អ្នក​ទទួលទាន​ទឹកក្រូច​មួយ​កំប៉ុង​មួយ​ថ្ងៃ​ឬ?តើ​វា​អ​ក្រក់​ឬ​ល្អ​ចំពោះ​សុខភាព​របស់​អ្នក?​ការ​ទទួលទាន​ទឹក​មួយ​កំប៉ុង នឹង​ទទួល​បាន​១៥០ កាឡូរី​, ហើយ​វា​ត្រូវ​បាន​កម្ទេច​អស់​ទៅ​វិញ​បន្ទាប់​ពី​អ្នក​ដើរ​រយ​:​ពេល​កន្លះ​ម៉ោង​។ ប៉​ន្តែ​ចូរ​អ្នក​ពិនិត្យ​មើល​ការ​សិស​ក្សា​ស្រាវជ្រាវ​ដ៏​គួរ​អោយ​ចាប់អារម្មណ៍​មួយ​។

ការ​សិក្សា​ស្រាវជ្រាវ​មួយ​ដែល​ផ្សព្វផ្សាយ​កាលពី​ថ្ងៃ​ទី​២២​ខែ​កុ​ម្ភះ នៅ​ក្នុង​ទស្សនាវដ្តី​ថែទាំ​ជំងឺ​ទឹកនោមផ្អែម​បាន​រក​ឃើញ​ថា អ្ន​មាន​ទម្លាប់​ទទួលទាន​ភេសជ្ជៈ​ដែល​មាន​រសជាតិ​ផ្អែម ១​ទៅ​២​កំប៉ុង​ជា​រៀងរាល់ថ្ងៃ​ដូច​ជា ទឹកក្រូច​កំប៉ុង​, ភេសជ្ជៈ​ដែល​ផ្តល់​កម្លាំង ឬ​ភេសជ្ជៈ​ដែល​មាន​វីតាមីន អាច​វិវត្តន៍​ទៅ​ជា​ជំងឺ​ទឹកនោមផ្អែម​ប្រភេទ​ទី​២ ២៥%​ច្រើន​ជាង​អ្នក​ដែល​ទទួលទាន​ភេសជ្ជៈ​ដែល​មាន​ជាតិ​ផ្អែម​មិន​លើស​ពី​១​កំប៉ុង​រៀង​រាល់​១​ខែ​ម្តង​។ បាន​ន័យ​ថា​អ្នកមាន​ហានិភ័យ​ជាងគេ​ដល់​ទៅ​២៥​ភាគរយ​។​

ដោយហេតុ​ថា​អត្រា​សរុប​នៃ​អ្នក​កើត​ទឹកនោមផ្អែម​គឺ​មាន​ម្នាក់​នៅ​ក្នុង​ចំណោម​១០​នាក់​នោះ ការ​កើនឡើង ហានិភ័យ​ចំនួន​២៥%​នេះ វា​នឹង​ធ្វើ​អោយ​អ្នក​កើត​ទឹកនោមផ្អែម​មាន​ចំនួន​ម្នាក់​ក្នុង​ចំណោម​៨​នាក់​។ ក្នុង​ការ​សិក្សា​, អ្នក​ដែល​ពិសារ​ទឹ​ក្រូច​១​កំប៉ុង​ក្នុង​១​ថ្ងៃ​ក៏​អាច​មាន​ហានិភ័យ​ខ្ពស់​ជាងគេ​២០​ភាគរយ​នៅ​ក្នុង​ការ​កើត​មាន​ប្រជុំ​រោគ​សញ្ញា​មេតា​បូ​លី​ក​(metabolic syndrome)​ដែល​ក្នុង​នោះ​ក៏​មានការ​កើនឡើង​អត្រា​ទ្រី​គ្លី​សេ​រីត​ដែល​ចង្អុលបង្ហាញ​ថា​ជំងឺ​ទឹកនោម​អាច​នឹង​លេចឡើង​នៅ​មិនយូរ​ប៉ុន្មាន​ឡើយ​។

តាម​ការ​សិក្សា​ពី​មុន​បានអោយ​ដឹង​ថា ការ​ទទួលទាន​ភេសជ្ជៈ​ដែល​ផ្អែម​ខ្លាំង អាច​អោយ​ឡើង​ទម្ងន់​យ៉ាង​ឆាប់​រហ​ស័​។ ហើយ​បើ​តាម​សម្តី​របស់​អ្នកនិពន្ធ Vasanti Milik, ដែល​ជា​អ្នក​ស្រាវជ្រាវ​នៅ​ក្នុង​សា​កក​វិទ្យាល័យ​ហា​វឺ​ដ​(Harvard) បាន​និយាយ​ថា ការ​ពិនិត្យ​នៃ​ភាព​ទាក់ទង​គ្នា​រវាង​ភេសជ្ជៈ​ដែល​មាន​ជាតិ​ផ្អែម និង​ការ​ប្រឈម​មុខ​នឹង​ជំងឺ​ទឹកនោមផ្អែម គឺជា​វិធានការ​ដែល​នឹង​ត្រូវធ្វើ​នៅ​ពេល​ខាង​មុខ​ទៀត​។

