ការគេងមិនបានស្កប់ស្កល់មិនមែនជាអ្វីដែលអ្នកចង់បាននោះទេ វានឹងផ្តល់ផលវិបាកដល់ជាច្រើនដល់អ្នក ចាប់តាំងពីលទ្ធផលការងារ និងជីវិតផ្លូវភេទ រហូតដល់សុខភាពទូទៅ។ ខាងក្រោមនេះគឺជាវិធីសាស្ត្រដែលអ្នកអាចអនុវត្តដើម្បីឱ្យអ្នកគេង ឆាប់លក់និងគេងបានស្កប់ល្អ។
ទប់ស្កាត់សំឡេងរំខាន
សំឡេងស្រមុក សំឡេងស៊ីផ្លេឡាន ឬសំឡេងអ្វីផ្សេងទៀតដែលរំខានដល់ដំណេករបស់អ្នក ចូរទប់ស្កាត់សម្លេងរំខានទាំងនោះដោយប្រើចម្រៀងបែបលំហែរអារម្មណ៍។
រៀបចំរាង្គកាយរបស់អ្នក
ប្រធានវិទ្យាស្ថានផ្នែក ដំណេក នៅ Seattle ឈ្មោះ Catherine Darley និយាយថា នៅពេលដែលអ្នកឡើងគេងលើគ្រែ ចូរសាកល្បងយុទ្ធសាស្ត្របែបលំហែរអារម្មណ៍។ កាច់ម្រាមជើងឡើងលើឱ្យតឹងហើយរាប់ដល់ប្រាំពីរ បន្ទាប់មកដាក់វាធម្មតាវិញ។ ធ្វើសារឡើងវិញតាមក្បួននេះរាល់គ្រប់ក្រុមសាច់ដុំ ដោយចាប់ផ្តើមពីម្រាមជើងដល់ក។
កត់ត្រា
ទម្លាប់ប្រចាំថ្ងៃរបស់ អ្នកមានឥទ្ធិពលទៅលើកម្រិតនៃការគេងស្កប់ស្កល់របស់អ្នក។ បណ្ឌិត Stephanie Silberman ដែលជាអ្នកនិពន្ធសៀវភៅ The Insomnia Workbook (សៀវភៅសម្រាប់អ្នកគេងមិនលក់) និយាយថា ការកត់ត្រាការគេងអាចជួយអ្នកក្នុងការបង្កើតទំនាក់ទំនងទាំងនោះ។ ជារៀងរាល់ថ្ងៃ ចូរកត់ត្រានូវកម្រិតកាហ្វេអ៊ីនដែលអ្នកទទួលទាន, ពេលវេលា រយៈពេលនិងកម្រិតដែលអ្នកហាត់ប្រាណ, អ្វីដែលអ្នកបរិភោគ, ពេលអ្នកចូលគេងនិងក្រោកពីគេង, និងរយៈពេលគេងសរុបរបស់អ្នក។ បន្ទាប់មកចូរយកកំណត់ត្រានោះទៅពិភាក្សាជាមួយអ្នកជំនាញផ្នែកដំណេក ។
រក្សាភាពត្រជាក់
យើងងាយនឹងគេងលក់និងគេងបានស្កប់ល្អនៅពេលដែលសីតុណ្ហភាពក្នុងបន្ទប់មានភាពត្រជាក់។
សម្រាកឱ្យបានត្រឹមត្រូវ
ជំនួសនឹងការបង្ខំធ្វើការ នៅពេលដែលអ្នករៀបចូលគេង ចូរព្យាយាមធ្វើវាឱ្យហើយយ៉ាងហោចណាស់មុនពេលចូលគេងឱ្យបានពីរម៉ោង ដូច្នេះខួរក្បាលរបស់អ្នកមិនបង្ខំនៅពេលរៀបចូលគេង។ ភ្លាមៗមុនពេលគេង ចូរសាកល្បងធ្វើការស្រមើស្រម៉ៃបែបសម្រាកអារម្មណ៍៖ ចូរស្រម៉ៃពីបរិយាកាសស្ងប់ស្ងាត់ ដូចជាពេលនៅឆ្នេរសមុទ្រ។ យូរៗទៅ ទម្លាប់ថ្មីនឹងជួយខួរក្បាលអ្នកឱ្យសម្រាកបានល្អ៕
