​ការស្រាវជ្រាវ​ថ្មី​មួយ​បាន​អោយដឹងថា មនុស្ស​វ័យក្មេង​ដែល​លើស​ទម្ងន់​ហាក់ដូចជា​ងាយ​នឹង​វិវត្ត​ទៅ​ជា​ជំងឺ នៃ​តម្រងនោម​ជាង​អ្នក​ដែល​មិន​លើស​ទម្ងន់​នៅពេលដែល​ពួកគេ​មាន​វ័យ​ចំណាស់​។​

អ្នកស្រាវជ្រាវ​បាន​វិភាគ​ទៅលើ​អ្នកចូលរួម​ក្នុង​ការស្រាវជ្រាវ​ជិត ៤.៦០០​នាក់​នៅក្នុង​ចក្រភព​អង់គ្លេស​ដែល​បាន​កើត​ក្នុង​ខែ​មិនា ឆ្នាំ​១៩៤៦​។ ការស្រាវជ្រាវ​បាន​រាប់​បញ្ចូល​ទៅ​នឹង​ស​ន្ទ​ស្សន៍​នៃ​ទម្ងន់​ខ្លួន​នៅ​អាយុ​២០​ឆ្នាំ​, ២៦​ឆ្នាំ​, ៣៦​ឆ្នាំ​, ៤៣​ឆ្នាំ​, ៥៣​ឆ្នាំ និង​៦០​ឆ្នាំ ទៅ​៦៤​ឆ្នាំ​។​

អ្នកចូលរួម​ដែល​លើស​ទម្ងន់​នៅពេល​ពេញវ័យ​គឺ​អាយុ​ចន្លោះ​ពី​២៦​ឆ្នាំ ទៅ​៣៦​ឆ្នាំ ហាក់ដូចជា​មាន​ជំងឺ​តម្រងនោម​រ៉ាំរ៉ៃ​ទ្វេ​ដង​នៅ​អាយុ​៦០​ឆ្នាំ ទៅ​៦៤​ឆ្នាំ​, បើ​ធៀប​ទៅ​នឹង​អ្នក​ដែល​មិន​លើស​ទម្ងន់​សោះ ឬ​មិន​ក្លាយទៅជា​លើស​ទម្ងន់​រហូត​ដល់​អាយុ​៦០​ឆ្នាំ ទៅ​៦៤​ឆ្នាំ​។​

ការ​មាន​ទំហំ​សមាមាត្រ​នៃ​ចង្កេះ និង​ត្រគាក​ធំ​អំឡុង​ពេល​វ័យ​កណ្តាល​ក៏​ត្រូវ​បាន​ផ្សារភ្ជាប់​ជាមួយ​នឹង​ជំងឺ​តម្រងនោម​រ៉ាំរ៉ៃ​នៅ​អាយុ​៦០​ឆ្នាំ ទៅ​៦៤​ឆ្នាំ​ផង​ដែរ​។ នេះ​ដោយយោង​តាម​ការស្រាវជ្រាវ​ដែល​ត្រូវ​បាន​ចេញផ្សាយ​នៅក្នុង​កាសែត Journal of the American Society of Nephrology​។​

អ្នកស្រាវជ្រាវ​បាន​គណនា​ថា ៣៦%​នៃ​ករណី​នៃ​ជំងឺ​តម្រងនោម​រ៉ាំរ៉ៃ​ចំពោះ​អ្នក​ដែល​មាន​អាយុ​ចន្លោះ​ពី​៦០​ឆ្នាំ ទៅ​៦៤​ឆ្នាំ​អាច​ត្រូវបាន​ការពារ​ប្រសិនបើ​មិន​មាន​នរណា​ម្នាក់​ក្លាយជា​លើស​ទម្ងន់​រហូត​ដល់​អាយុ​ប៉ុន​ហ្នឹង​នោះ​។​

វា​មិន​ច្បាស់​នៅឡើយ​ទេ​ថា​តើ​ការ​លើស​ទម្ងន់​នៅពេល​វ័យក្មេង ឬ​រយៈពេល​នៃ​អ្នក​ដែល​លើស​ទម្ងន់​គឺ​ស្ថិត​នៅ​ពីក្រោយ​ការកើនឡើង​ហានិភ័យ​នៃ​ជំងឺ​តម្រងនោម​រ៉ាំរ៉ៃ​នៅ​វ័យ​៦០​ឆ្នាំ ទៅ​៦៤​ឆ្នាំ​យ៉ាងណា​នោះ​។ អ្នកស្រាវជ្រាវ​បាន​និយាយថា ការពន្យល់​បង្ហាញថា ការការពារ​ការឡើង​ទម្ងន់​នៅពេល​វ័យក្មេង​អាច​បន្ថយ​ហានិភ័យ​នៃ​ការវិវត្ត​ទៅ​ជា​ជំងឺ​តម្រងនោម​រ៉ាំរ៉ៃ​បាន​។​

ពួកគេ​បាន​បន្ថែមថា ការការពារ​ការឡើង​ទម្ងន់​នៅពេល​វ័យក្មេង​លេចឡើង​ពី​ប្រសិទ្ធភាព​ជាង​ការព្យាបាល​ដទៃ​ទៀត​នៃ​ជំងឺ​តម្រងនោម​រ៉ាំរ៉ៃ​៕​