ហាណូយ: រដ្ឋាភិបាលវៀតណាមបាននិយាយកាលពីថ្ងៃច័ន្ទថា ប្រទេសនេះបានសម្លាប់សត្វបក្សីចំនួន ១០០.០០០ ក្បាលបន្ថែមទៀតរហូតមកដល់ពេលនេះ ក្នុងគោលបំណងទប់ស្កាត់ការរីករាលដាលនៃជំងឺផ្តាសាយបក្សី នៅក្នុងប្រទេសអាស៊ីអាគ្នេយ៍មួយនេះ។
រដ្ឋាភិបាលវៀតណាម បាននិយាយនៅក្នុងសេចក្តីថ្លែងការណ៍មួយនៅលើគេហទំព័ររបស់ខ្លួនថា ប្រទេសនេះបានរាយការណ៍ពីការផ្ទុះនៃវីរុសផ្តាសាយបក្សី H5N1 និង H5N6 នៅក្នុងខេត្តចំនួន ១៤ ។
សេចក្តីថ្លែងការណ៍បាននិយាយថា “ហានិភ័យសម្រាប់ការផ្ទុះរាលដាលក្នុងទ្រង់ទ្រាយធំ គឺខ្ពស់ណាស់” ។
ប្រទេសវៀតណាមមានហ្វូងបក្សីប្រហែល ៤៦០លានបក្សី ហើយការផ្ទុះជំងឺផ្តាសាយបក្សីខ្នាតតូច បានកើតឡើងជាញឹកញាប់ នៅក្នុងប្រទេសក្នុងអំឡុងពេលប៉ុន្មានឆ្នាំកន្លងមកនេះ៕