ដំណើរការនៃការបូមឈាម មិនថាបូមសម្រាប់ពិនិត្យមើល ឬសម្រាប់ការបរិច្ចាកឈាមនោះទេ, អាចធ្វើអោយមនុស្សជាច្រើនមានអារម្មណ៍ថាមិនស្រួលខ្លួន។ ទោះបីជានៅពេលដែលយើងគិតថា យើងមិនខ្លាច ឬរន្ធត់អ្វីក៏ដោយ, ប៉ុន្តែខ្លួនរបស់យើងអាចមានសភាពនោះបាត់ទៅហើយ។
ហេតុផលទូទៅបំផុតដែលអ្នកមានអារម្មណ៍ថាឈឺក្រពះនៅពេលដែលអ្នកមានការបូរឈាមនោះគឺខ្លួនរបស់អ្នកកំពុងតែទទួលរងប្រតិកម្មមួយដែលគេអោយឈ្មោះថា vasovagal reaction។ ប្រតិកម្មនេះគឺជាការឆ្លើយតបពីប្រព័ន្ធប្រសាទរបស់អ្នកដែលអាចត្រូវបានបង្កឡើងដោយការឃើញម្ជុល, ឃើញឈាមរបស់ខ្លួនឯង ឬមានអារម្មណ៍ធុញថប់អំពីរឿងអ្វីមួយ។
ជាមួយនឹងប្រតិកម្ម vasovagal នេះ, មនុស្សមួយចំនួនមានអារម្មណ៍ចង្អោរ។ អ្នកខ្លះទៀតមានអារម្មណ៍ថា ងងឹតមុខ, ចាប់ផ្តើមបែកញើស, ស្លេកស្លាំង ឬមានចង្វាក់បេះដូង ឬសម្ពាធឈាមធ្លាក់ចុះ។ មនុស្សមួយចំនួននឹងអាចសន្លប់ក៏មាន។
នៅពេលក្រោយដែលអ្នកមានការបូមឈាម, សូមព្យាយាមបន្ធូរអារម្មណ៍របស់ដោយប្រើបច្ចេកទេសមួយចំនួនដូចជា ការដកដង្ហើមជ្រៅៗ ឬសំងំក្នុងចិត្តដើម្បីជួយធ្វើអោយអ្នកស្ងប់អារម្មណ៍។ បិទភ្នែក ហើយគិតថា អ្នកកំពុងតែនៅលើវាលខ្សាច់ ឬនៅកន្លែងណាដែលអ្នកកំពុងតែរីករាយជាមួយវា និងកំពុងតែបន្ធូរអារម្មណ៍។ មនុស្សមួយចំនួនរកឃើញថា វានឹងមានភាពល្អប្រសើរក្នុងការមើលទៅកន្លែងផ្សេងនៅពេលដែលពួកគេកំពុងតែត្រូវបានគេបូមឈា ដូចនេះ ពួកគេមិនអាចឃើញម្ជុល ឬឈាមដែលហូរចេញពីដៃរបស់ពួកគេនោះទេ។ អ្នកក៏អាចសាកល្បងធ្វើខ្លួនរបស់អ្នកថាកំពុងតែស្តាប់ចម្រៀង ឬសាកល្បងនិយាយជាមួយនឹងគ្រូពេទ្យ។
ជាសំណាងល្អ, ការបូមឈាមមិនចំណាយពេលយូរនោះទេ។ អ្នកក៏នឹងអាចរកឃើញថា ការបូមឈាមរបស់អ្នកនឹងមានភាពងាយស្រួលទៅៗ៕