អ្នក​ស្រាវជ្រាវ​បាន​ធ្វើការ​ស្រាវជ្រាវ​ទៅ​លើ​ការ​ស្រាវជ្រាវ​ដែល​មាន​ស្រាប់​ជា​ច្រើន​ដើម្បី​ឈាន​ដល់​ការ​សន្និដ្ឋាន​នេះ​។ ពួក​គេ​បាន​វិភាគ​ទៅ​លើ​ការ​សិក្សា​ស្រាវជ្រាវ​ចំនួន​៨​ដែល​មាន​ទិន្ន​ន​យ័​គ្រប់គ្រាន់ ដើម្បី​អោយ​ពួក​គេ​បានឃើញ​ពី​ទំនាក់ទំនង​គ្នា​រវាង ភេសជ្ជៈ​ដែល​ផ្អែម​ទៅ​នឹង​ជំងឺ​ទឹកនោមផ្អែម​ប្រភេទ​ទី​២ និង​ការ​សិក្សា​៣​ទៀត​ប្រហាក់ប្រហែល​គ្នា​ទៅ​នឹង​បណ្តុំ​រោគ​សញ្ញា​មេតា​បូ​លី​ក​។ តាម​ការ​សិក្សា​ដ៏​ធំ​មួយទៀត​ទៅ​លើ​ជំងឺ​ទឹកនោមផ្អែម ដែល​ធ្វើ​ទៅ​លើ​ស្ត្រី​ជនជាតិ​អា​មេ​រិ​ក​ប្រហែលជា ៩១.០០០​នាក់ ដែល​មាន​អាយុ​ចន្លោះ​២៤ ទៅ​៤៤​ឆ្នាំ អំឡុង​ពេល​៨​ឆ្នាំ បានអោយ​ដឹង​ថា វា​បាន​ផ្តល់​ភ​ស្ត​តាង​ដ៏​រឹង​មាំ​ស្តី​ពី​ទំនាក់ទំនង​រវាង​ទឹកនោមផ្អែម​និង​ភេ​ស​ជ្ជះ​ដែល​មាន​ជាតិ​ផ្អែម​។

ការ​ទទួលទាន​ភេសជ្ជៈ​ដែល​ផ្អែម​ច្រើន​ពេក មិន​ត្រឹមតែ​នាំ​អោយ​ធាត់​ដែល​ជា​កត្តា​ហានិភ័យ​មួយ​នាំ​អោយ​កើត​ទឹកនោមផ្អែម​ទេវា​ថែម​ទាំង​ទាំង​ធ្វើ​អោយ​កត្តា​ហានិភ័យ​នៅ​តែ​មាន​ទៀត​ទោះបីជា​មានការ​សម្រក​ទម្ងន់​ក្តី​។ Malik បាន​និយាយ​ថា «​កត្តា​ដទៃ​ទៀត​អាច​អោយ​អ្នក​ប្រឈម​មុខ និង​ការ​វិវត្តន៍​ទៅ​ជា​ជំងឺ​ទឹកនោមផ្អែម​»​។ អ្វី​ដែល​សំខាន់​នេះ គឺ​កំរិត​ជាតិ​ស្ករ​នៅ​ក្នុង​ឈាម និង​អាំង​ស៊ុ​យ​លី​ន ព្រោះ​ភេសជ្ជៈ​ផ្អែម​ៗ ដែល​បាន​ទទួលទាន​ភ្លាម​ៗ​ក្នុង​បរិមាណ​ដ៏​ច្រើន​នឹង​ត្រូវ​បាន​ស្រូប​ទៅ​ក្នុង​ឈាម​ភ្លាម​ៗ​។

កំណើន​ជាតិ​ស្ករ​ញឹកញាប់​នឹង​អាច​នាំ​អោយ​មាន​បញ្ហា​ស៊ាំ​នឹង​អាំង​ស៊ុ​យ​លី​ន ការ​រលាក​(inflammation) និង​សម្ពាធ​ឈាម​ខ្ពស់​ដែល​ទាំងនេះ​ជា​កត្តា​នាំមុខ​ដែល​អាច​ឈាន​ដល់​ការ​កើត​ជំងឺ​ទឹកនោមផ្អែម​។ ទឹក​ស៊ី​រ៉ូ មាន​ជាតិ​ផ្អែម​ហ្វ្រុ​ច​តូ​ស​( fructose)​ខ្ពស់​, ដែល​ជា​ជាតិ​ផ្អែម​នៅ​ក្នុង​ភេសជ្ជៈ​ជា​ច្រើន​, បង្ក​គ្រោះថ្នាក់​ជាងគេ​ពីព្រោះ វា​បង្កើត​អោយ​មាន​ខ្លាញ់​នៅ​ក្បាលពោះ​។ ខ្លាញ់​ដែល​នៅ​ផ្តុំ​គ្នា​នេះ នឹង​បង្ក​អោយ​មាន​សម្ពាធ​ឈាម​ខ្ពស់ និង​បញ្ហា​បេះដូង​-​សរសៃឈាម​ដទៃ​ទៀត​ ៕