Join with Health.com.kh on Telegram

​ការស្រាវជ្រាវ​ថ្មី​មួយ​បាន​រកឃើញថា ការវះកាត់​ថង់ទឹកប្រមាត់​ក្នុង​ស្ថានភាព​បន្ទាន់​ងាយ​នឹង​មាន​ហានិភ័យ​ខ្ពស់​ក្នុង​ការកើតមាន​ផលវិបាក​នានា ជាង​ការវះកាត់​ថង់ទឹកប្រមាត់​ដែល​ដាក់​ថ្ងៃ​វះកាត់​ច្បាស់លាស់​។​អ្នកស្រាវជ្រាវ​បាន​មើល​ទៅលើ​ការវះកាត់​ថង់ទឹកប្រមាត់​ជិត​៦០០​ករណី និង​បាន​រកឃើញថា អ្នកជំងឺ​២២​នាក់​មាន​ផលវិបាក​សរុប​៣៥​។ ១៨​នាក់​នៃ​អ្នកជំងឺ​បាន​ធ្វើ​ការវះកាត់​បន្ទាន់​។​

​ការវះកាត់​ក្រោយ​ម៉ោង​៧​យប់ និង​លើ​មនុស្ស​ប្រុស​វ័យ​ចំណាស់​នោះ​ហាក់ដូចជា​ត្រូវ​បាន​ផ្សារភ្ជាប់​ទៅ​នឹង​ការកើនឡើង​ហានិភ័យ​នៃ​ការ​មាន​ផលវិបាក​។​វេជ្ជបណ្ឌិត អ៊ូ​ម៉ា ផា​តាក (Uma Phatak) ជា​សាស្ត្រាចារ្យ​ខាង​ផ្នែក​វះកាត់​ដែល​មកពី​សាកលវិទ្យាល័យ​វិទ្យាសាស្ត្រ​សុខាភិបាល Texas បាន​និយាយថា ការស្រាវជ្រាវ​គឺ​នៅ​ទាប​ដើម្បី​រក​មើល ឬ​បង្ហាញ​ពី​ហេតុ និង​ផល​។ ទោះជា​យ៉ាងណា​ក៏ដោយ​, ការស្រាវជ្រាវ​ទៅ​ថ្ងៃ​ក្រោយ​ត្រូវ​ចាំបាច់​ធ្វើ​បន្ថែម​។ ការកំណត់​អោយបាន​ឆាប់​នូវ​ហានិភ័យ​ដល់​អ្នកជំងឺ​អាច​ជា​មធ្យោបាយ​មួយ​ដើម្បី​បន្ថយ​ផលវិបាក​នៃ​អត្រា​នៃ​ការវះកាត់​ថង់ទឹកប្រមាត់​។​

​ផា​តា​កបាន​និយាយថា នៅពេល​ដែល​អ្នកជំងឺ​បាន​ធ្វើ​ការវះកាត់​, ការ​មាន​សន្លាក​លើ​ថង់​ទឹកប្រមាត់​អាច​នាំអោយ​មាន​ផលវិបាក​។​វេជ្ជបណ្ឌិត កូ​ធី​ស វ្រៃ (Curtis Wray) ជា​សាស្ត្រាចារ្យ​រង​ខាង​ផ្នែក​វះកាត់​បាន​និយាយថា វា​ពិបាក​ដឹងថា​តើ​អ្នក​មាន​បញ្ហា​នៃ​ជំងឺ​ថង់ទឹកប្រមាត់​ធ្ងន់ធ្ងរ​ឬ​យ៉ាងណា​។ ការឈឺ​ញឹកញាប់​ត្រង់​ផ្នែក​ខាងលើ​ពោះ​ខាងស្តាំ​គួរតែ​ត្រូវ​បាន​ពិនិត្យ​ដោយ​យកចិត្តទុកដាក់​។ ការ​មិន​ខ្វាយខ្វល់​ពី​រោគសញ្ញា​នេះ​អាច​នាំអោយ​មាន​ការវះកាត់​ពិបាក​នាពេលខាងមុខ​។​

​បញ្ហា​ថង់ទឹកប្រមាត់​ជាច្រើន​ត្រូវ​បាន​បង្កឡើង​ដោយ​គ្រួស​ក្នុង​ថង់ទឹកប្រមាត់​ដែល​អាច​នាំ​អោយ​ស្ទះ​មួយរយៈ​នៃ​បំពង់​ដែល​បង្ហូរ​ទឹកប្រមាត់​។​។ រោគសញ្ញា​នៃ​បញ្ហា​ថង់ទឹកប្រមាត់​រួមមាន ចង្អោ​រ​, ក្អួត និង​ឈឺ​ផ្នែក​ខាងលើ​ស្តាំ​នៃ​ពោះ​ដែល​មិន​ត្រូវ​បាន​ធូរស្រាល​ដោយ​ការប្រែប្រួល​ខ្លួន ឬ​ដោយ​ប្រើ​ថ្នាំ​បំបាត់​ការឈឺចាប់​នោះទេ​។ រោគសញ្ញា​កើតមានឡើង​យូរ​ក្រោយ​ញ៉ាំ​អាហារ និង​អាច​មាន​រយៈពេល​ពី​មួយ​ម៉ោង ទៅ​៤​ម៉ោង​៕