Join with Health.com.kh on Telegram

​សុខភាព​ភ្នែក​របស់​យើង​ពឹង​ផ្អែកទៅលើ​សមាសធាតុ​ផ្សេងៗ​គ្នា​ជាច្រើន​នៃ​របៀប​រស់នៅ និង​ព​ន្ធុ​វិទ្យា​របស់​យើង​។ ផ្នែក​ខ្លះ​ស្ថិតនៅ​ខាងក្រៅ​ការគ្រប់គ្រង​របស់​យើង​។ ហើយ​ផ្នែក​ផ្សេងទៀត​យើង​មានឱកាស​គ្រប់គ្រង និង​កែលម្អ​ដោយ​ខ្លួនឯង​។

​វេជ្ជបណ្ឌិត Christine Joy, OD ដែលជា​វេជ្ជបណ្ឌិត​បណ្តាញ VSP មានប្រសាសន៍ថា “​រឿង​ល្អ​បំផុត ដែល​អ្នក​អាច​ធ្វើបាន​សម្រាប់​ចក្ខុវិស័យ និង​សុខភាព​ភ្នែក​របស់​អ្នក ឱ្យមាន​ភាព​ស្ថិតស្ថេរ​យូរអង្វែង គឺ​ការបរិភោគ​អាហារ​មាន​បន្លែ និង​ផ្លែឈើ ដែលមាន​តុល្យភាព និង​មាន​ខ្លាញ់​និង​ស្ករ​ទាប​” ។ ជាពិសេស​វីតាមីន A, C, E និង​ស័ង្កសី មាន​អត្ថប្រយោជន៍​ជាពិសេស​ចំពោះ​ភ្នែក​របស់​អ្នក​។ ខាងក្រោម​នេះ ជា​អាហារ​៦​ប្រភេទ ដែល​ជួយ​ដល់​សុខភាព​ភ្នែក​របស់​អ្នក​៖

១.​ស្លឹក​បៃតង​
​បន្លែ​ស្លឹក​បៃតងចាស់ ដូចជា​ខាត់ណា មាន​ផ្ទុក​សារធាតុចិញ្ចឹម​សំខាន់ៗ​ដូចជា​សារជាតិ lutein និង zeaxanthin ។ សារធាតុ​ប្រឆាំង​អុកស៊ីតកម្ម​ទាំងពីរ​នេះ ត្រូវបាន​គេ​រកឃើញ​នៅក្នុង​កំហាប់​ខ្ពស់ ដែលជា​មជ្ឈមណ្ឌល​នៃ​រ៉េ​ទីណា របស់​អ្នក​ដែល​ទទួលខុសត្រូវ​ចំពោះ​អ្វី ដែល​អ្នក​បានឃើញ​ដោយផ្ទាល់​នៅ​ពីមុខ​អ្នក​។

២.​ការ៉ុត​
​ការបរិភោគ​ការ៉ុត​នឹងមិន​ធ្វើឱ្យ​អ្នក​មើលឃើញ​ភ្លាមៗ​ទេ ប៉ុន្តែ​មានការ​ពិតជា​ច្រើន​ចំពោះ​គំនិត​ដែលថា​ពួកគេ​អាចជួយ​ការពារ​ភ្នែក​របស់​អ្នក​។ ហេតុអ្វី​? ដោយសារតែ​ការ៉ុត​មាន​ផ្ទុក​នូវ​វីតាមីន A ច្រើន ដែល​ជួយ​ការពារ​ផ្ទៃ​ភ្នែក និង​ចាំបាច់​សម្រាប់​ការប្រឆាំង​នឹង​ភាព​ស្ងួត​នៅក្នុង​ភ្នែក និង​រក្សា​ការមើលឃើញ​ឱ្យនៅ​ល្អ​។ វីតាមីន A ក៏​ដើរតួ​ក្នុងការ​កាត់បន្ថយ​ហានិភ័យ​នៃ​ការបាត់បង់​ការមើលឃើញ ពី​ការចុះ​ខ្សោយ​នៃ​ភ្នែក និង​ជំងឺភ្នែកឡើងបាយ​។

