Join with Health.com.kh on Telegram

​វីតាមីន E គឺជា​សារធាតុ​មួយ​ដ៏​ចាំបាច់​បំផុត​សម្រាប់​រាងកាយ​ក្នុងការ​លូតលាស់ ដោយ​ការចិញ្ចឹម និង​ថែរក្សា​ប្រព័ន្ធ​ភាពស៊ាំ​នៅក្នុង​រាងកាយ និង​ជួយ​ក្នុងការ​បណ្ដុះ​កោសិកា​នៅលើ​ស្បែក​។ វា​ក៏បាន​ចូលរួម​ក្នុងការ​ប្រឆាំង​សារធាតុ​អុកស៊ីតកម្ម​នៅក្នុង​រាងកាយ និង​ការពារ​ការ​រលាក​ផ្សេងៗ ដែល​ប្រការនេះ បាន​អាចជួយ​លោកអ្នក​ក្នុងការ​ថែរក្សា​ស្បែក​ឲ្យ​ក្មេង​ជាង​វ័យ​។ ខាងក្រោម​នេះ ជា​អត្ថប្រយោជន៍​ដែល​វីតាមីន E ផ្តល់​ដល់​សុខភាព​ស្បែក​៖

១. ជួយ​ស្បែក​ក្នុងការ​ប្រឆាំង​ភាព​ចាស់​៖ វា​មាន​សមត្ថភាព​ខ្ពស់​ក្នុងការ​ទប់ស្កាត់​ភាព​ជ្រីវជ្រួញ ពន្យារ​ភាព​ចាស់​នៃ​ស្បែក និង​ធ្វើ​ឲ្យ​ស្បែក​ភ្លឺរលោង​ដោយសារ​វា​មាន​នាទី​ប្រឆាំងនឹង​សារធាតុ​អុកស៊ីតកម្ម​ដែលជា​រ៉ាឌីកាល់​សេរី​នៅក្នុង​រាងកាយ​។ លោកអ្នក​គួរប្រើ​ប្រាស់​វីតាមីន​នៅក្នុង​មួយថ្ងៃ​មិន​ឲ្យ​លើសពី ១៥ មី​លី​ក្រាម និង​គួរ​លាប​នៅពេល​យប់ ដើម្បី​ទទួលបាន​ប្រសិទ្ធិភាព​ខ្ពស់​។​

២. ជួយ​ព្យាបាល​បញ្ហា​ជាំ​៖ ការសិក្សា​មួយ​បាន​លើកឡើងថា ការប្រើប្រាស់​វីតាមីន E អាចជួយ​ព្យាបាល​បញ្ហា​ជាំ​បាន ហើយ​វា​នឹងមាន​ប្រសិទ្ធិភាព​កាន់តែ​ខ្ពស់ ប្រសិនបើ​ប្រើប្រាស់​លាយ​ជាមួយនឹង​វីតាមីន C​។​

៣. ធ្វើ​ឲ្យ​បបូរមាត់​រលោង និង​ទន់​៖ ការប្រើប្រាស់​វីតាមីន E នៅលើ​បបូរមាត់​ជួយ​ព្យាបាល​បញ្ហា​ស្ងួត និង​របក​មាត់​។ ដោយសារតែ​វា​មាន​នាទី​ក្នុងការ​បណ្ដុះ​កោសិកា​ថ្មី វា​ធ្វើ​ឲ្យ​ព្យាបាល​បបូរមាត់​ប្រេះ​បាន​រហ័ស និង​មាន​ប្រសិទ្ធិភាព​។​

៤. ព​ន្លឿ​ន​ការ​ព្យ​បាល​របួស​នៅលើ​ស្បែក​៖ ការស្រាវជ្រាវ​មួយ​បាន​បង្ហាញថា ការប្រើប្រាស់​វីតាមីន E អាចជួយ​ព​ន្លឿ​ន​ការព្យាបាល​របួស​នៅលើ​ស្បែក​។​

៥. កាត់បន្ថយ​អាកា​រៈ​រមាស់​នៅលើ​ស្បែក​៖ វីតាមីន E មាន​នាទី​ជួយផ្ដល់​សំណើម​ដល់​ស្បែក​ដូចនេះ វា​អាចជួយ​កាត់បន្ថយ​អាកា​រៈ​រមាស់​ឬ​អា​ឡែក​ស៊ី​បាន​មួយចំនួន​៕​