វាមិនមានអ្វីខុសឆ្គងចំពោះការពាក់អាវទ្រនាប់អំឡុងពេលដែលអ្នកគេង ប្រសិនបើវាផ្តល់អោយអ្នកនូវភាពសុខស្រួលនោះ។ គ្រូពេទ្យមួយចំនួនអាចណែនាំកុំអោយពាក់ប្រសិនបើសុដន់របស់ស្ត្រីឈឺខ្លាំង។
អ្នកប្រហែលជាបានលឺហើយទាំងភាពវិជ្ជមាន និងអវិជ្ជមានអំពីការពាក់អាវទ្រនាប់នៅពេលយប់នោះ។ ប៉ុន្តែជាការពិតគឺថា មិនមានមូលដ្ឋាននៃវិទ្យាសាស្ត្របាននិយាយអំពីវានោះទេ។ ការគេងដោយពាក់អាវទ្រនាប់នឹងមិនធ្វើអោយសុដន់របស់ស្ត្រីល្អឬអ្វីផ្សេងនោះទេ។ ហើយវានឹងមិនបណ្តាលអោយស្ត្រីវិវត្តទៅជាជំងឺមហារីក ឬធ្វើអោយប៉ះពាល់ដល់ការរីកធំរបស់សុដន់របស់នាងនោះទេ។
ស្ត្រីមួយចំនួនចង់ពាក់អាវទ្រនាប់ពេលគេងដោយសារតែពួកគេគិតថា វាផ្តល់នូវអារម្មណ៍ប្រសើរ។ អ្វីដែលល្អបំផុតសម្រាប់អ្នកគឺជ្រើសរៀសអាចទ្រនាប់ដែលស្រាល និងមិនតឹងចំពោះអ្នក។ អាវទ្រនាប់ដែលអ្នកពាក់ពេលគេងមិនគួរតឹងពេកនោះទេដែលអាចរំខានដល់ដំណេករបស់អ្នក ឬបណ្តាលអោយរលាកសុដន់។
វាមិនមានការបញ្ជាក់ថាពេលណា (ថ្ងៃ ឬយប់)ដែលអ្នកមិនគួរពាក់នោះទេ។ សូមទៅហាងលក់អាវទ្រនាប់នៅពេលដែលសុដន់របស់អ្នកធំ និងរីកលូតលាស់ជាងមុន៕