កំពុងស្វែងរកអាហារសម្រន់មានរសជាតិឆ្ងាញ់ ហើយល្អសម្រាប់សុខភាពមែនទេ? មិនពិបាកចំណាយច្រើន ឬទៅណាឆ្ងាយឡើយ ក៏ព្រោះ គ្រាប់ល្ពៅ គឺជាអ្វីដែលអ្នកកំពុងរកនោះហើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ភាគច្រើននៃពួកយើងសុទ្ធតែស្គាល់ និងធ្លាប់ទទួលទានគ្រាប់ល្ពៅជាក់ជាមិនខាន ប៉ុន្តែប្រហែលជាមិនបានចាប់អារម្មណ៍ដឹងអំពីសារធាតុចិញ្ចឹមសំខាន់ៗដែលវាមានផ្ទុក ហើយផ្ដល់ផលល្អយ៉ាងណាខ្លះចំពោះសុខភាពឡើយ។ ដូច្នេះថ្ងៃនេះវេបសាយសុខភាព Health.com.kh នឹងបង្ហាញអោយដឹងពីអត្ថប្រយោជន៍ដ៏ប្រសើរនៃការទទួលទានគ្រាប់ល្ពៅ ៖
១. បង្កើនថាមពលនិងជួយឱ្យគេងបានស្កប់
មានផ្ទុកសម្បូរទៅដោយប្រូតេអ៊ីនគុណភាពខ្ពស់ អាស៊ីតខ្លាញ់អូមេហ្កា ៣ ព្រមទាំងវីតាមីន B1 វីតាមីន B2 វីតាមីន B5 និងវីតាមីន b6។ ជាតិរ៉ែដែលមានក្នុងគ្រាប់ល្ពៅរួមមានទង់ដែង ជាតិដែក ម៉ង់កាណែស ផូស្វ័រ និងម៉ាញ៉េស្យូមជាដើម។ ការរួមបញ្ចូលគ្នារវាងវីតាមីន និងជាតិរ៉ែទាំងនេះជួយពង្រឹងប្រព័ន្ធភាពស៊ាំរាងកាយ បង្កើនកម្រិតនៃថាមពល និងបំបាត់អាការៈអស់កម្លាំង។ គ្រាប់ល្ពៅក៏ជាប្រភពនៃសារធាតុ tryptophan ដែលជួយបំបាត់អារម្មណ៍ល្ហិតល្ហៃ និងធ្វើឱ្យគេងលក់បានស្កប់។
២. សម្បូរទៅដោយសារធាតុប្រឆាំងអុកស៊ីតកម្ម
គ្រាប់ល្ពៅ មានផ្ទុកសម្បូរទៅដោយសារធាតុប្រឆាំងអុកស៊ីតកម្មផ្សេងៗដែលជួយទប់ស្តាត់មិនឲ្យមានការបំផ្លាញកោសិកាល្អពីរ៉ាឌីកាល់សេរី ដូច្នេះកោសិកាមហារីក ឬកោសិកាមិនប្រក្រតី មិនអាចរីកលូតលាស់បានឡើយ រួមទាំងសារធាតុប្រឆាំងអុកស៊ីតកម្ម phytonutrients ដែលបង្កើនសុខភាពប្រព័ន្ធរំលាយអាហារ និងសម្រួលលំហូរឈាម។ វាក៏ជាប្រភពនៃវីតាមីន E និងអាស៊ីត phenolic acids ដូចជា caffeic, hydroxybenzoic, coumaric, sinapic, ferulic, protocatechuic, vanillic និង syringic acid ដែលសុទ្ធសឹងតែជាសមាសធាតុល្អសម្រាប់សុខភាពរាងកាយទប់ស្កាត់បញ្ហាជំងឺផ្សេងៗ។
៣. ល្អសម្រាប់អ្នកជំងឺទឹកនោមផ្អែម
គ្រាប់ល្ពៅមានផ្ទុកសម្បូរទៅដោយអាស៊ីតខ្លាញ់អូមេហ្កា ៣ និងជាតិសសៃដែលល្អសម្រាប់អ្នកជំងឺទឹកនោមផ្អែម ឬអ្នកដែលកំពុងប្រឈមមុខខ្ពស់នឹងហានិភ័យនៃបញ្ហាសុខភាពនេះ។
៤. ជាប្រភពដ៏ប្រសើរនៃវីតាមីន B-complex
គ្រាប់ល្ពៅក៏ជាប្រភពដ៏ល្អបំផុតមួយនៃក្រុមវីតាមីន B រួមបញ្ចូលទាំង riboflavin, thiamin, niacin, vitamin B-6 (pyridoxine), pantothenic acid និង folates ដែលដើរតួនាទីចាំបាច់ជួយក្នុងដំណើរការនៃការដុតរំលាយអាហារក្នុងរាងកាយ។ ខណៈដែលសារធាតុ niacin មានប្រសិទ្ធិភាពកាត់បន្ថយកម្រិតនៃកូឡេស្តេរ៉ូលមិនល្អក្នុងឈាម។
៥. ពង្រឹងសុខភាពបេះដូង
គ្រាប់ល្ពៅ ក៏ជាប្រភពដ៏សម្បូរនៃជាតិម៉ាញ៉េស្យូមដែលចាំបាច់សម្រាប់មុខងារសរីរាង្គរួមបញ្ចូលទាំងការបង្កើតម៉ូលេគុលថាមពលនៃរាងកាយ ការសំយោគ DNA និង RNA និង DNA ពង្រឹងសុខភាព រួមទាំងការលូតលាស់ត្រឹមត្រូវនៃឆ្អឹង និងធ្មេញ សម្រួលសសៃឈាម ធ្វើឲ្យមុខងារពោះវៀនកាន់តែប្រសើរឡើង ជាពិសេស គឺពង្រឹងសុខភាពបេះដូង ហើយថែមទាំងកម្រិតភាពត្រឹមត្រូវនៃអត្រាចង្វាក់បេះដូងផងដែរ។
៦. ល្អសម្រាប់ខួរក្បាលបង្កើនការចងចាំ
ជាប្រភពដ៏ប្រសើរមួយទៀតនៃអាស៊ីតខ្លាញ់អូមេហ្កា ៣ ដែលចាំបាច់សម្រាប់សុខភាពខួរក្បាលនិងថាមពលរាងកាយ។ គ្រាប់ល្ពៅក៏មានផ្ទុកជាតិស័ង្កសីដែលជួយបង្កើនការចងចាំឱ្យកាន់តែមានលក្ខណៈប្រសើរឡើងទៀតផង៕