​តាម​ការពន្យល់ របស់​លោកស្រី​វេជ្ជបណ្ឌិត ឱ វណ្ណឌី​ន រដ្ឋលេខាធិការ និង​ជា​អ្នក​នាំពា​ក្ស​ក្រសួងសុខាភិបាល​កម្ពុជា បានឱ្យដឹងថា ការចាក់​វ៉ាក់សាំង គឺ​ត្រូវ​ឈរលើ​គោលការណ៍​ស្ម័គ្រចិត្ត ហើយ​ការចុះឈ្មោះ​ចាក់​វ៉ាក់សាំង​នេះ គឺ​ប្រើប្រាស់​តាម​ប្រព័ន្ធ​អន​ឡាញ​។

​លោកស្រី បាន​បញ្ជាក់ថា នៅពេល​ឆាប់ៗ​ខាង​នេះ រដ្ឋមន្ត្រី​ក្រសួងសុខាភិបាល នឹង​ប្រកាស​ឱ្យប្រើ​ប្រាស់​ជា​ផ្លូវការ​នូវ​ប្រព័ន្ធ​ចុះឈ្មោះ​អន​ឡាញ ដែល​យើង​ហៅថា E-Registration ដើម្បីឱ្យ​អ្នក​ដែលមាន​បំណង​ចង់​ចាក់ អាច​ចូលទៅ​ចុះឈ្មោះ​បាន​។​

​ប្រសិនបើ​ប្រជ​ពលរដ្ឋ ដែល​មិនមាន​សមត្ថភាព​យល់ដឹង​នូវ​ការប្រើប្រាស់​ប្រព័ន្ធ​អន​ឡាញ​នេះ​ទេ គឺអាច​ពឹងពាក់​កូនចៅ​ដែល​ចេះ ឫ ទៅ​មណ្ឌល​សុខភាព​នៅតាម​មូលដ្ឋាន​សុខាភិបាល​ឱ្យជួយ ជាពិសេស​ក៏មាន​គណៈកម្មការ​គ្រប់គ្រង​មណ្ឌល​សុខភាព ដែលមាន​មេភូមិ មេឃុំ នៅក្នុង​នោះ​ស្រាប់ ចាំ​ជួយ​ដល់​បងប្អូន​ប្រជាព​រដ្ឋ ដើម្បី​ធ្វើយ៉ាងណា​ឱ្យបាន​ចុះឈ្មោះ​ត្រឹមត្រូវ​នៅក្នុង​ប្រព័ន្ធ​ចុះបញ្ជី​ការ​នេះ​៕​