៣.​ម្ទេស​ហា​វ៉ៃ​
​ទោះបីជា​ម្ទេស​កណ្ដឹង (​ខ្មែរ​យើង​តែង​ហៅថា ម្ទេស​ហា​វ៉ៃ​) អាច​រកបាន​ពេញ​មួយឆ្នាំ​ក៏ដោយ ប៉ុន្តែ​រដូវ​កាល​កំពូល​របស់​ពួកគេ​គឺ​ខែកញ្ញា​ដល់​ខែតុលា​។ ម្ទេស​ដែលមាន​ពណ៌​ភ្លឺ​ថ្លា​ទាំងនេះ​ជួយ​ធ្វើឱ្យ​ផ្ទៃ​ភ្នែកមាន​សុខភាព​ល្អ និង​កាត់បន្ថយ​ហានិភ័យ​នៃ​ការចុះ​ខ្សោយ​នៃ​ភ្នែក​ដែល​ទាក់ទង​នឹង​អាយុ​។ គ្រាន់តែ​ម្ទេស​មួយ​ពែង​ផ្តល់នូវ ១០០ ភាគរយ (!) នៃ​តម្លៃ​ប្រចាំថ្ងៃ​ដែល​ត្រូវបាន​ណែនាំ​នៃ​វីតាមីន A និង C​។ លើសពីនេះទៅទៀត ម្ទេស​កណ្ដឹង គ្មាន​ជាតិ​ខ្លាញ់ កាឡូរី​ទាប និង​ផ្ទុក​ជាតិ​សរសៃ ៣ ក្រាម​ក្នុង​មួយ​ពែង​។

៤.​ល្ពៅ
​ល្ពៅ​នៅ​ខែកញ្ញា ដល់​ខែវិច្ឆិកា​ល្ពៅ គឺជា​អាហារ​ដែល​ផ្ទុក​នូវ​សារធាតុចិញ្ចឹម ជួយ​សុខភាព​ភ្នែក​រួមមាន​វីតាមីន A, C និង E, ស័ង្កសី​, ជាតិ​សរសៃ​, សារជាតិ lutein និង Zeaxanthin ។ មីក្រូ​សារជាតិ​ទាំងនេះ ជួយ​ប្រយុទ្ធ​ប្រឆាំងនឹង​ការចុះ​ខ្សោយ​នៃ​ភ្នែក ដែល​ទាក់ទង​នឹង​អាយុ​, រោគសញ្ញា​ភ្នែក​ស្ងួត និង​ជំងឺភ្នែកឡើងបាយ​។

៥.​សាច់មាន់​តួ​ក​គី​
​សាច់មាន់​ទួរគី គឺ​ល្អ​សម្រាប់​ភ្នែក​របស់​អ្នក​។ ប្រូតេអ៊ីន​នេះ ផ្ទុក​ទៅដោយ​ជាតិ​ស័ង្កសី និង វីតាមីន​ដែលមាន​ផ្ទុក​ក្នុង​សាច់ ហៅថា B-Vitamin ដែល​អាចជួយ​ការពារ​ជំងឺភ្នែកឡើងបាយ​។

៦. Butternut Squash
Butternut Squash សំបូរ​ទៅដោយ​សារជាតិ lutein និង zeaxanthin វីតាមីន C វីតាមីន E ស័ង្កសី​និង​អូ​មេ​ហ្គា ៣ ។ អាហារ​ដែល​សំបូរ​ទៅដោយ​អូ​មេ​ហ្គា ៣ អាចជួយ​ការពារ​សរសៃឈាម​តូចៗ​នៅក្នុង​ភ្នែក និង​ជួយ​ដល់​អ្នក​ដែលមាន​រោគសញ្ញា​ភ្នែក​ស្ងួត​។ ហើយ​អាហារ​ដែល​ផ្ទុក​ដោយ​ស័ង្កសី​នេះ អាចជួយ​ការពារ​ជំងឺភ្នែកឡើងបាយ​បាន​៕