Join with Health.com.kh on Telegram

​ចំពោះ​អ្នក​ជំងឺស្ត្រូក រៀងរាល់​១​នាទី កន្លងផុត នឹងមាន​បន្ថែម​ជិត ២ លាន កោសិកា​សរសៃប្រសាទ​ត្រូវ​ងាប់ ។ គ្រប់គ្នា​ត្រូវ​រត់ប្រណាំង​ជាមួយ​ពេលវេលា ដើម្បី​សង្គ្រោះ​កោសិកា​ខួរក្បាល ព្រោះ «​បាត់បង់​ពេលវេលា គឺ​បាត់បង់​ខួរក្បាល​» ហើយ​ហានិភ័យ​ស្លាប់​ខ្ពស់ ។​

​សមាគម​ស្ត្រូ​ក​ពិភពលោក ប៉ាន់​ស្មានថា ក្នុងចំណោម​មនុស្ស ៦ នាក់ នឹងមាន​ម្នាក់​ត្រូវ​ស្ត្រូ​ក ។ ស្ត្រូ​ក​អាច​កើតឡើង​ចៃដន្យ ចំពោះ​គ្រប់គ្នា មិន​បែងចែក​វ័យ​, ភេទ​, មុខរបរ និង​ស្ថានភាព​សុខភាព ។​

​តាម​ស្តង់ដារ​របស់​អង្គការ​សុខភាព​ពិភពលោក (WHO) សរុប​ពេលវេលា​ពី​ពេល​អ្នក​ត្រូវ​ស្ត្រូ​ក ត្រូវបាន​នាំ​ដល់​មន្ទីរពេទ្យ​ដល់ពេល​បញ្ចប់​កិច្ចការ​គ្រប់យ៉ាង និង​ចាក់​ថ្នាំ​រំលាយ​ដុំ​ឈាម ត្រូវ​សម្រេច​ក្រោម ៦០ នាទី ។​

«​អ្នក​ជំងឺស្ត្រូក ត្រូវ​បានដឹង​យ៉ាង​ឆាប់ និង​នាំ​ដល់​មន្ទីរពេទ្យ​ទាន់ពេល​នោះ ទើប​អាច​សង្គ្រោះ ប្រសិទ្ធភាព ។ ថ្នាំ​រំលាយ​ដុំ​ឈាម​ប្រើ​បានតែ​ក្នុង​រង្វង់ ៤,៥ ម៉ោង ហើយ​អន្តរាគមន៍​យក​ដុំ​ឈាម ក៏​តែម្តង​រង្វង់ ៦ ម៉ោង ចាប់ពី​ពេល​ជំងឺ​កើតឡើង​», អ្នកជំនាញការ​ទូន្មាន ។​

​អាស្រ័យហេតុនេះ វេជ្ជ​ណ្ឌិ​ត​ព្រមាន​អំពី​ទស្សនៈ​ខុសឆ្គង​មួយចំនួន ពេល​សង្គ្រោះ​អ្នក​ជំងឺស្ត្រូក ត្រូវ​ចៀសវាង : ការ​ច្របាច់​ឈាម​នៅ​ចុង​ម្រាមដៃ ត្រចៀក​, ចុច​ជិព​ចរ​, ចាក់​ម្ជុល​វិទ្យាសាស្ត្រ​… វិធានការ​ទាំងនេះ សុទ្ធតែ​គ្មាន​ប្រសិទ្ធភាព ដោយ​បែរជា​ធ្វើ​ឲ្យ​បាត់ «​ពេលវេលា​មាស​», ដល់ពេល​នាំ​អ្នកជំងឺ​ដល់​មន្ទីរពេទ្យ នោះ​ភាគច្រើន​បាន​ហួសពេល ៕​