Join with Health.com.kh on Telegram

​វីតាមីន C ត្រូវបាន​គេ​ស្គាល់​ថា​ជា​សារធាតុចិញ្ចឹម​ដ៏​សំខាន់បំផុត​មួយ​សម្រាប់​សុខភាព ក្នុងនោះ​ក៏​ល្អ​សម្រាប់​ស្បែក​ផងដែរ​។ ហើយ​ក៏មាន​ផលិតផល​ផ្សព្វផ្សាយ​ជាច្រើន​ដែល​អះអាងថា​មាន​ផ្ទុក​វីតាមីន C និង​ថា​អាចជួយ​ការពារ​ស្បែក​ឲ្យ​នៅ​ក្មេង​ជាង​វ័យ និង​ស​ភ្លឺ​ថ្លា​។ វីតាមីន C ពិតជា​ជួយ​ស្បែក​យើង​មែន​ឫ​ទេ​?

​ជាការ​ពិត​! វីតាមីន C ជួយ​ថែរក្សា​សម្រស់ និង​បង្កើន​ដល់​ចរន្តឈាម ដោយ​ការកាត់បន្ថយ​នូវ​អុកស៊ីសែន​សកម្ម និង​ការពារ​ស្បែក​ពី​ភាព​ចាស់ ជួយ​បំបាត់​ស្នាម អុជ​ខ្មៅ និង​ស្នាម​អុជ​ពណ៌​ត្នោត​នៅលើ​ស្បែក​។

​លើសពីនេះ វីតាមីន​C អាចជួយ​ឲ្យ​ស្បែក​ប្រឆាំងនឹង​រ៉ាឌីកាល់​សេរី ដែល​បណ្តាល​ឲ្យ​ស្បែក​ឆាប់​ចាស់ និង​កាន់តែ​ខ្មៅ​។ វា​ក៏​ជួយ​បង្កើន​នូវ​បរិមាណ​ជាតិ​ស្ករ glutathione និង​វីតាមីន E ក្នុង​រាងកាយ​ផងដែរ ដែលជា​សារធាតុ​ប្រឆាំង​អុកស៊ីតកម្ម​។ Glutathione ក៏​ជួយ​ឲ្យ​ស្បែក​ផលិត pheomelanin ជំនួស​ឲ្យ eumelanin ផងដែរ ជា​លទ្ធផល​ដែល​ធ្វើ​ឲ្យ​ស្បែក​យើង​ភ្លឺ​ថ្លា​ជាង​មុន​។​

​ទន្ទឹមនឹង​នេះដែរ វីតាមីន​C ក៏​ជួយ​បំបាត់​ស្នាម​លើ​ស្បែក បង្កើត​ស្បែក​ថ្មី​ឡើងវិញ ជួយ​ដល់​កោសិកា​កូ​ឡា​ជែ​ន បង្កើត​ភាពយឺត និង​ភាពរឹងមាំ​របស់​ស្បែក​។ វីតាមីន​នេះ​ថែមទាំង​បង្កើន​ការបញ្ចេញ​ក្រពេញ​សេ​បូម និង​រន្ធ​ញើស​តូចៗ​។​

​ផ្ទុយទៅវិញ បើ​អ្នក​ខ្វះ​វីតាមីន​C អ្នកនឹង​ប្រឈម​នឹង​បញ្ហា​ស្បែក​ដូចជា ស្បែក​មាន​ស្នាម​ជាំ និង​ធ្វើឱ្យ​អ្នកចំណាយ​ពេល​យូរ​ក្នុង​ជាសះស្បើយ​ពី​ស្នាមរបួស​ដែលមាន​លើ​ស្បែក​ទៀតផង​៕​