ការរួមភេទជាលើកទីមួយច្រើនតែបណ្តាលអោយហូរឈាមតាមទ្វារមាសប៉ុន្តែវាគឺជារឿងមួយធម្មតាទេដោយសារតែការរហែករបស់សន្ទះព្រហ្មចារីយ៍។ សន្ទះព្រហ្មចារីយ៍គឺជាជាលិការដ៏ស្តើងមួយដែលនឹងយឺតគ្របពីលើច្រកមាត់ទ្វាមាសខាងក្រៅ អាចគ្របជិត ឬមិនជិត។ ជាទូទៅ សន្ទះព្រហ្មចារីយ៍ដែលមិនត្រូវបានខូចខាតត្រូវបានចាត់ទុកថាម្ចាស់របស់វានៅក្រមុំព្រហ្មចារីយ៍។ ប៉ុន្តែបច្ចុប្បន្ននេះ យើដឹងថា ស្ត្រីដែលធ្វើការងារច្រើនដូចជា ការលេងកីឡា, ឡើងដុំដែក, ជិះសេះ ឬសម្លីអនាម័យប្រភេទឆ្នុកប្រហែលជាធ្វើឱ្យសន្ទះព្រហ្មចារីយ៍រហែកបាន។ បើសិនជាសន្ទះនេះនៅល្អ នោះវាអាចនឹងបណ្តាលអោយហូរឈាមបានក្នុងពេលរួមភេទជាលើកទីមួយ។
លើសពីនេះទៅទៀត មានហេតុផលច្រើនណាស់សម្រាប់ការហូរឈាមក្នុងពេលរួមភេទលើកទីមួយ។ ដៃគូដែលមានភាពតក់ស្លុតអាចនាំអោយមានការឈឺចាប់ដ៏ខ្លាំងក្លាក្នុងពេលរួមភេទដំបូងដែរ។ បើសិនជាដៃគូសូកបញ្ចូលលិង្គមុនពេលអ្នកមិនទាន់ត្រៀមខ្លួន ឬមានអារម្មណ៍ស្រើបស្រាលពេលលេញ វាអាចនឹងបណ្តាលអោយឈឺចាប់ និងហូរឈាមដែរ។ បើសិនជាលិង្គប៉ះដល់មាត់ស្បូនដោយចៃដន្យ ពេលនោះទំនងជាអាចអោយហូរឈាមបានដែរ។
ភាគច្រើនមានការហូរឈាមតិចតួចដែលអាចកើតឡើងបានដោយមិនដឹងខ្លួន។ ករណីខ្លះ ការហូរឈាមអាចបាត់ទៅវិញភ្លាមក្រោយពីរួមភេទ ខណៈពេលស្ត្រីមួយចំនួនប្រាប់ថា ការហូរឈាមនៅតែបន្តរយៈពេលពីរបីថ្ងៃទៀតក្រោយពីរួមភេទរួច។ ការហូរឈាមក្រោយពេលរួមភេទរួចគឺជារឿងធម្មតាទេ ប៉ុន្តែបើសិនជាវាបន្តជាប់រហូតច្រើនថ្ងៃ ពេលនោះអ្នកប្រហែលជាត្រូវទៅពិគ្រោះនឹងអ្នកឯកទេសខាងជំងឺផ្លូវភេទហើយដើម្បីទទួលបានការណែនាំបន្ថែមទៀត។
ស្ត្រីភាគច្រើនមានការបារម្ភអំពីការហូរឈាម និងឈឺចាប់មុនពេលពួកគេរួមភេទជាលើកដំបូង។ ទោះបីជាយ៉ាងណាក៏ដោយ វាមិនមែនជាហេតុផលពិតប្រាកដមួយដែលត្រូវបារម្ភនោះទេ។ ចូរមិនត្រូវស្ត្រេស ឬភ័យខ្លាចនឹងការហូរឈាម ឬឈឺចាប់ ថាវានឹងរំខានដល់ភាពសប្បាយរីករាយខាងផ្លូវភេទអ្នកអី៕