ជំងឺលើសឈាម គឺជាការកើនឡើងខ្ពស់នៃសម្ពាធរបស់ឈាមនៅតាមសរសៃឈាមក្រហម។
ហេតុអ្វីកើតជំងឺលើសឈាម?
ចម្លើយយ៉ាងខ្លី និងងាយយល់ គឺ បណ្តាលមកពីការកើនឡើងនៃការទប់ទល់ទៅនឹងចរន្តឈាមដែលបាញ់ជាទូទៅ ។
អ្វីទៅជារោគសញ្ញានៃជំងឺលើសឈាម?
រោគសញ្ញាជាទូទៅនៃជំងឺនេះ មានដូចជា៖
-ឈឺក្បាលនៅពេលយប់ និងពេលក្រោកពីដំណេកពេលព្រលឹម
-ហឹងត្រចៀក
-អស់កម្លាំង
-វិលមុខ
-ឈាមច្រមុះ
-បែកសរសៃឈាមក្នុងភ្នែក។
ប្រសិនបើអ្នក ឫសមាជិកគ្រួសារមានជំងឺលើសឈាមតើត្រូវធ្វើដូចម្តេច?
អ្វីដែលវេជ្ជបណ្ឌិតណែនាំគឺ ៖
-ធ្វើលំហាត់ប្រាណ៖ សូមជ្រើសរើសយកការហាត់ប្រាណ ដូចជាការស្រូបខ្យល់អាកាស ដោយគ្រាន់ វាសដៃវាសជើងរបស់អ្នកចុះឡើង។ ប៉ុន្តែ មិនមែនជាការលើកដុំដែកធ្ងន់ៗនោះទេ ព្រោះអាចប៉ះពាល់ដល់សរសៃឈាម។
-សូមកុំពិសារជាតិប្រៃ៖ បើលោកអ្នកកំពុងពិសារថ្នាំបញ្ចុះសម្ពាធឈាម ហើយអ្នកតមបានល្អ នោះប្រសិទ្ធភាពព្យាបាលរឹតតែប្រសើរ។ សូមយល់ដឹងថា អំបិលមានឥទ្ធិពលក្នុងការបង្ខាំងជាតិទឹក។
-សូមកុំឲ្យឡើងគីឡូ៖ សូមថែរក្សាទម្ងន់ខ្លួនឲ្យបានត្រឹមត្រូវ។ ប្រសិនបើលោកអ្នកធាត់ជ្រុល សូមទៅពិគ្រោះជាមួយគ្រូពេទ្យ។
-កុំពិសារបារី និងគ្រឿងស្រវឹង៖ ការទទួលទានបារី និងការទទួលទានស្រាច្រើនជ្រុល (លើសពី៩០ម.លក្នុង១ថ្ងៃ) អាចបង្កឥទ្ធិពលអាក្រក់ទៅលើសម្ពាធឈាម។
-សូមទទួលទានផ្លែឈើឲ្យបានច្រើន៖ ជាតិប៉ូតាស្យូមដែលមាននៅក្នុងផ្លែឈើ ផ្តល់សារៈសំខាន់ណាស់ក្នុងការជួយបញ្ចុះសម្ពាធឈាម។
-ចៀសឱ្យឆ្ងាយពីស្ត្រេស៖ សូមធ្វើចិត្តឲ្យបានសប្បាយ សូមជៀសវាងរាល់ការកើតទុក្ខ ព្រោះវាអាចធ្វើឲ្យសម្ពាធឈាមកើនឡើងបាន។
តើជំងឺលើសឈាមអាចព្យាបាលជាឫទេ?
ជាទូទៅជំងឺលើសឈាមមិនអាចព្យាបាលឲ្យជាសះស្បើយបានទេ។ ប៉ុន្តែវាអាចទប់ទល់បានដោយការព្យាបាលដោយឱសថ។ អ្នកជំងឺត្រូវពិសារឱសថឲ្យបានទៀងទាត់ ព្រោះការកើនឡើងសម្ពាធឈាមនឹងអាចរើឡើងវិញ។ អ្នកជំងឺត្រូវទទួលទានអាហារឲ្យបានត្រឹមត្រូវតាមវេជ្ជបញ្ជា និងធ្វើលំហាត់ប្រាណជាប្រចាំ។ ប្រសិនបើជម្ងឺលើសឈាម មានលក្ខណះធ្ងន់ធ្ងរត្រូវទៅមន្ទីរពេទ្យជាបន្ទាន់ ព្រោះអាចបណ្តាលឲ្យអ្នកជំងឺស្លាប់បាន៕