺប៊ឺរបាននិយាយថា មនុស្សដែលគិតថាពួកគេមានរោគសញ្ញានៃជំងឺហឺត ឬអាឡែស៊ីគួរតែទៅជួបគ្រូពេទ្យឯកទេសខាងជំងឺអាឡែស៊ី៕