Join with Health.com.kh on Telegram

ការគ្រប់គ្រងសម្ពាធឈាមឱ្យស្ថិតក្នុងកម្រិតត្រឹមត្រូវមួយដែលមិនទាប ឬខ្ពស់ពេក គឺចាំបាច់ណាស់ដើម្បីចៀសផុតពីហានិភ័យនៃបញ្ហាសុខភាពផ្សេងៗ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើធ្វើបែបណាទើបអាចគ្រប់គ្រងសម្ពាធឈាមបាន? កុំបារម្ភ! ថ្ងៃនេះវេបសាយសុខភាព  Health.com.kh នឹងបង្ហាញឱ្យដឹងពីគន្លឹះងាយៗជួយគ្រប់គ្រងសម្ពាធឈាម ៖

១. ឈប់ជក់បារី

ភាគច្រើននៃពួកយើងសុទ្ធតែបានដឹងអំពីផលប៉ះពាល់នៃការជក់បារីចំពោះសុខភាព។ ដូច្នេះចូរកុំជក់បារី! ប៉ុន្តែសូម្បីតែការហិតផ្សែងបារីក៏អាចបង្កគ្រោះថ្នាក់ចំពោះសម្ពាធឈាម ដោយបង្កការខូចខាតដល់សសៃឈាម។

២. ធ្វើលំហាត់ប្រាណឱ្យបានទៀងទាត់

ការធ្វើលំហាត់ប្រាណទៀងទាត់ គឺចាំបាច់ណាស់រក្សាសុខភាពរាងកាយទាំងមូល ក៏ដូចជាសម្ពាធឈាម។ ការមិនធ្វើលំហាត់ប្រាណសោះនឹងបង្កផលប៉ះពាល់ដល់មុខងាររបស់បេះដូងក្នុងការច្របាច់ឈាមទៅសព្វរាងកាយដែលនាំឱ្យកើតមានបញ្ហាសុខភាពផ្សេងៗ រួមទាំងជំងឺលើសឈាម។ អ្នកមិនចាំបាច់តែធ្វើលំហាត់ប្រាណខ្លាំងក្លាឡើយ ត្រឹមការដើរ រត់ ជិះកង់ ឬហែលទឹក គឺគ្រប់គ្រាន់ហើយ។

៣. សម្រកទម្ងន់ដែលលើស

ភាពធាត់ជ្រុលជះឥទ្ធិពលគួរឱ្យព្រួយបារម្ភជាច្រើនចំពោះសុខភាពរួមទាំងបញ្ហាលើសសម្ពាធឈាម។ អ្នកអាចគ្រប់គ្រងទម្ងន់តាមរយៈការទទួលទានអាហារសុខភាពល្អនិងធ្វើលំហាត់ប្រាណ។ នេះមិនមែនមានន័យថាអ្នកចាំបាច់ត្រូវធ្វើលំហាត់ប្រាណខ្លាំងក្លាឡើយ ត្រឹមតែការដើរ ឬឡើងជណ្ដើរក៏ជាលំហាត់ប្រាណល្អប្រសើរដើម្បីទប់ស្កាត់ជំងឺលើសឈាមដែរ។

៤. កម្រិតការទទួលទានគ្រឿងស្រវឹង

ការទទួលទានគ្រឿងស្រវឹងក្នុងកម្រិតមធ្យម ២ កែវក្នុងមួយថ្ងៃសម្រាប់បុរស និង ១ កែវក្នុងមួយថ្ងៃសម្រាប់នារីពិតជាអាចជួយបញ្ចុះសម្ពាធឈាមរបស់អ្នកបាន ក៏ប៉ុន្តែការទទួលទានច្រើនលើសវិញនឹងបង្កទៅជាបញ្ហាសម្ពាធឈាមឡើងខ្ពស់គួរឱ្យព្រួយបារម្ភ។ ជៀសវាងការទទួលទានគ្រឿងស្រវឹង ប្រសិនបើអ្នកមានជំងឺលើសឈាម ឬកាត់បន្ថយការទទួលទានគ្រឿងស្រវឹងច្រើនលើសប្រសិនបើអ្នកចង់ជៀសផុតពីបញ្ហាសុខភាពនេះ។

