អ្នកស្រាវជ្រាវបានធ្វើសេចក្តីរាយការណ៍ថា ការហឺតផ្សែងបារីបានលេចឡើងអោយមានការថយចុះកម្រិតនៃកូឡេស្តេរ៉ុលល្អចំពោះក្មេងស្រីជំទង់ដែលជាសារធាតុមួយដែលបន្ថយហានិភ័យនៃជំងឺបេះដូង។
ការស្រាវជ្រាវថ្មីបានមើលទៅលើមនុស្សវ័យជំទង់ទាំងក្មេងប្រុស និងក្មេងស្រីជាង១.០០០នាក់ដែលមានអាយុ១៧ឆ្នាំដែលបានធ្វើតេស្តឈាមដើម្បីពិនិត្យមើលកម្រិតកូឡេស្តេរ៉ុលល្អរបស់ពួកគេ។ ខណៈពេលដែលកូឡេស្តេរ៉ុលអាក្រក់បង្កើតបន្ទះខ្លាញ់ដែលអាចធ្វើអោយសរសៃឈាមតូចនោះ, កូឡេស្តេរ៉ុលល្អដើរតួក្នុងការសម្អាតកូឡេស្តេរ៉ុលដែលច្រើននៅក្នុងចរន្តឈាម។
អ្នកស្រាវជ្រាវក៏បានពិនិត្យមើលព័ត៌មានអំពីការជក់បារីនៅក្នុងផ្ទះរបស់ក្មេងទាំងនោះដែលចាប់ផ្តើមមុននឹងពួកគេកើត, នៅពេលដែលម្តាយរបស់ពួកគេមានទម្ងន់១៨សប្តាហ៍។ ៤៨%នៃអ្នកចូលរួមក្នុងការស្រាវជ្រាវត្រូវបានប៉ះពាល់ទៅនឹងផ្សែងបារីនៅនឹងផ្ទះ, នេះដោយយោងតាមការស្រាវជ្រាវដែលត្រូវបានចេញផ្សាយនៅក្នុងកាសែត Journal of Clinical Endocrinology & Metabolism។
ជី លីហា (Chi Le-Ha) ដែលមកពីសាកលវិទ្យាល័យអូស្ត្រាលីខាងលិចបាននិយាយថា នៅក្នុងការស្រាវជ្រាវរបស់យើង, យើងបានរកឃើញថា ក្មេងស្រីអាយុ១៧ឆ្នាំបានកើនឡើងនៅក្នុងផ្ទះដែលជាកន្លែងដែលមានផ្សែងបារីច្រើនដែលកើតមានឡើង ដែលនេះហាក់ដូចជាធ្វើអោយថយចុះកម្រិតកូឡេស្តេរ៉ុលល្អ។
ការហឺតផ្សែងបារីមិនមានការប៉ះពាល់ដូចគ្នាទៅលើក្មេងប្រុសជំទង់ដែលមានអាយុដូចគ្នានោះទេ ដែលនេះបង្ហាញថា ការហឺតផ្សែងបារីអាចធ្វើអោយប៉ះពាល់ខ្លាំងទៅលើក្មេងស្រី។ លីហាបានបន្ថែមថា ការពិចារណាទៅលើជំងឺសរសៃឈាមបេះដូងគឺជាមូលហេតុដែលនាំអោយស្លាប់ចំពោះស្ត្រីដែលនេះគឺជាការព្រួយបារម្ភដ៏ធ្ងន់ធ្ងរ។
ការស្រាវជ្រាវបង្ហាញថា ការប៉ះពាល់នឹងការហឺតផ្សែងបារីនៅកុមារភាពអាចជាកត្តាហានិភ័យមួយចំពោះស្ត្រីច្រើនជាងបុរស។
លីហាបាននិយាយថា យើងត្រូវការការគាំទ្រយ៉ាងខ្លាំងដើម្បីបន្ថយការប៉ះពាល់នឹងផ្សែងបារីចំពោះកុមារដែលនៅនឹងផ្ទះជាពិសេសក្មេងស្រី៕