កុំរំលង! អាហារអ្វីខ្លះអាចរារាំងការស្រូបយកជាតិខ្លាញ់?

ដើម្បីអាចស្រកទម្ងន់អ្នកមិនចាំបាច់តែប្រឹងលេបថ្នាំដែលផ្សំឡើងដើម្បីរារាំងការស្រូបយកជាតិខ្លាញ់ឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) នេះក៏ព្រោះតែអាហារមួយចំនួនអាចមានប្រសិទ្ធភាពកម្ចាត់ជាតិខ្លាញ់បានយ៉ាងប្រសើរ។ ថាតើអាហារទាំងនោះមានអ្វីខ្លះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលមានប្រសិទ្ធភាពរារាំងដល់ការស្រូបយកជាតិខ្លាញ់ ៖

១. ផ្លែប៉ោម

មូលហេតុចម្បង ២ដែលធ្វើឱ្យផ្លែប៉ោមមានសមត្ថភាពក្នុងការកម្ចាត់ជាតិខ្លាញ់នោះ គឺទី១ ផ្លែឈើនេះមានផ្ទុកសារធាតុ pectin និងទី២ ផ្លែឈើនេះជាប្រភពដ៏ប្រសើរនៃជាតិសសៃ។ ដូច្នេះការទទួលទានផ្លែប៉ោមឱ្យបានមួយផ្លែក្នុងមួយថ្ងៃមិនត្រឹមតែជួយឱ្យអ្នកចៀសឆ្ងាយពីគ្រូពេទ្យប៉ុណ្ណោះទេ ប៉ុន្តែក៏ជួយសម្រកទម្ងន់ដែលលើសផងដែរ។

២. សណ្ដែកពពួក Legumes

នេះក៏ព្រោះតែសណ្ដែកប្រភេទនេះមានផ្ទុកសម្បូរទៅដោយជាតិសសៃដែលជួយកម្ចាត់ជាតិខ្លាញ់និងកូឡេស្តេរ៉ូលមិនល្អ។ ទោះជាយ៉ាងណាមុននឹងចម្អិន អ្នកគួរត្រាំសណ្ដែកក្នុងទឹកសម្រាប់រយៈពេល ៨ម៉ោងសិន។

៣. គ្រាប់ពូជនិងគ្រាប់ធញ្ញជាតិ

អាហារសម្រន់ដូចជាគ្រាប់ពូជនិងគ្រាប់ធញ្ញជាតិ គឺល្អណាស់សម្រាប់អ្នកដែលចង់សម្រកទម្ងន់។ អាហារសម្រន់ប្រភេទនេះមានផ្ទុកសម្បូរទៅដោយជាតិសសៃ និងមានសមត្ថភាពរក្សាជាតិខ្លាញ់មិនឱ្យពោះវៀនស្រូបយកបាន។

៤. សារាយសមុទ្រ

អ្នកក៏គួររួមបញ្ចូលសារាយសមុទ្រក្នុងរបបអាហារប្រចាំថ្ងៃផងដែរ។ សារាយសមុទ្រមានផ្ទុកជាតិសសៃម្យ៉ាងហៅថា alginate ដែលអង់ស៊ីមដែលទទួលខុសត្រូវក្នុងការបំបែកមូ៉លេគុលខ្លាញ់អសកម្ម។ ជាលទ្ធផលរាងកាយមិនអាចស្រូបយកម៉ូលេគុលខ្លាញ់ដែលមិនទាន់បំបែកបានឡើយ។

សម្គាល់! ពិតណាស់ប្រសិនបើចង់បានរូបរាងស្រស់ស្អាតនិងស្រកទម្ងន់បានដូចប្រាថ្នា អ្នកចាំបាច់ត្រូវប្រកាន់ខ្ជាប់នូវរបបអាហារសុខភាពល្អនិងធ្វើលំហាត់ប្រាណឱ្យបានទៀងទាត់ផងដែរ៕