វាគ្មានបង្អែមអ្វីដែលល្អជាងការ៉េមនោះទេ ជាពិសេសសម្រាប់អាកាសធាតុនាពេលរដូវក្តៅនេះ ។ តើមាន នរណា ដែលថាមិនចូលចិត្តញាំវានោះ? ប្រាកដណាស់ គឺមនុស្សរាល់គ្នារមែងចូលចិត្តវាណាស់។ តែ តើអ្នកដឹងទេថា ការ៉េមពិតជាមានគុណសម្បត្តិល្អអ្វីខ្លះ ចំពោះសុខភាព?
១. ជាប្រភពនៃវីតាមីន
ការ៉េម គឺជាប្រភពដ៏សម្បូរនៃពពួកវីតាមីន។ វាមានផ្ទុកនូវ វីតាមីនសំខាន់ៗជាច្រើន រួមមានដូចជា៖ វីតាមីន A,B-6,B-12,C,D និង E ។ វាក៏មានផ្ទុកផងដែរនូវសារធាតុ thiamine, riboflavin និង niacin ។ ក្រៅពីនេះទៀត ការ៉េម ក៏មានស្តុក ផងដែរនូវវីតាមីន K ដែលជួយការពារនូវកំណកឈាម។
២. ផ្តល់អោយអ្នកនូវថាមពល
ការ៉េមគឺជា ប្រភពដ៏អស្ចារ្យបំផុត នៃពពួកថាមពល។ វាមានតម្លៃនៃសារធាតុចិញ្ចឹម ក្នុងកម្រិតដ៏ខ្ពស់។ ការ៉េម ក៏មានផ្ទុកផងដែរនូវ កាបូអ៊ីដ្រាត,ខ្លាញ់ និង ប្រូតេអ៊ីន ដែលពួកវាសុទ្ធតែមានសារៈសំខាន់ ក្នុងការបង្កើតថាមពលដល់រាងកាយរបស់អ្នក។ លើសពីនេះទៀត វាក៏អាចជួយអ្នក ដែលចង់កើនទម្ងន់បានផងដែរ។ ប្រសិនបើ កំពុងស្វែងរកកម្លាំងបន្ថែម នោះអ្នកគួរធ្វើការទទួលទានការ៉េម ហើយរួមជាមួយនឹង អត្ថប្រយោជន៍របស់ទឹកដោះគោ វាក៏ជួយផ្តល់អោយអ្នកផងដែរនូវ ជាតិស្ករដែលចាំបាច់ចំពោះរាងកាយ។
៣. ជាប្រភពនៃរ៉ែ
ការ៉េមគឺជាប្រភពដ៏សម្បូរនៃពពួករ៉ែផ្សេងៗ មានដូចជា៖ កាល់ស្យូម និង ផូស្វាត។ ក្រៅពីអាចជួយដល់ ការកសាងឆ្អឹងអោយរឹងមាំ និង ការពារសុខភាពឆ្អឹងបានពីជំងឺផ្សេងៗ ក្រុមអ្នកសិក្សាស្រាវជ្រាវ ក៏បានរកឃើញផងដែរថា វាអាចជួយកាត់បន្ថយនូវឱកាសនៃ ការកើតមាននូវជំងឺគ្រួសក្នុងតម្រងនោម។ ជាតិកាល់ស្យូម ក៏អាចជួយក្នុងការ ទប់ស្កាត់នូវបញ្ហានៃការប្រែប្រួលអារម្មណ៍ និង រោគសញ្ញាមុនធ្លាក់ឈាមរដូវបានយ៉ាងល្អ។
៤. ជួយភ្ញោចដល់ខួរក្បាល អោយមានដំណើរការល្អ
ការ៉េមគឺអាច ជួយភ្ញោចដល់ thrombotonin ដែលជាអ័រម៉ូន បង្កើតនូវភាពរីករាយ និង ជួយកាត់បន្ថយ នូវ កម្រិតនៃស្ត្រេស នៅក្នុងរាងកាយ។ ការ៉េម គឺត្រូវបានបង្កើតឡើងដោយទឹកដោះគោ ដែលមានផ្ទុកនូវ L-triptophane ដែលជាសារធាតុសណ្តំបែបធម្មជាតិម្យ៉ាង និង ជួយធ្វើអោយប្រព័ន្ធប្រសាទស្ងប់សុខល្អ។ វាក៏ជួយផងដែរ ក្នុងការបង្ការនូវរោគសញ្ញានៃជំងឺគេងមិនលក់ ៕