៥. កាត់បន្ថយការទទួលទានអំបិល ឬអាហារប្រៃ

ការទទួលទានប្រៃពេកញឹកញាប់ក៏អាចបណ្ដាលឱ្យកើតជំងឺលើសឈាម ឬបញ្ហាសម្ពាធឈាមឡើងខ្ពស់ផងដែរ។ ដូច្នេះដើម្បីជាការប្រសើរ ចូរព្យាយាមកាត់បន្ថយការទទួលទានអាហារប្រៃ ឬកម្រិតការទទួលទានអំបិលមិនគួរលើសពី ១៥០០ មីលីក្រាមក្នុងមួយថ្ងៃឡើយ។ ចូរជ្រើសរើសរបបអាហារមានសុខភាពល្អប្រសិនបើអ្នកចង់រក្សាបាននូវសម្ពាធឈាមប្រក្រតី។ របបអាហារសុខភាពល្អមានរួមបញ្ចូលនូវបន្លែ ផ្លែឈើ គ្រាប់ធញ្ញជាតិ និងត្រី។ អាហារប្រភេទនេះមិនត្រឹមតែមានផ្ទុកសារធាតុចិញ្ចឹមចាំបាច់ប៉ុណ្ណោះទេ ប៉ុន្តែក៏ជួយគ្រប់គ្រងសម្ពាធឈាមបានយ៉ាងប្រសើរផងដែរ។

៦. ព្យាយាមគ្រប់គ្រងស្ត្រេស

ធ្លាប់ដឹងទេថាស្ត្រេស ឬភាពតានតឹងក្នុងអារម្មណ៍ខ្លាំងជាប្រចាំក៏អាចបណ្ដាលឱ្យសម្ពាធឈាមឡើងខ្ពស់ផងដែរ? ដូច្នេះដើម្បីជាការប្រសើរ ចូរព្យាយាមគ្រប់គ្រង ឬកាត់បន្ថយភាពស្ត្រេសរបស់អ្នក។

៧. គេងឱ្យបានគ្រប់គ្រាន់

ក្រៅពីការទទួលទានអាហារមានផ្ទុកជាតិសូដ្យូមច្រើនហើយនោះបញ្ហាសម្ពាធឈាមឡើងខ្ពស់ក៏អាចបណ្ដាលមកពីកង្វះនៃការគេងផងដែរ។ ដូច្នេះដើម្បីជាការប្រសើរចូរព្យាយាមគេងឱ្យបានចន្លោះពី ៧ ទៅ ៩ ម៉ោងក្នុងមួយយប់។

៨. ទទួលទានអាហារសុខភាពល្អ

មួយក្នុងចំណោមមូលហេតុផ្សេងទៀតនៃបញ្ហាសម្ពាធឈាមឡើងខ្ពស់ គឺពាក់ព័ន្ធនឹងអាហារដែលអ្នកទទួលទាន។ ប្រសិនបើអ្នកចង់រក្សាបាននូវសម្ពាធឈាមប្រក្រតី ចូរព្យាយាមទទួលទានអាហារសុខភាពល្អ។ របបអាហារសុខភាពល្អមានរួមបញ្ចូលនូវបន្លែ ផ្លែឈើ គ្រាប់ធញ្ញជាតិ និងត្រី។ អាហារប្រភេទនេះមិនត្រឹមតែមានផ្ទុកសារធាតុចិញ្ចឹមចាំបាច់ប៉ុណ្ណោះទេ ប៉ុន្តែក៏ជួយគ្រប់គ្រងសម្ពាធឈាមបានយ៉ាងប្រសើរផងដែរ៕