ការស្រាវជ្រាវថ្មីមួយបានរកឃើញថា បុរសដែលលើសទម្ងន់ ឬធាត់នៅពេលដែលពួកគេត្រូវបានធ្វើរោគវិនិច្ឆ័យថាមានជំងឺមហារីកក្រពេញប្រូស្តាតគឺពួកគេប្រឈមមុខទៅនឹងហានិភ័យខ្ពស់នៃការស្លាប់ដោយសារជំងឺនេះ។
អ្នកស្រាវជ្រាវបានមើលទៅលើបុរសដែលមានជំងឺមហារីកក្រពេញប្រូស្តាត ៧៥០នាក់ដែលបានធ្វើការវះកាត់កាត់ក្រពេញប្រូស្តាត និងជាលិកានៃជុំវិញក្រពេញនោះចោល។
អ្នកជំងឺដែលបានស្លាប់ដោយសារជំងឺមហារីកក្រពេញប្រូស្តាត គឺមាន៥០%ហាក់ដូចជាលើសទម្ងន់ ឬធាត់នៅអំឡុងពេលដែលគេធ្វើរោគវិនិច្ឆ័យ។ ការផ្សារភ្ជាប់គ្នារវាង ការលើសទម្ងន់ ឬធាត់ និងការកើនឡើងហានិភ័យនៃការស្លាប់នោះ គឺខ្ពស់បំផុតក្នុងចំនោមបុរសដែលមានប្រភេទរាលដាលនៃជំងឺមហារីកក្រពេញប្រូស្តាតនោះ។
រីណា ហាក (Reina Haque) បាននិយាយថា យើងបានរកឃើញថា ក្នុងចំនោមអ្នកជំងឺដែលត្រូវបានធ្វើការវះកាត់កាត់ក្រពេញប្រូស្តាតចោល, ទម្ងន់នៅអំឡុងពេលធ្វើរោគវិនិច្ឆ័យនោះ ត្រូវបានមានទំនាក់ទំនងយ៉ាងខ្លាំងជាមួយនឹងការរស់រានមានជីវិតនៃអ្នកជំងឺមហារីកក្រពេញប្រូស្តាតជាងកត្តាដទៃទៀតជាច្រើនដែលអ្នកស្រាវជ្រាវបានធ្វើការស្រាវជ្រាវកាលពីមុន ដែលរួមមានការព្យាបាលនៃជំងឺមហារីកក្រពេញប្រូស្តាតមួយចំនួនផងដែរ។
ហាកបាននិយាយថា យើងកំពុងសង្ឃឹមថា ការស្រាវជ្រាវនៅថ្ងៃមុខនឹងពិនិត្យលើឥទ្ធិពលនៃការសម្រកទម្ងន់ និងការប្រែប្រួលរបៀបរស់នៅដទៃទៀតលើអត្រានៃការស្លាប់ដោយសារជំងឺមហារីកក្រពេញប្រូស្តាត៕