​តាម​ការពន្យល់​អំពី​ការចាក់​វ៉ាក់សាំង Sinopharm Beijing Institute of Biological Products ដោយ​លោកស្រី​វេជ្ជបណ្ឌិត ឱ វណ្ណឌី​ន រដ្ឋលេខាធិការ និង​ជា​អ្នក​នាំពា​ក្ស​ក្រសួងសុខាភិបាល​កម្ពុជា បានបង្ហាញ​ឱ្យដឹង​អំពី​បុគ្គល​ទាំងឡាយ​ដែលជា​មុខសញ្ញា ត្រូវបាន​ហាម មិនឱ្យ​ចាក់​វ៉ាក់សាំង​នេះ មាន​ដូចខាងក្រោម​៖

១. ប្រតិកម្ម​ជាមួយ​សា​ធាតុ​ក្នុង​វ៉ាក់សាំង មានន័យថា​បុគ្គល​នោះ ឧស្សាហ៍​អា​ឡែ​ហ្ស៊ី ធ្លាប់មាន​ប្រវត្តិ​ប្រតិកម្ម​ជាមួយនឹង​វ៉ាក់សាំង​ផ្សេងៗ​។ បុគ្គល​នេះ ត្រូវ​ជម្រាប​ដល់​គ្រូពេទ្យ​ភ្លាម ដើម្បី​កុំឱ្យ​មាន​បញ្ហា​។​

២. អ្នកមាន​បញ្ហា​ផ្លូវដង្ហើម ឫ អ្នកមាន​ការ​ហើម ឫ​រលាក​ស​សៃ​ឈាម អ្នក​កំពុង​ចេញ​ប្រទាល​តា​អាក​។​

៣. អ្នក​កំពុង​ទទួល​ការឈឺ​ចាប់ពី​ជំងឺ​ទាន់ហន់​ណាមួយ ជាពិសេស​គឺ​ជំងឺ​រ៉ាំរ៉ៃ​ធ្ងន់ធ្ងរ និង​កំពុង​ក្តៅខ្លួន​ដែល​បណ្តាលមកពី​ជំងឺ​រ៉ាំរ៉ៃ​ទាំងនោះ​។​

៤. ស្ត្រី​មាន​ផ្ទៃពោះ ស្ត្រី​បំបៅ​ដោះ​កូន និង​ស្ត្រី​ដែលមាន​ផែនការ​ពរ​ពោះ​ក្នុង​រយៈពេល​បី​ខែ​។​

៥. អ្នកមាន​ជំងឺឆ្កួតជ្រូក ស្ក​ន់ អ្នកមាន​អាកា​រៈ​ប្រកាច់​ឫ​កន្ត្រាក់​ដៃជើង អ្នកមាន​ជំងឺ​ស​សៃ​ប្រសាទ រលាក​ស្រោមខួរ ឫ​មាន​ជំងឺ​តំណពូជ អ្នកមាន​បញ្ហា​ប្រព័ន្ធ​ស​សៃ​ប្រសាទ​។

៦. អ្នក​ដែល​ពិនិត្យឃើញ​កង្វះ​ភាពស៊ាំ​ពី​កំណើត ខ្សោយ​, អ្នកជំងឺ HIV, មហារីក​កូនកណ្តុរ​, ជំងឺ​ឈាមស​។​

៧. អ្នក​ដែល​សង្ស័យថា មាន​ជំងឺ​ប្រព័ន្ធ​ដង្ហើម​ធ្ងន់ធ្ងរ​, ជំងឺ​បេះដូង​ស​សៃ​ឈាម​ធ្ងន់ធ្ងរ​, ជំងឺថ្លើម​ធ្ងន់ធ្ងរ​, តម្រងនោម និង​ជំងឺ​ដុះ​ដុំ​សាច់​មហារីក​ធ្ងន់ធ្ងរ​។​

៨. អ្នក​ដែល​ប្រើប្រាស់​សម្រួល​ភាពស៊ាំ​ប្រឆាំងនឹង​មហារីក​ដុំ​សាច់ អ្នក​កំពុង​ព្យាបាល​មហារីក​។​

៩. អ្នកមាន​ប្រវត្តិ​ឆ្លង​ជំងឺ​កូ​វីដ​-១៩​។​

១០. អ្នក​ត្រូវបាន​គ្រូពេទ្យ ឫ​បុគ្គលិក​វ៉ាក់សាំង​បញ្ជាក់ថា​មិនគួរ​ទទួល​នូវ​វ៉ាក់សាំង​ទេ​៕​