ការស្រាវជ្រាវថ្មីមួយបញ្ជាក់ថា វីរុសផ្តាសាយបក្សីប្រភេទ H7N9 បានឆ្លងពីបក្សីទៅមនុស្ស។ ប៉ុន្តែការស្រាវជ្រាវមិនបានបង្ហាញពីការឆ្លងពីមនុស្សទៅមនុស្សនោះទេ។នៅក្នុងការស្រាវជ្រាវ, អ្នកវិទ្យាសាស្ត្រជនជាតិចិនបានផ្តល់ព័ត៌មានលំអិតអំពីករណី៤នៃការឆ្លងមេរោគ H7N0 នៅក្នុងខេត្តមួយក្នុងប្រទេសចិន។ អ្នកជំងឺ៤នាក់នោះបានប៉ះពាល់នឹងបក្សីតាមរយៈការធ្វើការងារកសិកម្មរបស់គាត់ ឬដោយការមើលបក្សីនៅតាមទីផ្សារជាដើម។
អ្នកស្រាវជ្រាវបានធ្វើតេស្តដែលបានយកពីមាន់២០ក្បាល, កូនបក្សី៤ក្បាល, ព្រាប៥ក្បាល និងទា៥៧ក្បាលនៅផ្សារដែលអ្នកជំងឺបានទៅ។ ២ក្បាលក្នុងចំនោមព្រាប៥ក្បាល និង៤ក្បាលក្នុងចំនោមមាន់២០ក្បាលត្រូវបានគេធ្វើថាមានមេរោគ H7N9 ប៉ុន្តែមេរោគនោះមិនត្រូវបានរកឃើញនៅក្នុងសត្វទា ឬកូនបក្សីនោះទេ។
អ្នកស្រាវជ្រាវបានវិភាគពីសេនេទិចនៃវីរុស H7N9 ពីម្នាក់នៃអ្នកជំងឺ និងមាន់ និងបានរកឃើញពីភាពស្រដៀងគ្នារវាងវីរុសនោះ ហើយបានបញ្ជាក់ថា វីរុស H7N9 អាចត្រូវបានចម្លងពីបក្សីទៅមនុស្ស, នេះដោយយោងតាមការស្រាវជ្រាវដែលត្រូវបានចេញផ្សាយនៅក្នុង The Lancet។
អ្នកវិទ្យាសាស្ត្រក៏បានមើលទៅលើសមាជិកគ្រួសារ ៣៨៥នាក់, អ្នកធ្វើការជាមួយគ្នា និងបុគ្គលិកថែទាំសុខភាពដែលមិនបានការពារ។ មិនមាននរណាម្នាក់នៃពួកគេបង្ហាញពីរោគសញ្ញានៃការឆ្លងមេរោគ H7N9 ក្នុងរយៈពេល១៤ថ្ងៃនៃការតាមដាន ដែលនេះបង្ហាញថា វីរុសមិនអាចត្រូវបានរាលដាលពីមនុស្សម្នាក់ទៅមនុស្សម្នាក់នោះទេ។
អ្នកស្រាវជ្រាវបានសម្គាល់ថា ទោះជាយ៉ាងណាក៏ដោយ, មានភស្តុតាងបង្ហាញថា វីរុស H7N9 បានវិវត្តនៅលក្ខណៈសេនេទិចមួយចំនួនដែលសម្របខ្លួនវាទៅនឹងការឆ្លងនៅក្នុងថនិកសត្វ។ ការផ្លាស់ប្តូរសេនេទិចនៅថ្ងៃក្រោយអាចអោយវីរុសចម្លងពីមនុស្សទៅមនុស្សបាន។
វ៉ុក យ៉ុង យឺន (Kwok-Yung Yuen) ដែលមកពីសាកលវិទ្យាល័យហុងកុងបាននិយាយថា សរុបមក, ភស្តុតាងបានបង្ហាញថា វាគឺច្បាស់ណាស់ចំពោះការចម្លងពីបក្សីទៅមនុស្ស ហើយនឹងការគ្រប់គ្រងនឹងអាស្រ័យទៅលើការគ្រប់គ្រងពីបញ្ហាឆ្លងចំពោះសត្វបក្សី។
អង្គការសុខភាពពិភពលោកបាននិយាយថា ពួកគេបារម្ភអំពីសមត្ថភាពនៃមេរោគ H7N9 ក្នុងការរាលដាលពីបក្សីទៅមនុស្ស ហើយការឆ្លងនោះមិនបង្ហាញអោយមានរោគសញ្ញាជាក់ស្តែង។
វេជ្ជបណ្ឌិត គីជី ហ្វូគូដា (Keiji Fukuda) ដែលមកពីអង្គការសុខភាពពិភពលោកបាននិយាយថា នេះគឺជាមេរោគផ្តាសាយមួយដែលយើងបានឃើញជាយូរមកហើយ។ គាត់បានបន្ថែមថា ទោះជាយ៉ាងក៏ដោយ, ចំនួនដ៏ច្រើននៃករណីកើតមាននេះអាចមិនទាន់រកឃើញ។
មនុស្សជាង១០០នាក់នៅក្នុងប្រទេសចិនត្រូវបានឆ្លងមេរោគវីរុស H7N9 នេះជាមួយនឹងការឈឺធ្ងន់ ហើយមនុស្សជាង២០នាក់បានស្លាប់៕