នាថ្ងៃពុធនេះ រដ្ឋាភិបាលថៃ បានរាយការណ៍ពីករណី Covid-19 ថ្មីចំនួន ៧៩៥ ករណី ដែលការឆ្លងក្នុងស្រុកចំនួន ៧៨៣ ករណី និងការនាំចូលចំនួន ១២ ករណី នាំឱ្យចំនួនឆ្លងសរុបកើនឡើងដល់ ២១.២៤៩ករណី ។
អ្នកនាំពាក្យមជ្ឈមណ្ឌលគ្រប់គ្រងស្ថានភាព Covid-19 បាននិយាយថាក្នុងចំណោមអ្នកឆ្លងជំងឺចំនួន ៧៨៣ នាក់ ករណីថ្មីចំនួន ៧៥៩ ត្រូវបានរកឃើញនៅក្នុងសហគមន៍នៃខេត្តសាមុតសាខននិង ២៤ ករណីផ្សេងទៀត ត្រូវបានបញ្ជាក់នៅមន្ទីរពេទ្យ។
ខេត្តសាមុតសាខនបានកត់ត្រា ៩៩,២% ឬ ៧៧៧ ករណីនៃការឆ្លងថ្មីក្នុងមូលដ្ឋានក្នុងរយៈពេល ២៤ ម៉ោងកន្លងមក, ទីក្រុងបាងកក ០.៥១%, ៤ ករណី និងខេត្តផ្សេងទៀត ០,២៦%, ពីរករណី។
ករណីថ្មីចំនួន ៧៥៩ ករណី ត្រូវបានរកឃើញនៅសហគមន៍សាមុតសាខនមានប្រជាជនមីយ៉ាន់ម៉ា ៦៦២ នាក់, ជនជាតិថៃ ៩២ នាក់, ជនជាតិខ្មែរ ៣ នាក់ និងឡាវ ២ នាក់៕