Join with Health.com.kh on Telegram

​ការស្រាវជ្រាវ​បង្ហាញថា ស្ត្រី​បរិភោគ​ផ្កា​ស្ពៃខៀវ​, ផ្កា​ខាត់​ណាស និង​ស្ពៃ Brussel (ពពួកស្ពៃក្តោបតូចៗ) ច្រើន​អាចជួយ​បន្ថយ​ហានិភ័យ​ស្ត្រូ​ក ។ ហើយ អ្នក​បរិភោគ​បន្លែ​នេះ​ជាប្រចាំ​មាន​សរសៃឈាម​រឹងមាំ​ជាង​ច្រើន ។​

​ពួក​អ្នកស្រាវជ្រាវ​អូស្ត្រាលី បាន​ពិនិត្យមើល​កម្រិត​ក្រាស់​របស់​សរសៃឈាម Carotid ដែលជា​សរសៃឈាម​សំខាន់​មួយ​ក្នុង​ក ដោយ​វា​ដើរតួនាទី​ចំបង​ក្នុង​ការនាំ​ឈាម​សម្បូរ​អុកស៊ីហ្សែន​ឡើងទៅ​ខួរក្បាល​។ ប្រសិន​សរសៃឈាម​នេះ​ក្រាស់​ដល់​កម្រិត​កំណត់​មួយ អាច​រារាំង​បរិមាណ​ចរាចរ​ឈាម​ទៅដល់​ខួរក្បាល និង​កើន​ហានិភ័យ​ស្ត្រូ​ក ។​

​ដើម្បី​ត្រួតពិនិត្យ​ការបរិភោគ​បន្លែ មាន​ឥទ្ធិពល​យ៉ាងដូចម្តេច​ទៅដល់​សរសៃ​ឈាម ពួក​អ្នកស្រាវជ្រាវ​បាន​អង្កេត​លើ​ស្ត្រី​ចំនួន ៩៥៤​នាក់ មាន​អាយុ​ពី ២០​ឆ្នាំ​ឡើង និង​រកឃើញថា សរសៃឈាម​មេ​របស់​ស្ត្រី​បរិភោគ​បន្លែ​ច្រើន ស្តើង​ជាង​អ្នក​មិន​បរិភោគ 0,05 mm ។ ទោះបី​នេះ​គ្រាន់តែ​ជាការ​ខុសប្លែក​មួយ​តូច​ពិតមែន តែ​ការថយចុះ​កម្រាស់​តែ 0,1 mm ក៏​អាចធ្វើ​ឲ្យ​ថយចុះ​ហានិភ័យ​ស្ត្រូ​ក​ដល់ 1/5 ដង​។​

​ប្រសិនបើ​សរសៃឈាម Carotid ក្រាស់ នោះ​សរសៃឈាម​ផ្សេងៗ​នៅលើ​សរីរាង្គ​ក៏​ក្រាស់​ដែរ និង​អាច​បង្ក​ជា​ស្ថានភាព​មួយ​ហៅថា ក្រឹ​ន​រឹង​សរសៃឈាម​។ ប្រការនេះ​ធ្វើ​ឲ្យ​កើន​យ៉ាងច្រើន​ហានិភ័យ​ឈឺបេះដូង និង​ស្ត្រូ​ក ។​

​ទោះបី​ការស្រាវជ្រាវ​ត្រូវបាន​អនុវត្ត​នៅ​ស្ត្រី ប៉ុន្តែ​គុណប្រយោជន៍​ដូចគ្នានេះ ក៏​អាច​ឃើញ​នៅ​បុរស​ដែរ ៕