Join with Health.com.kh on Telegram

ការស្រាវជ្រាវ​ថ្មី​មួយ​បាន​និយាយថា ទោះបីជា​មាន​ការព្រួយបារម្ភ​ក៏ដោយ​, មនុស្ស​វ័យ​ចំណាស់​ដែល​បាន​ទទួល​ការ​ដាក់​ថ្នាំ​សន្លប់ គឺ​មិន​មាន​ហានិភ័យ​ខ្ពស់​ក្នុង​ការវិវត្ត​ទៅជា​ជំងឺ​វង្វេង ឬ​ជំងឺ​អាល់​ហ្សៃ​មឺរ (Alzheimer’s disease) នោះទេ​។​

​ការស្រាវជ្រាវ​ដែល​ត្រូវបាន​ធ្វើឡើង​ដោយ​ក្រុម​អ្នកស្រាវជ្រាវ​ដែល​មកពី Mayo Clinic បាន​មើល​ទៅលើ​អ្នកជំងឺ ៩០០​នាក់​ដែល​មាន​អាយុ​៤៥​ឆ្នាំ​ដែល​មាន​ជំងឺ​វង្វេង​, ជា​ជំងឺ​ដែល​ប៉ះពាល់​ដល់​មុខងារ​នៃ​ខួរក្បាល​ដូចជា ការចងចាំ​, ការនិយាយស្តី​, បញ្ហា​ក្នុង​ការដោះស្រាយ និង​ការ​បម្រុង​ប្រយ័ត្ន​។
​អ្នកជំងឺ​ទាំងនេះ​ត្រូវបាន​គេ​ប្រៀបធៀប​ទៅនឹង​មនុស្ស​ដទៃ​ទៀត​ដែល​មាន​អាយុ​ប្រហាក់ប្រហែល​គ្នា​ដែល​មិន​បាន​វិវត្ត​ទៅ​ជា​ជំងឺ​វង្វេង​អំឡុងពេល​នោះ​។​
​អ្នកស្រាវជ្រាវ​បាន​រកឃើញថា ប្រហែលជា​៧០%​នៃ​អ្នកចូលរួម​ក្នុង​ក្រុម​ទាំងពីរ​បាន​ធ្វើ​ការវះកាត់​ដែល​តម្រូវអោយ​ធ្វើ​ការដាក់​ថ្នាំ​សន្លប់​។ ក្នុងចំនោម​អ្នកជំងឺ​ដែល​ត្រូវបាន​គេ​ធ្វើ​រោគវិនិច្ឆ័យ​ថា​មាន​ជំងឺ​វង្វេង​នោះ​, វា​មិន​មាន​សញ្ញា​ដែល​បញ្ជាក់ថា រោគសញ្ញា​របស់​ពួកគេ​កាន់តែ​អាក្រក់​ទៅៗ​ដោយសារ​តែ​ការទទួល​ការ​ដាក់​ថ្នាំ​សន្លប់​នោះ​ទេ​។ ក្នុង​ចំនោម​អ្នក​ដែល​មិន​មាន​ជំងឺ​វង្វេង​, វា​មិន​មាន​ការបង្ហាញ​ណា​ដែល​ថា ពួកគេ​បាន​វិវត្ត​ទៅ​ជា​ជំងឺ​ក្រោយ​ទទួល​ការ​ដាក់​ថ្នាំ​សន្លប់​នោះ​ទេ​។​

​អ្នកស្រាវជ្រាវ​សរុប​ថា ការ​ដាក់​ថ្នាំ​សន្លប់​មិន​បង្កើន​ហានិភ័យ​នៃ​ជំងឺ​វង្វេង​ចំពោះ​មនុស្ស​វ័យ​ចំណាស់​នោះទេ​។​វេជ្ជបណ្ឌិត ដេវីដ វ៉ា​ណឺរ (David Warner) ជា​គ្រូពេទ្យ​ឯកទេស​ខាង​ដាក់​ថ្នាំ​សន្លប់​លើ​កុមារ​បាន​និយាយថា វា​បន្ថែម​ការ​យល់​ដឹង​ថា វា​មិន​មាន​ការផ្សារភ្ជាប់​គ្នា​នៃ​ការ​ដាក់​ថ្នាំ​សន្លប់ និង​ការវះកាត់​នៃ​ជំងឺ​អាល់​ហ្សៃ​មឺរ​នោះទេ​។ វា​មាន​រឿង​ជាច្រើន​ត្រូវបាន​បារម្ភ​អំពី​ថា​នៅពេល​ណា​ដែល​មនុស្ស​វ័យ​ចំណាស់​មាន​ការវះកាត់ ប៉ុន្តែ​វា​ហាក់ដូចជា ការវិវត្ត​ទៅជា​ជំងឺ​អាល់​ហ្សៃ​មឺ​រគឺ​មិន​មែន​នោះ​ទេ​។​​ការស្រាវជ្រាវ​ត្រូវ​បាន​ចេញផ្សាយ​នៅក្នុង​កាសែត Mayo Clinic Proceedings៕