ការស្រាវជ្រាវមួយថ្មីនេះបង្ហាញថា បរិភោគយ៉ាអួ អាចជួយទប់ស្កាត់អាការៈគ្រុនផ្តាសាយធម្មតា ក៏ដូចជាជំងឺបង្កឡើងដោយបាក់តេរីមួយចំនួន ។
ពេលហូរសំបោរ និងឈឺក យើងតែងប្រើវិធីព្យាបាលនៅផ្ទះដូចជាទទួលទានទឹកឧណ្ហៗ, តែរុក្ខជាតិ , បរិភោគខ្ញី, ទឹកឃ្មុំ, ស៊ុប ដែលមានប្រសិទ្ធភាពបន្ថយអាការៈជំងឺ និងក្អក ។ ការស្រាវជ្រាវថ្មីៗនេះបង្ហាញថា បរិភោគយ៉ាអួ មានប្រសិទ្ធភាពព្យាបាលជំងឺគ្រុនផ្តាសាយធម្មតា ។
ក្រៅពីនេះ យ៉ាអួ មានគ្រប់ពពួកបាក់តេរីមានប្រយោជន៍ ដូចជា Probiotic ជួយបង្កើនសមត្ថភាពអង្គបដិបក្ខ, តាមអ្នកជំនាញការជីវជាតិអាមេរិកអះអាង ។
ការស្រាវជ្រាវរកឃើញថា Probiotic ជួយបន្ថយពេលវេលា និងកម្រិតគ្រុនផ្តាសាយ ។
ការស្រាវជ្រាវមួយផ្សេងក៏បង្ហាញថា ស្ត្រីបរិភោគយ៉ាអួរាល់ថ្ងៃ ក្នុង ៩ សប្តាហ៍ បន្ថយរោគសញ្ញារលាកក្នុងឈាម ។ ដើម្បីទទួលបានគុណប្រយោជន៍អតិបរមា អ្នកជំនាញការទូន្មានគួរបរិភោគយ៉ាអួសុទ្ធ ជាមួយនឹងអាហារសម្បូរសារជាតិប្រឆាំងអុកស៊ីតកម្មផ្សេងៗដូចជា ស្ត្របឺរី ឬ ប្ល៊ូបឺរី នឹងផ្គត់ផ្គង់បន្ថែមវីតាមីន C និងសារជាតិប្រឆាំងអុកស៊ីតកម្ម ។
ពួកអ្នកវិទ្យាសាស្ត្រនៅមន្ទីរពេទ្យ Sir Charlees Gardener (អូស្ត្រាលី) ឲ្យដឹងថា យ៉ាអួ អាចជួយទប់ស្កាត់ការក្រាស់ឡើងរបស់សរសៃឈាមចំពោះមនុស្សចាស់ បន្ថយហានិភ័យឈឺបេះដូង និងស្ត្រូក ៕